Kehewà 32:30 - Udél Dwata: Gna Kesfasad ne Lomi Kesfasad

³⁰ Hayahen bè yó, yó mon Musis bè yó kem tau, “Tey gedlug ksideken yóm salà nmò ye. Okóm ni naw bud mneged eta bulul bè Dwata, nénég ke wen lanu hkodu bè Dwata anì hnifóten yu bè yóm tey salà ye ni.”

Kehewà 32:30 Referans Kwoze

1 Samwél 12:20

Yó bud udél Samwél ebélê le, monen, “Bê ye abay hlikò. Balù yóm deng tey kegsalà ye bè Dwata, hol bê ye abay bud knogol Dwata ne hol hewót ye lem but blutut ye yóm klolò ye du.

Lista 25:13

Yó fasadu du, là kóen hotok yóm gel keseblóngen tau ebè Dwata, dalang se yó kem angat lugoden. Yó gónóhu mò du nim ni abay se tey sidek kekbéen du ke wen dumu dwata lennged hentahu yó kem tau Israél. Ne lemwót bè yóm deng kkóhen du yóm sidek bè yó kem tau Israél, wen lanu hmifót salà le.”

Juna 3:9

Là tngón te du ke tenles Dwata hendemen, mkó yóm kebuten tekuy ne yó se gónó tekuy là matay.”

Amus 5:15

Hol kenbê ye yóm sidek, ne hol henlom ye nawa yóm tedeng. Ne hol hentedeng ye kukum bè gónô skukum. Ngem, déke bud mulék kodu Dwata yó kem dù tauhen tolo mowil bè nim benwu ni, yóm Dwata laen dù là gbeken du.

2 Bok Kem Tau Hol Geta 17:21

Bè yóm kkó Dwata kul yó kem tau Israél bè yóm kun nogot Dabid, deng mom yó nmò yó kem tau Israél, nélék le Jirubuam ngà Nibat mò tau hol geta bélê le. Du se yóm tau hol geta mit kul hlayuk bè Dwata yó kem tau Israél, deng mom niten lu tmaba ebè dwata kéng.

2 Samwél 16:12

Déke ton Dwata he nim tey ksidek kegnómu du, ne du he bud malà du béléu hyu mò tles nim kehmulaen dou Simi kemdaw ni.”

1 Samwél 12:23

Ke béléu do, ke là henlelu du mni bélê ye bè Dwata, salau bè Dwata se yó ne là kóe móyô mò du yóm yó. Ne henlelu tmolok du kuy yóm lan hyu ne yóm lan tedeng mò lolò ye.

Lista 16:47

Tahu se, nimón Aron yóm mon Musis yó, ne kendel nwahen yóm gónón gel hemsù ofi ne tódô mlóy elem blóng yó kem tau sbung. Timbow tonen yóm deng kbut yóm des mekto yó, ominen mulus insinsu lem yóm bala ofi. Yó gónón mò du yóm yó anì mólós kton Dwata yó kem tau.

2 Timuti 2:25

Ne ke wen tau semkuya du yóm kun tulón, hol hen-ganagen nawahen tmulón du kul yóm gónó le là segtud. Déke fen tenles Dwata he yóm hendem le, ne dilô le yóm hol ktahuhen,

Glasya 3:13

Okóm laen kô dù tau gembek lemolò du nim ni. Yó gónóm mon, deng tekuy mom megtafak du. Okóm ke Krays, du fen megtafak lanen msok tekuy bè yóm deng kegtafak tekuy yó. Abay se deng monen bè Sulat Dwata, yó monen, “Ke wen tau matay bè kros, yó se ilô yóm ktafak Dwata du.”

Sulat Pol Ebè Yó Kem Tau Hemtahu Bè Rom 9:3

bè yó kem dou dumu Ju, yó kem tau hol dou litô. Sidek kegnómu du abay se là kô le hemtahu bè Krays. Ke yó dum gmò, mom hyu dé ke ou fen tnafak Dwata mò tles lówó le, ne ke ou fen glayuk bè Krays anì lu yóm gewà gu lem tafak.

Kun Snulat Luk 15:18

Tódóe bud mulék ebè mà dé ni, ne yó angat monu mò du, ‘Mà, tey salau bè Dwata, ne tey salau béléem snéen.

Kun Snulat Luk 7:47

Yó gónóhu mon du mò kóm,” mon Jisas, “bè yóm alì kgotu nawahen do, yó se gónóhen gdilô yóm deng kehlifót Dwata du ne yó kem tey dê salaen. Okóm yóm tau tehe udì yóm salà deng heflifóten, bud udì se yóm nawahen ebè Dwata.”

1 Samwél 2:17

Ni se yóm salà yó kem ngà Ili logi alì sidek bè solu Dwata abay se là kô dog nadat le du yóm dsù le ebè Dwata.

Sulat Jim 5:16

Yó gónóm mon, hol ye gel seflifót, ne hol ye gel stóbóng mni bè Dwata yóm kdê ye anì kó Dwata bélê ye ke wen tenduk ye. Yóm tau hyu kmoen, tey mtud yóm knihen bè Dwata.

2 Samwél 12:9

Moen ke deng mom nuléhem ou, ne nmoem yóm tey sidek béléu? Deng hfatayem Uraya bè gida yóm tau Hitayt, lelem bud mled yehenen.

Kehewà 32:29

Yó mon Musis mò kul, “Bè nim kdaw ni, deng hetfing Dwata yu mò kem tau gel blóng ebéléen lan ye hmatay yó kem ngà logi bélê ye ne yó kem dumu ye setwoli logi. Lemwót bè yóm kimón ye ke Dwata ni, yó se gónón mò kuy mò blóng tau ebéléen.”

Kem Lingón 99:6

Lewu le Musis Aron yó kem tau gel blóng ebéléen. Samwél snéen sotu gel tmaba ebéléen. Tey kni le tóbóng bè Dwata, ne bnalà Dwata se yóm hni le.

1 Samwél 12:17

Tngón ye kóó ni se yóm bulón muta alì kinì kdaw. Okóm ni mnihe bè Dwata anì lemték ne kmulón kemdaw ni. Bè yó he gónó ye temngón du yóm tey kegsalà ye bè Dwata bè yóm kni ye béléen tau hol geta mò malak kuy.”

1 Samwél 12:19

Yó udél le hkodu bè Samwél yóm kdê le, mon le, “Mnihi bélê me bè yóm sana kóm Dwata hol gónó mogot anì là matay me. Yakà deng mom bud tennù me yóm kdê salà me lan me mni bè Dwata tau hol geta mò malak kum.”