Kehewà 33:5 - Udél Dwata: Gna Kesfasad ne Lomi Kesfasad

⁵ Yó gónó le mò du yóm yó, lemwót bè yóm udél Dwata ebélê le hlanen bè Musis, yóm monen, “Tey mgel kulu ye. Ke bude mung kuy baluen ke olon tek likót, ngem kà gotu genlau kuy. Lenkas ye ne yó kem ngom blówón ye efet deng tngónu yóm angat nmou bélê ye.”

Kehewà 33:5 Referans Kwoze

Lista 16:21

“Hlayuk ye bélê le ni kem tau ni anì tódô géhél genlau lu.”

Kem Lingón 139:23

Hol henklolem o, Dwata, hol tenngelem yóm nô lem nawahu. Hol tilówem o anì tngónem yóm nô lem hendemu.

Kem Lingón 73:19

Tódô le kendel meglà, ne tey sidek yóm gónó le e kól.

Dwata 8:2

Hol hentulón ye nawa yóm kmò kwit Dwata kuy bè yóm tey nógów mayuk lem yóm benwu laen hol wen tauhen lem yóm fat folò halay. Gel henwit Dwata yu tilów mgel mò gónón temngón du yóm hol nô bè nawa ye ke nimón ye yó kem kun hlau kuy duhen ke là.

Tekang Kbuten 22:12

Bud mon yóm hógów Dwata, “Hlasaem yóm suk. Béen abay wen nmoem béléen yóm ngà. Ni ne deng tngónu wen klikoem ke Dwata ne tey kimónem du, abay se là kô nalihem du béléen yóm hol tek són ngaem.”

Tekang Kbuten 18:21

Na mosol etu dé na hnénég ke tahu yó kem tifù le kul yó.”

Kul Nmò 7:51

Henlós Stéfén kudélen, monen, “Tey bong mgel kulu ye yóm yu. Là kóen nô bè nawa ye yóm kimón ye ke Dwata. Là kô dog hnungol ye du yóm udél Dwata, mo ye mom hbokong. Hol ye mkél bè yó kem tehe fù ye ekni. Ke wen tô tulónen kul yóm Tulus Dwata, deng mom nseng le klingu le.

Kehewà 32:9

Deng tngónu tey mgel kulu le ni kem tau ni.

Kehewà 33:6

Tahu se, bè yóm ktagak le du yóm Bulul Sinay, là bud leket kem tau Israél du ne yó kem ngom blówón le.

Juwél 2:12

Ni se udél Dwata, monen, “Balù yó hem igoen tolo wen dù kdaw, hotu ye nawa ye semfulék ebéléu mung du yóm kfasting ye ne kkik ye ne klangag ye.