Kehewà 32:8 - Udél Dwata: Gna Kesfasad ne Lomi Kesfasad

⁸ Deng sana tebel le yóm lan hlolou kul ne deng wen ngà safì tudu tenwél le gu bè blówón ne tmaba le ebéléen ne demsù le ebéléen. Yó mon le, mò dwata lennged le kun, yóm mit kul hewà gu bè Idyip.

Kehewà 32:8 Referans Kwoze

1 Bok Kem Tau Hol Geta 12:28

Duhen yó, lemwót bè yóm kehlau le du yó kem tau gel hmau du, wen lewu safì tahu blówón nmò Jirubuam. Yó monen mò yó kem tau, “Ó kem tau Israél, bê ye abay bud hliteg mógów ebè Jirusalim ne na a tmaba Dwata bè yó. Ni dé yó kem dwata lennged tehe lemwà kuy gu bè Idyip.”

Dwata 9:16

Bè yóm kkólu bè kamfù tódô tonu yóm là bud kimón ye du yó kem hlau deng hlolò Dwata kuy yóm sana Dwata hol gónó kuy mogot. Deng ye gemsalà béléen lemwót bè yóm kmò ye ngà safì tudu tenwél mò gónó ye tmaba.

Kmukum 2:17

Okóm yó kem tau Israél, là kô le dog hmungol bè yó kem tau tô malak kul. Deng le mom tmaba ebè yó kem dumu dwata ne mtud le bukol bè solu le. Yó kem tehe fù le, tey kimón le du yó kem hlolò Dwata kul. Okóm ni kem lomi ból Israél ni, tódô kendel knogol le Dwata, là kô le mimón.

Kehewà 32:4

Omin Aron ma kul ne hnoen. Ominen temwél du ngà safì tudu blówón. Ne yó mon yó kem tau, “Ó kem tau Israél, ni se yóm dwata lennged tekuy, yóm deng hewà tekuy gu bè Idyip.”

Kehewà 34:15

Béen abay wen senkotuk ye bè yó kem tau bè yóm benwu yó, abay se ke demsù le ebè yóm kul dwata lennged ne ke tmaba le ebélê le, ngem kà tinok le kuy anì mung ye bélê le ne gsindil ye mken du yóm ken deng dsù le ebè yóm kul dwata.

Dwata 9:12

Omin Dwata mon du mò dou, ‘Géhéli mosol abay se yó kem tauhem deng nalakem gu bè Idyip, deng le gotu mò sidek. Deng sana knogol le yóm dou hlau kul ne deng wen dwata lenbù nmò le mò gónó le e tmaba.’

Dwata 32:17

Gel le demsù ebè yó kem tulus seitan, là kô ebè Dwata du, kem dwata là deng hnikót tngón kem fù le du, dwata là deng hnikót nimón kem tau Israél du.

Kem Lingón 78:36

Okóm són te kulit le néen yóm klolò le du, mò le kéng béléen.

Kmukum 8:24

Okóm yó bud monen mò kul, “Ni wen hnihu bélê ye yóm ket kuy na sotu. Benlay ye o ket kuy na sotu yóm tdé deng negef ye bè yó kem tau Midyan.” (Abay se yó kem tau Midyan sket le temdé tahu blówón, skél le bè yó kem dumu tau menwu bè yóm benwu laen hol wen tauhen.)

Nihimaya 9:18

Wen dwata lenbù tehe nmò le lómón tô ngà safì tudu kmò le du ne mon le yó se yóm dwata tehe lemwà kul gu bè Idyip. Bè yóm nmò le yó, Dwata, tey kehwog le kóm.

Kem Lingón 106:19

Ditu bè Bulul Sinay, wen lennged safì blówón nmò le, ne mtud le bukol bè solu yóm lennged blówón yó.

Isaya 46:6

Wen se yó kem tau tódô hmò le yóm kul dwata. Kok le yóm sning gónó le hemsù filak tahu blówón le ne filak mgel le, omin le tmimbang yóm keblaten. Glok le mayad yóm tau hulung temwél mò temwél yóm dwata blówón. Timbow deng, omin le mtud bukol bè soluhen ne tmaba le ebéléen.

Jirimaya 31:32

Yóm senfasad me ni, là mkélen bè yóm tehe kesfasad me yó kem tehe fù le bè yóm tehe kalaku kul hewà gu bè Idyip. Yóm tey kbong nawahu kul bè yóm kdaw yó hol lómón yóm tau syehen, ewenem mom nulé le yóm deng senfasad me.