Kehewà 33:4 - Udél Dwata: Gna Kesfasad ne Lomi Kesfasad

⁴ Timbow gungol yó kem tau nim udél Dwata ni ya tey sidek kegnóm le du. Là bud leket le du yó kem ngom blówón le.

Kehewà 33:4 Referans Kwoze

Lista 14:39

Timbow deng gotu tulón Musis yó kem tau Israél yóm udél Dwata ebélê le, ya tey sidek klangag le.

Lista 14:1

Timbow deng gungol yó kem tau Israél yóm tulón yó kem tau hemkana, tódô suloy le buteng dmumu mkik bè yóm alì ksidek ktafa nawa le.

Sikaraya 7:5

“Snólók ye yó kem dumu ye bè yó ne yó kem tau gel blóng ebéléu, mon ye mò kul, ‘Bè yóm hitu folò halay ye nô bè yóm benwu gónó le megef kuy, mò kmoen se yóm gel kfasting ye ne klangag ye bè yóm glimuhen bulón ne bud bè yóm ghituhen bulón, ou kô yóm gel hendem ye?

Sikaraya 7:3

Ne wen snólók le bè yó kem tau gel blóng ebè yóm sana Dwata laen dù là gbeken du ne bè yó kem tugod Dwata bè yó. Yó snólók le, “Tódô henlel me kô langag ne fasting bè yóm glimuhen bulón bud kehtulón du nawa yóm tehe kegbà yóm Gónô Dwata, lómón yóm deng gel nmò me lem yóm hilu halay?”

Juna 3:6

Timbow gungol yóm tau hol geta bè Ninibi yóm hetngón Juna yó koni, tódô tebelen yóm gónón gel myón kmukum, tódô nlusen yóm nes tau hol geta leseken ne tles mnes sakù se kun ne tódô myón ta kohù, yó se yóm kul gel adat.

Isaya 32:11

Efet ni, tey mahil klowil ye ne laen dù tnafa nawa ye. Okóm angat sut bélê ye yóm ksidek klikò ye botong ye kenkel. Kó ye yó kem nes tilob lesek ye, tódô ye lemsek nes sakù.

Job 2:12

Bè yóm hanà le tolo mayuk ton le Job, bede là hol dilô le du. Tikóng le kól béléen tey kkik le du, gotu kensê le nes le lemwót bè klangag le. Gotu hensù le kfung te kulu le.

Job 1:20

Omin Job hebkó mdà, gotu kenséen yóm nes bè lówóhen lemwót bè yóm tey klangagen. Ominen gotu tembulud weken ne tódô lemfen bè tonok bè solu Dwata.

2 Bok Kem Tau Hol Geta 19:1

Timbow gungol Hisikaya yóm tulón le yó, tódô kenséen nesen botong ksidek kegnómen du, ne lemsek nes sakù ne mógów ebè Gónô Dwata, mni bè Dwata bè yó.

1 Bok Kem Tau Hol Geta 21:27

Timbow gungol Ahab yóm tulón ni tódô kenséen nesen, ne tles leseken nes sakù ne fasting. Tódô tungô lem yóm nes sakù leseken ne tendo lindan mógów lemwót bè yóm alì klangagen.

2 Samwél 19:24

Kewót Mifibusét bè yó se kun bè Jirusalim yóm témê Sol, senlongen Dabid. Lemwót bè yóm kdaw tehe kewót Dabid gu bè Jirusalim, là kô deng noloben du tihen, ne là se kóhen du dumu bngeten, ne là se hfuken du nesen.

Hlolò 10:6

Ne yó mon Musis mò ke Aron ne yó kem lewu dù ngaen logi le Ilisar ne Itamar, “Hol bê ye abay hegfan yóm klangag ye kul. Hgifat ye semwat ne hol bê ye abay kensê se nes ye. Ke là nimón ye du nim ni, matay ye mekto se kuy ne gomong lenbut Dwata kdéen tau Israél. Okóm kul yó kem dumu ye Israél, là sideken bélê le ke lenangag le yóm katay yó kem logi yó bè yóm ofi hesut Dwata ebélê le.

Kehewà 33:6

Tahu se, bè yóm ktagak le du yóm Bulul Sinay, là bud leket kem tau Israél du ne yó kem ngom blówón le.

1 Samwél 6:19

Okóm botong hitu folò logi hnatay Dwata bè yó bè Bit-sémés lan le temngel elem yóm Slungan Dwata. Ya tey klangag yó kem dumu tau bè yó lemwót bè khatay Dwata yó kem dumu le.