Kehewà 33:11 - Udél Dwata: Gna Kesfasad ne Lomi Kesfasad

¹¹ Bè yóm gel kestulón le Dwata ne Musis, tódô le suyó lómón ke stulón yóm tau swè. Ke deng deng kestulón le, omin Musis mulék ebè kamfù le, fen tebel bè Gónô Dwata yóm tau lomi lemnok tóbóng lówóhen boluyen Juswa ngà Nun.

Kehewà 33:11 Referans Kwoze

Lista 12:8

Yó gónóm mon, ke stulón me tódô me suyó ne tey mtukul kestulón me, là hlanu du bè hléd. Deng tódô tonen yóm kmou. Kihol ye kóem mlos mudél etahen, yóm dou tóbóng lówó?”

Dwata 34:10

Laen dù dumu tugod Dwata bè yó bè Israél ke mkél ke Musis, yóm tódô kessuyó le Dwata ke gel le stulón.

Kehewà 33:9

Ke deng husek elemen Musis, wen lobun lememek ta yóm bak dól yóm Gónô Dwata yó, yóm lobun tmahà gel tukô gna kul. Ne gu lem yóm lobun yó gónó Dwata mudél ebè Musis.

Kehewà 24:13

Tahu se, omin le htifes le Musis ne Juswa yóm tau tóbóng lówóhen, mneged le eta yóm bulul Dwata yó.

Dwata 5:4

Bè yó ta yóm bulul yó, tódô suyó bélê ye Dwata lemwót gu lem yóm tey ofi.

Tekang Kbuten 32:30

Yó udél Jakub, monen, “Denge tódô suyó ke Dwata dou, hol là bangen du ke là mataye.” Ne yó boluyen du yóm benwu yó, Pinyél.

Sulat Jim 2:23

Hol kéng duem du yóm nô bè Sulat Dwata, yóm monen, “Tódô hentahu Abraham yóm tehe fasad Dwata du, ne lemwót bè kehtahuhen gónón tedeng kton Dwata du.” Yó gónó le gel mon du wè Dwata yóm Abraham.Bè yó gónó ye mton du là kóen tedeng kton Dwata du yóm tau ke olon hemtahu, ke là hegfanen du bè yóm gel nmoen.

Kun Snulat Jan 11:11

Ne omin Jisas bud mon du mò kul, “Yóm wè tekuy Lasarus, deng lemwót tungô ne. Ni nógówu etu naw e hlowil.”

Kun Snulat Jan 3:29

Duhen yó,” mon Jan, “hol lómón ke yóm logi myehen, deng du funen yóm libun yehenen. Okóm yóm wè yóm logi myehen yó, tódô mdà bè yó, ne tey kehyu nawahen kungolen udél yóm ween myehen. Hol lómón yó se kligalu ni kmoen ni.

Isaya 42:8

Tek són ou yóm Dwata gónóm mogot. Là móyóe du ke wen dwata kéng gbót megdóyón béléu. Tey kekbéu du ke wen dwata lennged gomong megdóyón bè yóm dou nmò.

2 Tutul Israél 20:7

Ó Dwata yóm hol kum Dwata, deng tehe gotu lohem lu yó kem tau tehe fun nim tonok ni bè yóm tehe kegdek yó kem kóm tau. Ne deng blayem bè yó kem sfu Abraham yóm weem, nim tonok ni ne laen kô dù tul sónen yóm keblayem du kul.

Kehewà 32:17

Bè yóm igò le Musis ne Juswa tolo mosol, gungol Juswa se yóm tey hensag yó kem tau ne yó monen mò ke Musis, “Wen tey hensag tau sgida gungolu bè kamfù.”

Kehewà 17:9

Mon Musis mò ke Juswa, “Méléki tau mò dumuhem mit sfatay bè yó kem tau Amélék ke haya. Ne lemwót dou, mdae te bulul nogotu yóm tuged hwit Dwata dou.”

Kehewà 33:10

Ke ton yó kem tau Israél yóm lobun nô bè bak dól yóm Gónô Dwata yó gotu le mtud bukol smolu e du.

Lista 11:28

Omin Juswa hebkó mudél yóm ngà Nun. Du se yóm gel tóbóng lówó Musis nbuten bè yóm hanà klomihen tau. Yó udélen ebè Musis, monen, “Tenflokem lu, Sér.”

Lista 12:7

Okóm tólóng ke mudéle ebè Musis kun, yóm tóbóng lówóhu. Deng gotu sigangu tahen yó kem dou tau Israél.

Dwata 31:14

Omin Dwata bud mon du mò ke Musis, “Ó Musis, là buden té ne klowilem. Tnabahem Juswa ne nwitem elem yóm Gónô gónóhu nô lem blóng ye anì tulónu du yó kem mò hlolou du.” Tahu se, lemwót Musis lewu le Juswa elem Gónô Dwata