Kehewà 32:5 - Udél Dwata: Gna Kesfasad ne Lomi Kesfasad

⁵ Tikóng ton Aron nim nmò le ni, ominen semsodò botu bè solu yóm ngà safì blówón yó mò gónón demsù ne yó heglalagen, monen, “Haya mò tekuy ken mò gónó tekuy dmóyón, yóm sana kum Dwata hol gónó mogot.”

Kehewà 32:5 Referans Kwoze

Hlolò 23:37

Ni se yó kem kehligal ebè Dwata tulónu kuy mò gónó ye hegfan du yóm tey kadat ye ke Dwata mlan bè yóm gel kestifun ye tmaba ebéléen ne mlan bè yó kem gel dsù hkekeb ye ebéléen, yóm ken ne halay ne ógóf ne gomong yóm gel ninum ye, hono kem dsù hkekeb ye ebè Dwata bè yó kem kdaw kehmoen du kuy.

Hlolò 23:2

“Hol tulónem yó kem tau Israél, wen mdengen kdaw le hligal stifun tmaba ebéléu. Yó kem kdaw yó, deng néléku mò hetfing le ebéléu. Ne gotu le stifun yóm kdê le kem tau Israél bè yó kem kdaw yó.”

1 Kurin 5:8

Duhen yó, bè yóm kken tekuy bè yóm Kdaw Khius, hol kó tekuy ke wen ken bali, duhen yóm dê gónó kuy gemsalà. Yake tles tekuy du yóm ken lomi, duhen yóm nawa laen dù belenen ne yóm kestulón laen dù kéngen.

2 Tutul Israél 30:5

Duhen yó, heglalag le bè klamang Israél, lenwóten bè Birsiba fi leged efet kól etu bè Dan fi bwak yóm gotu ktinok le yóm kdéen tau anì mógów le ebè Jirusalim na le e hnigal yóm kun Kdaw Khius Dwata yóm Dwata yó kem tau Israél. Bè yó kem halay gnan, là kô deng du ni he kwen yó kem tau hmigal du yóm Kdaw Khius, lómón yóm hloloen kul bè hlau Dwata.

1 Bok Kem Tau Hol Geta 21:9

Yó nô lem yóm sulaten, monen, “Gotu htaba ye lu yóm kdéen tau nô bè yó anì fasting le ne mni le bè Dwata, ne hol hyón ye Nabot bè yóm gónón myón yóm tau nadat ye.

1 Samwél 14:35

Omin Sol hemdà gónó le demsù ebè Dwata bè yó. Yó se yóm tanay gónó le demsù hdaen.

Hlolò 23:21

Bè yóm kdaw yó, hol béen wen tagad mò nmò okóm hol ye stifun tmaba ebè Dwata. Yóm hlolò Dwata kuy yó, angat bud lolò yó kem semfu gu bélê ye balù kihu gónó le nô. Ne laen kô dù sónen yóm klolò le du.

Hlolò 23:4

Hol tulónem yó kem tau Israél, wen kem dumu kehligal bud hmou kul okóm hol nmò le bè yóm kdaw kehmou du kul.

Kehewà 32:4

Omin Aron ma kul ne hnoen. Ominen temwél du ngà safì tudu blówón. Ne yó mon yó kem tau, “Ó kem tau Israél, ni se yóm dwata lennged tekuy, yóm deng hewà tekuy gu bè Idyip.”

Kehewà 12:14

Yó udél Dwata, monen, “Hol gel hnigal ye ke sok bud kól nim Kdaw Khius ni mò gónó ye hemtulón du nawa yóm deng nmou bélê ye. Bê ye abay nmò sónen yóm tendo gel kulit kmò ye du ket halay.

Kehewà 10:9

Mon Musis se, “Tódô kdê me, mung kum kem ngà me ne yó kem tuha bélê me. Nwit me kem ngà me logi ne kem ngà me libun ne kem ubiha me ne kem kambing me ne kem safì me abay se mò me ken bong mò gónó me hegfan yóm kadat me ke Dwata, yóm sana kum Dwata hol gónó mogot.”

Kehewà 32:6

Timbow hol hlafus bè yó, wen kem ógóf nwit le mò dsù hkekeb le ebè Dwata ne wen kem dumu nwit le mò ken le bè yóm kessotu nawa le. Tikóng deng deng yóm kedsù le, omin le gotu stifun mken ne omin le gotu hlengel ne hbusaw mò samuk.

Kehewà 17:15

Ne wen botu sensodò Musis mò gónón demsù ne yó boluyen du, “Yóm sana kum Dwata hol gónó mogot fen hegmò kum.”