Kehewà 33:6 - Udél Dwata: Gna Kesfasad ne Lomi Kesfasad

⁶ Tahu se, bè yóm ktagak le du yóm Bulul Sinay, là bud leket kem tau Israél du ne yó kem ngom blówón le.

Kehewà 33:6 Referans Kwoze

Kehewà 33:4

Timbow gungol yó kem tau nim udél Dwata ni ya tey sidek kegnóm le du. Là bud leket le du yó kem ngom blówón le.

Jirimaya 2:19

Yó kem sidek tendo gel nmò ye, bud mulék eta ye. Gnóm ye he yóm tey khééten ne yóm tey ksideken yóm ktagak ye dou yóm sana kuy Dwata hol gónó mogot. Yó se ulék yóm là klikò ye dou. Ou se yóm Dwata hol dandónen geta, yóm Dwata laen dù là gbeken du nim mudél ni.”

Kehewà 32:3

Tahu se, gotu lenkas yó kem tau yó kem blówón tdé le ne nwit le ebè Aron.

Kehewà 3:1

Sotu kdaw bè yó, bnentey Musis yó kem ubiha ne kem kambing tuónen Jitru yóm tau gel demsù ebè Dwata bè Midyan. Yó nmò Musis, nalaken yó kem ógóf mifal yóm benwu laen hol wen tauhen ne mógów ebè Sinay yóm bulul bnoluy le bulul Dwata.

Kehewà 33:5

Yó gónó le mò du yóm yó, lemwót bè yóm udél Dwata ebélê le hlanen bè Musis, yóm monen, “Tey mgel kulu ye. Ke bude mung kuy baluen ke olon tek likót, ngem kà gotu genlau kuy. Lenkas ye ne yó kem ngom blówón ye efet deng tngónu yóm angat nmou bélê ye.”

Kehewà 33:7

Balù kihu gónó le kmamfù yó kem tau Israél, eles tendo nwit Musis se kun yóm Gónô Dwata gel nit mógów. Sal gel hdaen bè lewà yóm kamfù le bede malù mayuk bélê le. Yó boluy le du yóm gónô yó, Gónô gónó Dwata nô lem blóng le. Kihu tau móyô temngón du yóm kun kóyô Dwata gel mógów e du nim Gónô ni.

Juna 3:5

Tahu se, hentahu yó kem tau bè Ninibi yóm udél Dwata ebélê le. Yó nmò le, gotu le fasting yóm kdê le, lenwóten bè yó kem tau hol geta kkólen bè yó kem tau glaan. Gotu le mnes sakù mò gónó le hegfan du yóm deng kehegsel le.