Kehewà 32:33 - Udél Dwata: Gna Kesfasad ne Lomi Kesfasad

³³ Bnalà Dwata se, monen, “Là. Yóm tau gemsalà béléu, kun boluy yóm kóhu bè dou bok.

Kehewà 32:33 Referans Kwoze

Isikél 18:4

Abay se kdéen tau gotu knukumu. Knukumu se yó kem tuha, bud knukumu se yó kem ngà le. Yó kukumu kul yóm tau gemsalà, du se yóm angat matay.

Kem Lingón 69:28

Hol kóhem yóm boluy le bè yóm bok gónóm smulat boluy yó kem tau gmuta du yóm klowil laen dù sónen. Béem homong lista lu bè boluy yó kem kóm tau.

Kem Lingón 9:5

Deng gotu bnólówem yó kem tau mò sidek bè dumu benwu. Deng gotu genlaem lu. Gotu hlanahem boluy le laen kô dù tul sónen.

Hlolò 23:30

Ne ke wen tau mò nmò bè yóm kdaw yó, ou se hmatay du.

Deng Hegfan 20:12

Ne tonu se yóm kdéen tau deng tehe matay, yó kem tau hol geta kólen bè yó kem olo leneken, gotu le mdà bè solu yóm bangkù sminang bukay yó. Ne omin le lemungkà yó kem bok. Ominen bud wen sotu bok lenungkà le, duhen yóm bok lowil. Ne yó kem tau deng tehe matay, gotu knukum Dwata lu lemwót bè yóm tehe gel nmò le, yóm deng snulat le bè yó kem bok lenungkà le yó.

Deng Hegfan 13:8

Tódô kdéen tau te tonok gotu hemtahu béléen yóm ógóf lóbô yó. Són olo là hemtahu béléen, són yó kem tau deng gsulat boluy le bè yóm bok lowil, yóm kun bok yóm Ngà Ubiha tehe hnatay le. Deng eles gotu snulaten ne boluy yó kem tau wen klowil laen dù sónen gu laanen là deng dmimun du yóm kentihen.

Flipay 4:3

Ne uu snéen, Wè, yóm tau là monol nawahen tmóbóng dou, yake uu hol tmóbóng kul anì géhél le sefyu. Tey tehe khotu le nawa le tmóbóng do ekni bè yóm kehbólu yóm Tulón Hyu. Tehe le gel mung ke Klémén ne yó kem dumu gel tmóbóng dou. Yóm kul boluy deng gotu nô bè yóm bok Dwata, duhen yóm bok lowil.

Deng Hegfan 3:5

Yó kem tau gel matù bè yó kem sidek gel sut, angat benlayu lu nes bukay, ne là kô kóhu du yóm kul boluy bè yóm bok lowil. Ne bè yó bè solu Mà ne yó kem gel hógówen gu bè longit gónóhu tmulón du yóm deng kfunu kul.

Kehewà 17:14

Omin Dwata mon du mò ke Musis, “Snulatem bè bok nim kegmò ye ni anì là klifót ye du. Tulónem ke Juswa angat gotu genlau yó kem tau Amélék.”

Kem Lingón 69:29

Okóm béléu dou, Dwata, deng tey alì sidek kegnómu du. Bud bentikem ou, hol lenwaem ou.

Isikél 18:20

Yóm tau gel mò sidek, yó se yóm tau géhél matay. Là kô na e nbô ngaen logi du yó kem salà nmò maen. Dalang se yóm maen, là kô nan e nbô du yó kem salà nmò ngaen logi. Yóm tau tedeng kmoen, bud hyu se ofolen lemwót bè kmoen yóm hyu. Yóm tau mò sidek, angat tnafak lemwót bè yóm kmoen sidek.