Kehewà 33:15 - Udél Dwata: Gna Kesfasad ne Lomi Kesfasad

¹⁵ Mon Musis, “Ke là mungi kum, béem htagak kum nim benwu ni.

Kehewà 33:15 Referans Kwoze

Kehewà 34:9

Yó monen, “Ó Dwata, ke tahu hyu se nawam ebéléu hkoduhe béléem, holi mung kum. Tey mgel kulu le ni kem tau mung do ni, okóm hol hnifótem mi bè kdê yó kem salà nmò me ne hol henmóyóem mi mò kóm tau.”

Kehewà 33:3

Yóm benwu gónó ye e solu ni, tey hyu tonoken ne tey mabù huluhen. Okóm là munge kuy dou, abay se tey mgel kulu ye ne déke mom genlau yu bè lan.”

Kem Lingón 4:6

Tey dê tau mon du, “Wen kô gembek mò du bélê me yóm hyu?” Ó Dwata, hegfanem bélê me yóm tey kehyuhem.

Kem Lingón 80:3

Ó Dwata, bud hulékem mi ebéléem. Hol knoduhem mi, són se bè yó gónó me gewà.

Kem Lingón 80:7

Ó Dwata, bud hulékem mi ebéléem. Hol knudungem mi, són se bè yó angat gónó me gewà.

Isaya 63:9

bè yóm kdê gónó le glayam. Sundu hógów Dwata gu bè longit du yóm lemwà kul, kaem tódô Dwata. Yó gónón mò du, lemwót bè yóm kbong nawahen kul ne yóm kkoduhen kul. Tey tendo gel kesegyoken kul lemwót bè kbuten,

2 Bok Kem Tau Hol Geta 6:3

Ominen mudél yóm sotu bélê le, monen, “Ke hyu béléem, mungi kum dé.” Mon Ilaysa se, “Yó ne, munge kuy.”