Kehewà 33:22 - Udél Dwata: Gna Kesfasad ne Lomi Kesfasad

²² Ke hiwesu béléem yóm tey layag sminang gu béléu, suu uu lem yóm gónón meskang nim botu ni, sefengu kóm henmuu efete miwes.

Kehewà 33:22 Referans Kwoze

Kem Lingón 91:1

Yóm tau tendo hofin bè Dwata ne ke henek bè kofinen du, yóm Dwata laen dù là gbeken du,

Isaya 2:21

Bè yóm kdaw kkól Dwata na a kminsig klamangen tonok, gotu le hebnos ebè yó kem sol tonok ne ebè tu kem kilib bè but yó kem léhék. Tô henlóy le yóm tey sidek kebuten kul ne tô henbnos le yóm tey kfasangen ne yóm tey kegetahen.

Kem Lingón 91:4

Yó kmoen kóm, lómón ke onuk, lenambungen uu laan hafaken, ne laen kô dù hemenem. Yóm là konol nawahen ebéléem, yó se mò ofinen kóm ne mò klungen kóm.

1 Kurin 10:4

Yóm botu yó, hnigaden Krays, ne là se kóen skó yóm tendo kmungen kul bè yóm tehe kógów le yó.

Isaya 32:2

Kehlingónu kul, hol lómón ke lu mò seng bè lenos ne mò gónó e mlóy ke sut yóm tey kulón bong. Sotun, lómón ke lu yóm él mlel bè yóm benwu laen dù élen. Ne lómón ke lu yóm olung yóm botu semlung gónó hgolung bè yóm benwu laen dù koyuhen.

2 Kurin 5:19

Yó gel tulón me, duhen yóm deng kehlan Dwata du bè Krays yóm lan nmoen ebè kdéen tau mò lan le mit sefyu ebéléen. Là bud snolò Dwata du bélê le ne yó kem tehe salà le. Ne bélê me kum, deng sigangen ta me nim tulón ni mò gónó le temngón du yóm lan le mit sefyu ebéléen.

Kem Lingón 18:2

Dwata se dou botu gónó heklung, gónóhu hofin, ne du se lemwà dou. Dwata se yóm dou botu gónó e mlo. Du se gónów heklung, kun kgis hewà dou, ne du se dou gónó hofin hol mbegel.

Dwata 33:12

Yó udél Musis gbak ebè yó kem sfu Bindyamin, monen, “Yó kem sfu Bindyamin, lu se yó kem tau kenbong nawa Dwata, kem tau tendo kenlungen. Tendo bnenteyen lu ket kdaw ne tendo hlós nô lem blóng le.”

1 Bok Kem Tau Hol Geta 19:9

Tikóng kól bè yóm bulul yó, ominen mógów ebè yóm sotu kilib, ne bè yó gónón nô kifu. Tódô mudél ebéléen Dwata, monen, “Ó Ilaydya, tedu nmoem bè ni ni du?”

Isaya 49:2

Tey kehegseben udélu, lómón kegseb yóm sudeng telem. Kun sigel tendo kemlung dou. Lómó kmoen dou lómón ke ou yóm hanak telem deng hentifesen mò gtien.