Kehewà 32:19 - Udél Dwata: Gna Kesfasad ne Lomi Kesfasad

¹⁹ Timbow deng moni bè kamfù le Musis, tódô tonen se yóm ngà safì tudu ne tonen se yó kem tau madal. Ya tey sidek kebuten. Bè yó bè but yóm bulul tódô tudaen yóm botu kufil nwiten ne gotu meskang.

Kehewà 32:19 Referans Kwoze

Ifisus 4:26

Ke wen lenbut ye, ten-gama ye anì là gwiten kuy mò salà. Bê ye hkól bè kesdef kdaw yóm kebut ye,

Mark 10:14

Timbow ton Jisas nim nmò le ni, botong lenbuten lu, monen mò kul, “Heflós ye lu edini yó kem ngà yó, bê ye abay henseng lu. Abay se yó kem tau nogot Dwata, hol le mkél bè knawa ni kem ngà lómón ni.

Mark 3:5

Bè yóm ketngel Jisas ebélê le, tey kebuten kul. Okóm nô bè yó se klayuk nawahen kul, abay se dilóen bélê le yóm tey kgel kulu le ne yóm klaen dù keskodu bélê le. Ominen bud haking ebè yóm tau kimoy sigelen, monen mò du, “Ó Wè, bentolem sigelem.” Ne tahu se, bentolen, ne hol lómón ke laen dù tehe desen.

Matyu 5:22

Okóm ni dou tulón kuy, yóm tau ke lenbuten kem dumuhen, angat nwit le bè kukum. Yóm tau ke monen bè yóm dumuhen, ‘Laen dù muhem tau kóm,’ angat nwit le ebè yóm tau gel hemdeng knukum yóm tau yó. Ne yóm tau ke monen bè yóm dumun, ‘Nungeli. Laen dù muhem tau,’ deng golu elem lanaw ofi ne yóm tau mudél yó.

Jirimaya 31:32

Yóm senfasad me ni, là mkélen bè yóm tehe kesfasad me yó kem tehe fù le bè yóm tehe kalaku kul hewà gu bè Idyip. Yóm tey kbong nawahu kul bè yóm kdaw yó hol lómón yóm tau syehen, ewenem mom nulé le yóm deng senfasad me.

2 Samwél 6:14

Tódô hotu Dabid gelen madal bè solu Dwata, leseken yóm nes bukay gel lesek yóm tau gel blóng ebè Dwata boluyen ifod.

Dwata 27:26

‘Hol tnafak Dwata yóm tau là mimón du yóm kdê hlauhen ne yóm kdê toloken.’ Ne kdéen tau gotu malà du, mon le, ‘Tahu yó.’ ”

Lista 12:3

Blaem nim Musis, tey tau hulung heglaan laen kô gemsenged du bè kdéen tau talak tonok yóm khulungen heglaan.

Kehewà 32:11

Okóm tey kehkodu Musis bè Dwata yóm hol gónón mogot, monen mò du, “Ó Dwata, moen du ke alì gedlug kebutem kul yó kem tauhem deng hewaem gu bè Idyip? Yóm kegewà le yó mlan bè yóm alì kegbekem ne tey kgisem.

Kehewà 15:20

Wen sotu libun tugod Dwata boluyen Miryam, libun Aron. Nunihen yóm kun gel nuni boluyen tamburin ne kdê yó kem dumu libun gotu lemolò du. Bud nuni le se yóm kul tamburin lel le madal.

1 Kurin 10:7

Hol bê tekuy abay hemtahu bè yóm dwata kéng. Wen se bélê le tehe mò du ekni, lómón yóm monen bè Sulat Dwata, yóm monen, “Gotu le stifun mken, ne omin le gotu hlengel ne hbusaw mò samuk.”Hol bê tekuy abay mò samuk. Wen se bélê le tehe mò du ekni, ya tey ktafak Dwata kul. Botong lewu folò tlu libu kwen le segeng hnatay Dwata bè yóm kdaw yó.

Kehewà 32:18

Mon Musis se, “Sundu hensag tau matù du yóm hensag yó ne sundu se langat tau fedi du. Tódô udél kem tau semngal.”

Kehewà 34:1

Yó mon Dwata mò ke Musis, “Budi mò lewu botu kufil lómón yóm gnan ne bud snulatu du yó kem udél tehe nô bè yóm gnan, yóm deng btuem.

Kem Lingón 119:53

Ke gel tonu yóm kekbê le du yó kem hlauhem yó kem tau mò sidek, tey sidek kebutu kul.

Dwata 10:2

anì bud snulatu ta yó kem botu kufil nwitem yó kem tehe snulatu bè yóm gnan, yóm deng btuem. Ke deng deng ksulatu du, ominem hemyu du lem yóm slungan nmoem, duhen yóm Slungan Fasad.’