Kehewà 32:4 - Udél Dwata: Gna Kesfasad ne Lomi Kesfasad

⁴ Omin Aron ma kul ne hnoen. Ominen temwél du ngà safì tudu blówón. Ne yó mon yó kem tau, “Ó kem tau Israél, ni se yóm dwata lennged tekuy, yóm deng hewà tekuy gu bè Idyip.”

Kehewà 32:4 Referans Kwoze

Nihimaya 9:18

Wen dwata lenbù tehe nmò le lómón tô ngà safì tudu kmò le du ne mon le yó se yóm dwata tehe lemwà kul gu bè Idyip. Bè yóm nmò le yó, Dwata, tey kehwog le kóm.

Dwata 9:16

Bè yóm kkólu bè kamfù tódô tonu yóm là bud kimón ye du yó kem hlau deng hlolò Dwata kuy yóm sana Dwata hol gónó kuy mogot. Deng ye gemsalà béléen lemwót bè yóm kmò ye ngà safì tudu tenwél mò gónó ye tmaba.

Kul Nmò 7:41

Tahu se, tódô le lembù mò dwata, hol lómón ke ngà safì logi kmò le du. Yó nmò le, densù le, ne mò le ken bong mò lan le madat du yóm dwata kéng nmò tdok le.

Kehewà 32:8

Deng sana tebel le yóm lan hlolou kul ne deng wen ngà safì tudu tenwél le gu bè blówón ne tmaba le ebéléen ne demsù le ebéléen. Yó mon le, mò dwata lennged le kun, yóm mit kul hewà gu bè Idyip.

1 Bok Kem Tau Hol Geta 12:28

Duhen yó, lemwót bè yóm kehlau le du yó kem tau gel hmau du, wen lewu safì tahu blówón nmò Jirubuam. Yó monen mò yó kem tau, “Ó kem tau Israél, bê ye abay bud hliteg mógów ebè Jirusalim ne na a tmaba Dwata bè yó. Ni dé yó kem dwata lennged tehe lemwà kuy gu bè Idyip.”

Husiya 13:2

Tódô senflós le mò salà bè yóm gel kmò le dwata kéng lemwót bè blówón bukay mò gónó le tmaba dwata nmò le lemwót bè kehedem tau ne nmò tdok tau. Yó udél le, “Demsù ye ebélê le ne nelek ye lu ni kem safì lennged ni.”

Kul Nmò 17:29

Ne tahu se yó,” mon Pol, “kaem mkél tekuy béléen. Yó gónóhem mon, bê tekuy tô hendem yóm Dwata ke mkél bè yóm lennged nmò tau lemwót bè blówón mélél duhen ke bè blówón bukay duhen ke bè botu, yóm olo nmò tdok tau.

Isaya 46:6

Wen se yó kem tau tódô hmò le yóm kul dwata. Kok le yóm sning gónó le hemsù filak tahu blówón le ne filak mgel le, omin le tmimbang yóm keblaten. Glok le mayad yóm tau hulung temwél mò temwél yóm dwata blówón. Timbow deng, omin le mtud bukol bè soluhen ne tmaba le ebéléen.

2 Tutul Israél 13:8

Mone yó kô hendem ye gbek ye gemmò yóm kun knamal Dwata deng nô bè yó kem sfu Dabid lemwót bè yóm tey kwen yó kem sendalù ye, ne kwit ye yóm safì tahu blówón hmò Jirubuam mò dwata ye?

2 Tutul Israél 11:15

Wen kem kun tau blóng ebè dwata kéng nélék Jirubuam mò tmaba dwata ta yó kem bulul, tmaba le ebè yó kem kambing lennged ne bè yó kem safì lennged hmoen lemwót gu bè tahu blówón.

Kehewà 32:1

Timbow ton yó kem tau Israél yóm là géhél kosol Musis gu ta yóm bulul gotu le stifun klohok Aron, mon le mò du, “Là kô tngón me du ke tedu gefet bè Musis yóm tau mit tekuy hewà gu bè Idyip. Yó hyu ke moi bélê me yó kem dwata lennged mò malak tekuy.”

1 Bok Kem Tau Hol Geta 12:32

Yó sotu bud nmò Jirubuam, bud hetfingen yóm sotu kdaw mò kul kehligal yó kem tau bè Bétél. Hnigal le nim ni bè yóm gesfoloen limu kdaw bè yóm gwoluhen bulón, lómón yóm gel Kehligal bè Slung gel nmò le bè Juda. Bè yóm gónó gel demsù bè Bétél, wen dsuen se kun ebè yó kem safì tahu blówón deng hmoen. Ne bè yó bè Bétél wen kem tau gel demsù néléken mò demsù bè yó kem gónó demsù deng hdaen.

Kehewà 20:2

“Ou se yóm sana kuy Dwata hol gónó mogot, yóm deng hewà kuy gu bè Idyip bè yóm benwu gónó ye tehe ghesek.

1 Kurin 10:7

Hol bê tekuy abay hemtahu bè yóm dwata kéng. Wen se bélê le tehe mò du ekni, lómón yóm monen bè Sulat Dwata, yóm monen, “Gotu le stifun mken, ne omin le gotu hlengel ne hbusaw mò samuk.”Hol bê tekuy abay mò samuk. Wen se bélê le tehe mò du ekni, ya tey ktafak Dwata kul. Botong lewu folò tlu libu kwen le segeng hnatay Dwata bè yóm kdaw yó.

Kehewà 32:3

Tahu se, gotu lenkas yó kem tau yó kem blówón tdé le ne nwit le ebè Aron.

Kehewà 32:5

Tikóng ton Aron nim nmò le ni, ominen semsodò botu bè solu yóm ngà safì blówón yó mò gónón demsù ne yó heglalagen, monen, “Haya mò tekuy ken mò gónó tekuy dmóyón, yóm sana kum Dwata hol gónó mogot.”

Kehewà 32:7

Ne ditu ta yóm bulul bud mudél ebè Musis Dwata, monen, “Géhéli mosol, Musis, abay se yó kem tau nalakem gu bè Idyip, deng le gemsalà ne deng kenbê le o.

Kehewà 32:24

Yó gónóhu mni bélê le ngom. Tahu se, gotu lenkas le yó kem ngom blówón le ne blay le do. Ominu gotu mbot kul elem ofi ne yó gónón e baling ngà safì tudu.”

Kehewà 32:35

Tahu se, wen des hwit Dwata ebè yó kem tau yó lemwót bè kubug le ke Aron mò yóm ngà safì tudu nmò le gu bè tahu blówón.

Isaya 30:22

Tódô angat gotu bot ye yó kem dwata lennged tehe nmò ye gu bè blówón bukay ne bè tahu blówón. Hol lómón kbot ye fól kmò ye kul. Yó udél ye, “Laen dù bud mu me kuy.”

Kehewà 20:4

Bê ye abay mò yó kem dwata lennged lemwót bè yóm gel ton ye gu bè longit duhen ke gu te tonok duhen ke gu lem él laan tonok.

Kmukum 8:24

Okóm yó bud monen mò kul, “Ni wen hnihu bélê ye yóm ket kuy na sotu. Benlay ye o ket kuy na sotu yóm tdé deng negef ye bè yó kem tau Midyan.” (Abay se yó kem tau Midyan sket le temdé tahu blówón, skél le bè yó kem dumu tau menwu bè yóm benwu laen hol wen tauhen.)

Kmukum 8:27

Okóm deng mom yó mu Gidyun du yó kem tdé blówón yó, deng mom nmoen dwata lennged ne suen bè yóm kun benwu bè Ufra. Là legenen bè yó, tódô kdê yó kem tau Israél deng mom knogol le Dwata, gotu le tmaba ebè yóm dwata lennged yó. Ne bè yó se gónón gholot Gidyun ne yó kem fes lówóhen.