Kehewà 32:23 - Udél Dwata: Gna Kesfasad ne Lomi Kesfasad

²³ Yó mon le mò do, ‘Là kô tngón me du ke tedu deng gefet bè Musis yóm tau mit kum hewà gu bè Idyip. Yó hyu ke moi bélê me dwata lennged mò malak kum.’

Kehewà 32:23 Referans Kwoze

Kehewà 32:8

Deng sana tebel le yóm lan hlolou kul ne deng wen ngà safì tudu tenwél le gu bè blówón ne tmaba le ebéléen ne demsù le ebéléen. Yó mon le, mò dwata lennged le kun, yóm mit kul hewà gu bè Idyip.

Kul Nmò 7:40

Bè yóm igò Musis tolo golun te bulul, mon le mò ke Aron, yóm twoguhen, mon le, ‘Moi kum dé kem dwata mò malak tekuy, abay se là bud tngón tekuy du yóm Musis yu, yóm tau malak tekuy gu bè Idyip.’

1 Samwél 15:15

Bnalà Sol, monen, “Nwa le lu gu bè yó kem tau Amalikayt. Gotu nwa le yóm ubiha mabù ne safì mabù mò dsù le lu ebè yóm sana kóm Dwata hol gónó mogot. Okóm yó kem dumu hnatay me lu.”

1 Samwél 15:21

Okóm yó kem sendaluu, wen ubiha ne safì nwa le, yóm alì hyu bè kdê yó kem ógóf ne nwit le edini bè Gilgal mò dsù le ebè yóm sana kóm Dwata hol gónó mogot.”