Kehewà 32:25 - Udél Dwata: Gna Kesfasad ne Lomi Kesfasad

²⁵ Ton Musis yóm là kegbek Aron mit kul yó kem tau ne deng mom henyak le knô le lem blóng yó kem hohon le,

Kehewà 32:25 Referans Kwoze

Deng Hegfan 16:15

Ne mudél yóm hol gónó mogot, monen, “Ngem, angat le gotu ktut bè yóm kkólu, lómón kektut le ke sut yóm tau mnagaw. Hligal kun yóm tau eles mingat do, yóm tau deng eles hentifesen yóm nes leseken anì là mógówen là mnes bè yóm kkólu, ne anì laen dù gónón myak bè gónón wen.”

Mika 1:11

Ó kem tau bè Syafir, hol ye hyak bè yóm kegef le kuy laen dù nes. Yó kem tau bè Saanan, là kô le hewà gu lem syudad le, likò le. Yó kem tau bè Bit-isil, gotu le langag, abay se laen dù gónó le hofin bè yó.

Sulat Pol Ebè Yó Kem Tau Hemtahu Bè Rom 6:21

Tulón ye do kun, wen kô ofol ye du yó kem sidek tehe nmò ye gónó ye myak? Yó nefeten yóm nmò ye yó, duhen hatay.

Husiya 2:3

Ke là mimónen, tódô gotu kóhu nesen anì tódô mógów laen dù nes lómón yóm hanà ksuten. Tódô tebelu anì heskélu bè yóm benwu là hyu menwu du yóm klowilen ne angat hlós matay bè kleengen.

Danyél 12:2

Wen se bè yó kem tau deng matay angat bud btik, wen se bélê le gmuta du yóm klowil laen dù sónen ne wen se bélê le gmuta du yóm tey sidek kyak laen dù sónen.

Dwata 9:20

Balù Aron tey kebut Dwata du se kun, deng tô hnatayen. Ne yó nmou bè yóm kdaw yó, bude mni bè Dwata bè Aron se kun.

Tekang Kbuten 3:10

Yó balaen du yóm logi yó, monen, “Gungolu uu se yóm kkólem bè ni okóm likoe, henbnosu uu abay se tódóe hlówó.”

Kehewà 32:26

yó gónó Musis mdà bè bak tikeb yóm kamfù le ne hetê, monen, “Yó kem tau gfi bè yóm sana kum Dwata hol gónó mogot, mógów ye edini béléu.” Tahu se, kdê yó kem tau semfu gu bè Libay gotu le stifun e klohoken.

1 Bok Kem Tau Hol Geta 12:28

Duhen yó, lemwót bè yóm kehlau le du yó kem tau gel hmau du, wen lewu safì tahu blówón nmò Jirubuam. Yó monen mò yó kem tau, “Ó kem tau Israél, bê ye abay bud hliteg mógów ebè Jirusalim ne na a tmaba Dwata bè yó. Ni dé yó kem dwata lennged tehe lemwà kuy gu bè Idyip.”

1 Bok Kem Tau Hol Geta 14:16

Angat tódô bayà Dwata lu yó kem tau Israél lemwót bè yóm salà deng nmò Jirubuam, ne yóm deng kwiten kul mò salà yóm kdéen tau Israél.”

Kem Udél Hlalak Tehe Selumun 29:18

Yó kem tau là hmungol le udél Dwata tódô kihu knóyô nmò le, okóm hligal yóm tau gel mimón yóm udél Dwata.