Kehewà 32:2 - Udél Dwata: Gna Kesfasad ne Lomi Kesfasad

² Mon Aron se mò kul, monen, “Lenkas ye yó kem blówón tdé yehen ye ne kem ngà ye logi ne kem ngà ye libun ne nwit ye edini béléu.”

Kehewà 32:2 Referans Kwoze

Husiya 2:8

Là kô dog hendemen du yóm libun yó ou se gónóhen gu lemwót yóm halayen ne tifas grépen ne hnolo uliben dalang se yó kem tey blówón bukayen ne yó kem tahu blówón gel blayen ke sok tmaba ebè Baal.

Tekang Kbuten 24:47

Ominu smólók du, monu, ‘Tau du de maem?’ Yó balaen dou, monen, ‘Yó boluy mau, Bituél yóm ngà Nahor lewu le Milka.’ Bè yóm kungolu du yóm monen yó, yó gónóhu bemlay du yóm tising gel sù bè ilung, ne wen lewu blusù mung du.

Tekang Kbuten 24:22

Timbow deng gotu khinum Ribika yó kem kamél, lemwót yóm tóbóng lówó Abraham wen tising tahu blówón gel sù bè ilung nakaten, mung du yóm lewu blusù tahu blówón ne blayen ke Ribika.

Kehewà 32:3

Tahu se, gotu lenkas yó kem tau yó kem blówón tdé le ne nwit le ebè Aron.

Kem Udél Hlalak Tehe Selumun 25:12

Yóm kbólów yóm tau deng hulung hedem tey bong muhen bè yóm tau mimón senta yóm tising blówón megélék.

Isaya 30:22

Tódô angat gotu bot ye yó kem dwata lennged tehe nmò ye gu bè blówón bukay ne bè tahu blówón. Hol lómón kbot ye fól kmò ye kul. Yó udél ye, “Laen dù bud mu me kuy.”