Kehewà 33:16 - Udél Dwata: Gna Kesfasad ne Lomi Kesfasad

¹⁶ Tô kmò ketngón kem tau du se yóm tey kehyu nawam ebè yó kem tauhem ne ebéléu ke là mungi kum? Lemwót bè yóm kmungem kum gónó me stólóng bè kdéen tau te tonok.”

Kehewà 33:16 Referans Kwoze

Dwata 4:7

Yó gónó le mon du yóm yó abay se laen dù dumu but tau balù nô kwen le ke wen dwata lennged tendo moni bélê le lómón yóm klonihen bélê tekuy yóm sana kut Dwata hol gónó mogot ke wen tau htóbóng béléen.

Lista 14:14

Nénégem ke là gotu tulón le du bè yó kem tau Kanan. Igò le deng hónô mungol du yó kem tau Kanan uu se yóm Dwata tendo gel nô bélê me ne geli hegfan bélê me mlan bè yóm lobun gel nô ta me. Ne deng hónô gungol le uu se yóm tendo gel tukô gna kum mlan bè yóm lobun tmahà tukô gna kum ke kemdaw ne baling ofi ke kifu.

1 Bok Kem Tau Hol Geta 8:53

Yakà lu du yóm deng nélékem bè kdéen tau talak tonok, mò hol kóm tau nfun. Ni se tehe tulónem ke Musis, yóm tau tóbóng lówóhem, bè yóm tehe kehewaem kul gu bè Idyip yó kem fù me.”

Matyu 1:23

“Angat wen sawang libun tódô mlutut, ne mngà logi, ne boluy le du Imanyuwél (yó lanen yóm boluyen yó, tendo nô bélê tekuy Dwata).”

Kehewà 34:10

Yó mon Dwata mò ke Musis, “Yu kem tau Israél, ni wen senfasad tekuy. Yó fasadu kuy, angat nmou bè yó kem hohon ye yóm tey knikò bong là deng wen hmikót mton du talak tonok. Kdê yó kem tau Israél gotu ton le ni kem tey knikò angat nmou ni. Ou se yóm sana Dwata hol gónó mogot mò du bélê ye nim tey knikò angat nmou ni.

2 Kurin 6:17

Duhen yó, bud mon yóm gónó tekuy mogot, “Hol ye hlayuk bè yó kem hemtahu bè dwata kéng. Htólóng ye yóm kuy klan. Hol bê ye abay bud nmò yóm là mólósen. Ke ni se nmò ye, angat henmóyóu yu.

2 Samwél 7:23

Tau du se mkél bè yó kem tauhem Israél, yó kem tau deng tehe nsokem bè yóm keghesek le mò hol kóm nfun. Deng tey kehtótólem boluyem bè yóm kehwaem kul gu bè Idyip. Tey dê hentaw ton yóm deng nmoem bélê le, ne deng gotu lohem yó kem dumu tau tô hemseng kul, gomong yó kem dwata kéng le.

Kehewà 8:22

Okóm yóm benwu Gusén, yóm benwu gónó le nô bè Idyip yó kem dou tau, là kô homongu du, laen dù lenged tonem bè yó. Yó gónóhu mò du nim ni mò gónóm temngón du ou yóm Dwata mfasang bè nim benwu ni.

Kem Lingón 147:20

Laen dù dumu tau bè kem dumu benwu gónón mò du nim ni. Là kô tngón le du kul yó kem hlauhen. Hol dóyón tekuy Dwata.

Dwata 4:34

Wen dumu dwata lennged kô gbek hewà yóm sotu but tau deng nô lem tdok yó kem tólóng but tau bè dumu benwu, ne nmoen lu mò hol kun tau lómón yóm deng nmò Dwata bélê ye ditu bè Idyip, yóm sana kuy Dwata hol gónó mogot? Kaem hol kuy mata se deng mton du yóm tey kegbeken ne yóm tey kekgisen bè yóm nmoen yó. Tehe hwiten yó kem des mekto ne gida bè yó kem tau Idyip ne tehe nmoen yó kem tey dê hentaw ton ne yó kem tey dê knikò sut.

Lista 23:9

Lenwótu ta yó kem léhék geta, gotu tonu lu. Tenngelu lu lemwót gu ta yó kem ngà bulul. Lu se sotu but tau htólóng Dwata bè yó kem dumu tau. Tódô tngón le yóm deng kehetfing Dwata kul bè yó kem dumu tau.

Kehewà 34:9

Yó monen, “Ó Dwata, ke tahu hyu se nawam ebéléu hkoduhe béléem, holi mung kum. Tey mgel kulu le ni kem tau mung do ni, okóm hol hnifótem mi bè kdê yó kem salà nmò me ne hol henmóyóem mi mò kóm tau.”