Kehewà 33:2 - Udél Dwata: Gna Kesfasad ne Lomi Kesfasad

² Wen hógówu gu bè longit mò tukô gna kuy. Ou se angat hdó kul yó kem tau bè yóm benwu yó, yó kem tau Kananayt ne yó kem tau Amurayt ne yó kem tau Hitayt ne yó kem tau Pirisayt ne yó kem tau Hibayt ne yó kem tau Jibusayt.

Kehewà 33:2 Referans Kwoze

Juswa 24:11

Kogolen bè yó, nifal ye yóm Él Jurdan ne gefet ye bè Jiriku. Yó kem sendalù bè Jiriku, tey kwit le kuy sfatay. Senged se yó kem tau Amurayt ne yó kem tau Pirisayt ne yó kem tau Kanan ne yó kem tau Hitayt ne yó kem tau Girgasayt ne yó kem tau Hibayt ne yó kem tau Jibusayt, okóm hegmou yu bélê le yóm kdê le.

Kehewà 32:34

Lemwóti ne, nalakem yó kem tau ebè yóm benwu deng tulónu kóm. Hentulónem nawa wen hógówu gu bè longit mò tukô gna kóm. Okóm angat kól yóm kdawu tmafak kul ni kem tau ni lemwót bè yóm salà deng nmò le.”

Kehewà 23:20

Bè yóm knô Musis bè Dwata ditu ta bulul, wen udél htulón Dwata ke Musis bè yó kem tau Israél, monen, “Ngem, bè yóm kógów ye ebè yóm benwu Kanan deng hentifesu mò kuy, angat wen hógówu gu bè longit mò eles tukô gna kuy mò mofin kuy bè lan ne mò mit kuy etu.

Dwata 7:22

Ke deng ye kól ta yóm tonok blayen kuy, angat fen ninut lohen lu bélê ye yó kem tau gel knikò ye. Là hyuhen ke tódô sulék genlà ye lu abay se ke sulék genlà ye lu, ngem, gotu le mból yó kem ógóf lóbô lem bnes ne bè yó se gónó ye glayam.

Kehewà 34:11

Yó kuy fasad do, hol nimón ye yó kem hlauhu kuy kemdaw ni. Bè yóm kógów ye elem yóm benwu deng tehe fasadu kuy angat gotu hdóhu lu yó kem tau Amurayt ne yó kem tau Kananayt ne yó kem tau Hitayt ne yó kem tau Pirisayt ne yó kem tau Hibayt ne yó kem tau Jibusayt.

Kehewà 3:17

Deng eles natulu ne yóm kwitu kul hewà gu bè Idyip, yóm benwu alì gónó le glayam. Nitu lu ebè yóm tonok alì hyu mò du hulu, yóm benwu yó kem tau Kanan ne kem tau Hitayt ne yó kem tau Amurayt ne yó kem tau Pirisayt ne yó kem tau Hibayt ne yó kem tau Jibusayt.

Kehewà 3:8

Ne ni, denge mnaul elaan anì naw e lenwà lu lem tdok yó kem tau Idyip, nitu lu hewà gu bè yó. Nitu lu ebè yóm tonok hyu ne lamang, yóm tonok alì hyu mò du hulu ne angat tey wen tbasen. Ni kmoen ni, hanà le tolo menwu tahen yó kem tau Kanan ne kem tau Hitayt ne yó kem tau Amurayt ne kem tau Pirisayt ne kem tau Hibayt ne yó kem tau Jibusayt.Gungolu yóm alì ktaba le ebéléu yó kem dou tau ne tonu se yóm tendo kehdes le kul yó kem tau Idyip.

Kehewà 33:12

Bè yóm ktulón Dwata ke Musis yóm là bud kmungen kul, yó mon Musis mò ke Dwata, “Tahu se yóm tehe kdókem dou anì nitu lu ebè yóm benwu fasadem kul ni kem tau ni, okóm là tulónem du dou ke tau du mung dou. Deng monem tey tilob ketngónem do ne tey kehyu nawahem ebéléu.

Kehewà 34:24

Ou se angat hdó kul yóm kdéen tau bè yóm benwu deng fasadu kuy ne bud ou se angat hlamang du yóm benwu ye yó. Kogolen bè yó, laen kô dù tau mundug du yóm benwu ye bè yóm igò le mógów ebéléu tlu dulék sfalay yó kem logi bélê ye na a tmaba ebéléu.

Juswa 3:10

Angat tódô tngón ye kemdaw ni yóm knóen bélê ye Dwata yóm Dwata laen tul katayen. Bè yóm igò ye mógów eta yóm tonok deng blayen kuy, du se fen mlo kul gu tahen yó kem tau Kanan ne yó kem tau Hitayt ne yó kem tau Hibayt ne yó kem tau Pirisayt ne yó kem tau Girgasayt ne yó kem tau Amurayt ne yó kem tau Jibusayt.

Sikaraya 12:8

Bè yóm kdaw yó, kenlung Dwata lu yó kem tau bè Jirusalim ne balù yó kem tau alì lunog bélê le, angat tey kekgis le lómón tehe kekgis Dabid. Ne yó kem sfu Dabid, angat lómó kmò le lómón ke Dwata ne lómón kmò le yóm hógów Dwata gel tukô gna kul.

Tekang Kbuten 15:21

ne yó kem tau Amurayt ne yó kem tau Kanan ne yó kem tau Girgasayt ne yó kem tau Jibusayt.”

Tekang Kbuten 24:7

Yakà deng nwiten ou ebè yóm benwu ni yóm dou gónó mogot. Du se yóm Dwata nô bè longit. Niten ou gu lem gónô mà ne gu bè tonok yó kem dumuhu ne deng hol fasaden dou yóm angat keblayen du bè yó kem dou sfu nim tonok ni. Wen he hógów Dwata gu bè longit mò tukô gna kóm anì wen libun tonem ditu mò yehen yóm ngau.

Kmukum 6:9

ne deng hewau yu lem tdok yó kem tau Idyip. Ne deng bud hewau yu bè yó kem tau gel gmida kuy bè ni bè Kanan. Bè yóm khusek ye elem benwu le gotu lohu lu ne blayu kuy yóm tonok le.