Kehewà 32:6 - Udél Dwata: Gna Kesfasad ne Lomi Kesfasad

⁶ Timbow hol hlafus bè yó, wen kem ógóf nwit le mò dsù hkekeb le ebè Dwata ne wen kem dumu nwit le mò ken le bè yóm kessotu nawa le. Tikóng deng deng yóm kedsù le, omin le gotu stifun mken ne omin le gotu hlengel ne hbusaw mò samuk.

Kehewà 32:6 Referans Kwoze

1 Kurin 10:7

Hol bê tekuy abay hemtahu bè yóm dwata kéng. Wen se bélê le tehe mò du ekni, lómón yóm monen bè Sulat Dwata, yóm monen, “Gotu le stifun mken, ne omin le gotu hlengel ne hbusaw mò samuk.”Hol bê tekuy abay mò samuk. Wen se bélê le tehe mò du ekni, ya tey ktafak Dwata kul. Botong lewu folò tlu libu kwen le segeng hnatay Dwata bè yóm kdaw yó.

Lista 25:2

Yó nmò yó kem libun Muab yó, tinok le yó kem logi Israél anì gbót le mken bélê le bè yóm ken dsù le ebè yó kem kul dwata lennged kem tau Muab. Tahu se, gbót le mken yó kem tau Israél ne mung le tmaba ebè kul dwata lennged boluyen Baal bè yó bè Piyor.

Deng Hegfan 11:10

Ya tey kehligal yóm kdéen tau te tonok bè yóm katay le. Tey ken bong nmò le, ne lel tey kesbasa le lemwót bè yóm kligal le. Yakà bè yó du kem lewu tugod Dwata yó gónón lemwót yóm tehe tey keglayam le.

Amus 8:10

Yóm gel kehligal ye mken bè dou Gónô, angat henbalingu klangag ye ne yóm gel kehligal ye semngal, henbalingu kik ye. Lemwót bè klangag ye gónó ye lemsek nes sakù ne gotu tenbulud ye wek ye, lómón yó kem tuha nodung le yóm tek sotu ngà le logi. Ya tey sidek khééten yóm kdaw yó.”

Amus 2:8

Bè yóm gel ktaba le ebè yó kem dwata le, deng le mom tungô klohok yó kem gónó gel demsù, igam le yóm nes sandà le bélê le yó kem tau élél. Mom ninum le lem gónô dwata lennged yóm tifas grép nwa le gu bè yó kem tau mutóng filak bélê le.

Kehewà 32:5

Tikóng ton Aron nim nmò le ni, ominen semsodò botu bè solu yóm ngà safì blówón yó mò gónón demsù ne yó heglalagen, monen, “Haya mò tekuy ken mò gónó tekuy dmóyón, yóm sana kum Dwata hol gónó mogot.”