Kehewà 32:21 - Udél Dwata: Gna Kesfasad ne Lomi Kesfasad

²¹ Monen mò ke Aron, “Tedu deng nmò le béléem ni kem tau ni? Moen ke hmoem kul nim tey salà bong ni?”

Kehewà 32:21 Referans Kwoze

Tekang Kbuten 20:9

Omin Abimélék htaba ke Abraham, ne monen mò du, “Tedu de nim deng nmoem bélê me ni? Tedu de deng nmou béléem sidek gónóm mò du bélê me nim ni? Moen ke lómón ni yóm salà hbóem dou dalang se yóm benwu nogotu? Là kóen hyu yóm deng nmoem béléu ni.

1 Bok Kem Tau Hol Geta 21:22

Angat gotu genlau yó kem fes lówóhem lómón keglau yóm kun fes lówó Jirubuam ngà Nibat, ne lómón keglau yóm kun fes lówó Baasa ngà Ahidya. Yó gónóhu mò du nim ni lanem alì hebut do, ne lanem malak kul mò sidek yó kem tau Israél.

1 Bok Kem Tau Hol Geta 14:16

Angat tódô bayà Dwata lu yó kem tau Israél lemwót bè yóm salà deng nmò Jirubuam, ne yóm deng kwiten kul mò salà yóm kdéen tau Israél.”

1 Samwél 26:19

Duhen ni, dou gónó mogot, hol hnungolem udél yóm tóbóng lówóhem. Ke Dwata se yóm mdók kóm anì hnatayem o, hyu ke wen dsuu ebéléen anì henmóyóen. Okóm ke kul kóyô kem tau, Dwata he hol tmafak kul yóm kdê le deng matul do. Abay se deng lohem ou bè yóm dou benwu ne yó gónów là bud gnô lem blóng yó kem dou dumu ne gónów là bud tmaba ebè Dwata bè yó lómón yóm sana dou gel nmò.

Tekang Kbuten 26:10

Yó udél Abimélék, monen, “Moen ke gbek nmoem bélê me nim ni? Ke deng wen semtungô du, uu se gónón lemwót yóm tey kegsalà me.”

Kehewà 32:20

Tódô nwahen yóm ngà safì tudu nmò le, gotu hnoen ne gotu heblibuen, ominen mbol du él ne gotu hinumen yó kem tau Israél.

Kehewà 32:22

Mon Aron se, “Béem tô lenbut ou, deng tngónem se yóm hónô kmò le sidek ni kem tau ni.

1 Samwél 15:14

Okóm yó mon Samwél mò du, “Moen se ke wen udél ubiha ne udél safì gungolu?”