Kehewà 32:18 - Udél Dwata: Gna Kesfasad ne Lomi Kesfasad

¹⁸ Mon Musis se, “Sundu hensag tau matù du yóm hensag yó ne sundu se langat tau fedi du. Tódô udél kem tau semngal.”

Kehewà 32:18 Referans Kwoze

Danyél 5:23

Deng mom natuem yóm Dwata nô bè longit lanem hangay yó kem tegayan tehe nô lem yóm kun Gónô Dwata. Deng ye mom minum tifas grép lemen yó kem genlalem ne yó kem yehenem ne yó kem libun tódô nmuhem yóm igò ye dmóyón yó kem dwata nmò ye lemwót bè blówón bukay ne bè tahu blówón ne lemwót bè tembaga futì ne lemwót bè bala tók ne lemwót bè koyu ne bè botu, kem dwata là mton ne là mungol ne laen dù tngón le. Okóm là dog nadatem ke Dwata igoen du mogot klowilem ne eles tngónen yóm gónóm e kól.

Danyél 5:4

Yóm igò le minum tey kdóyón le du yóm kul dwata, nmò le lemwót gu bè tahu blówón ne gu bè blówón bukay ne gu bè tembaga futì ne gu bè bala tók ne gu bè koyu ne gu bè botu.

Kehewà 32:17

Bè yóm igò le Musis ne Juswa tolo mosol, gungol Juswa se yóm tey hensag yó kem tau ne yó monen mò ke Musis, “Wen tey hensag tau sgida gungolu bè kamfù.”

Kehewà 32:19

Timbow deng moni bè kamfù le Musis, tódô tonen se yóm ngà safì tudu ne tonen se yó kem tau madal. Ya tey sidek kebuten. Bè yó bè but yóm bulul tódô tudaen yóm botu kufil nwiten ne gotu meskang.