Kehewà 33:7 - Udél Dwata: Gna Kesfasad ne Lomi Kesfasad

⁷ Balù kihu gónó le kmamfù yó kem tau Israél, eles tendo nwit Musis se kun yóm Gónô Dwata gel nit mógów. Sal gel hdaen bè lewà yóm kamfù le bede malù mayuk bélê le. Yó boluy le du yóm gónô yó, Gónô gónó Dwata nô lem blóng le. Kihu tau móyô temngón du yóm kun kóyô Dwata gel mógów e du nim Gónô ni.

Kehewà 33:7 Referans Kwoze

Isaya 59:2

Yó gónón là hmungol kuy lemwót bè yó kem salà ye. Kaem salà ye se hemseng kuy ebè Dwata bè yóm kehloni ye ebéléen.

Kem Udél Hlalak Tehe Selumun 15:29

Hlayuk du Dwata yóm tau gel mò sidek, okóm yóm tau tedeng kmoen hnungolen knihen.

Dwata 4:29

Okóm bud bè yó snéen gónó ye bud mebel nawa ke Dwata, yóm sana kuy Dwata hol gónó mogot. Ne ke hol lemwót lem but blutut ye yóm kebel ye du yó angat ton ye.

Kem Lingón 35:22

Ó Dwata, deng gotu tngónem ni kem ni. Béi tódô yem. Béem bayà ou, Dwata.

Kem Lingón 27:8

Deng monem se mò dou, “Na hlonihi sen.” Ne deng monu se mò kóm, “El, hlonihe ebéléem, Dwata.”

Kem Lingón 10:1

Ó Dwata, moen de ke hlayuki béléu? Moen de ke henbnosem ou bè yóm igoen wen hlayamu?

Hibru 8:2

Bè yó bè yóm dfél hol gónóhen nô Dwata gónóhen mò du yóm keseblóngen tau ebè Dwata. Yóm gónóhen nô yó, sundu gónô nmò tdok tau du, okóm hol kun gónô nmò yóm gónó tekuy mogot.

Kehewà 18:7

yó gónó Musis hewà nan e senlong lu. Bè yóm keston le tódô hegdungul bè solu tuónen Musis, ominen melek du. Ne ssólók le yóm lewu le gbak bè kmò le. Omin Musis mit kul ebè yóm kun gónó nô.

Kehewà 18:12

Omin Jitru demsù yóm ógóf hkekeben ebè Dwata ne wen yó kem dumu dsuen ebéléen mò ken le. Ne hyu mung bè yó Aron ne kdê yó kem tau malak yó kem tau Israél mò dumuhen mken du yóm ken dsuen yó mò gónó le dmóyón ke Dwata.

Kehewà 33:6

Tahu se, bè yóm ktagak le du yóm Bulul Sinay, là bud leket kem tau Israél du ne yó kem ngom blówón le.

Kehewà 33:8

Ke gel mógów edu Musis, yó nmò yó kem tau mdà le bè bak dól yóm kul gónô nô, tenngel le Musis efet husek elemen.