Kehewà 32:27 - Udél Dwata: Gna Kesfasad ne Lomi Kesfasad

²⁷ Ne yó monen mò kul, “Yóm sana Dwata yó kem tau Israél fen mdók kuy mò du nim monu mò kuy ni, yóm Dwata hol gónó mogot. Lumak ye sudeng ye yóm ket kuy na sotu, mógów ye bè klamangen nim kamfù ni, lenwót ye bè bak nim tikeb ni kól bè yóm bak tikeb bè dolin gotu hnatay ye yó kem logi mò samuk, kihu ke dumu ye setwoli duhen ke kem wè ye ne ke kem dumu ye sebét.”

Kehewà 32:27 Referans Kwoze

Lista 25:5

Tahu se, yó udél Musis ebè yó kem tau gel kmukum lem blóng le, monen mò kul, “Yóm ket kuy na sotu, ke wen tau lemwót bè kuy ktol deng gbót tmaba bè yóm dwata kéng boluyen Baal bè Bulul Piyor, tódô hnatay ye.”

Kun Snulat Luk 14:26

“Yóm tau ke loloen o, okóm ke alì gfét nawahen bè kem tuhahen ne bè yehenen, duhen bè yó kem ngaen kkólen bè yó kem dumuhen setwoli, dalang se bè yóm kun klowil, kéngen yóm kloloen do yó.

2 Kurin 5:16

Duhen yó, là bud hendeng me du ne kul kmò yó kem dumu tau. Balù yóm tehe kehdeng me du yóm kun kmò Krays ekni, okóm là ne ni du, là bud nmò me du.

Kehewà 32:29

Yó mon Musis mò kul, “Bè nim kdaw ni, deng hetfing Dwata yu mò kem tau gel blóng ebéléen lan ye hmatay yó kem ngà logi bélê ye ne yó kem dumu ye setwoli logi. Lemwót bè yóm kimón ye ke Dwata ni, yó se gónón mò kuy mò blóng tau ebéléen.”

Kehewà 32:26

yó gónó Musis mdà bè bak tikeb yóm kamfù le ne hetê, monen, “Yó kem tau gfi bè yóm sana kum Dwata hol gónó mogot, mógów ye edini béléu.” Tahu se, kdê yó kem tau semfu gu bè Libay gotu le stifun e klohoken.

Kehewà 32:28

Tahu se, nimón yó kem tau semfu gu bè yóm tehe Libay yóm dók Musis kul yó, wen dô tlu libu tau hnatay le bè yóm kdaw yó.

Dwata 13:6

Baluen he ke tô lifut stulón kóm yóm hol dumuhem setwoli logi, duhen ke ngaem logi ne ke ngaem libun, duhen ke yóm yehenem alì kenbong nawahem, duhen ke yóm wè hol dumuhem ston nawa, ke tô niten uu tmaba bè yó kem dumu dwata, yó kem dwata kéng là deng hnikót tnabahem du dalang se yó kem tehe fuem, hol béem abay kenmón.

Dwata 13:10

Tódô hnatay sentudà ye botu. Yóm nmoen yó, tô niten yu hlayuk bè Dwata yóm sana kuy Dwata hol gónó mogot, yóm deng hewà kuy gu bè Idyip bè yóm benwu gónó ye ghesek.