Kehewà 32:15 - Udél Dwata: Gna Kesfasad ne Lomi Kesfasad

¹⁵ Omin Musis mulék mosol gu ta yóm bulul, nwiten yóm lewu botu kufil sbalà snulat du yó kem hlau Dwata.

Kehewà 32:15 Referans Kwoze

Dwata 9:15

Tahu se, mosole, nwitu yóm lewu botu kufil gónóhen nô yóm deng senfasad tekuy Dwata. Lel yóm tey dilóf ofi mkal ta yóm bulul yó.

Deng Hegfan 5:1

Ne tódô tonu se yóm sulat lenulun nkem yóm myón bè yóm gónón myón kmamal, kemen du sigel kwananen. Wen snulat le tahen ne lemen, ne wen hitu dketen.

Kem Lingón 19:7

Yóm hlau Dwata, tódô ket du, sal gel hnomihen kgis tau. Tey gsalig yóm hlau Dwata. Benlayen khulung hedem yóm tau là mnagien.

Dwata 5:22

Ni se yóm sfolò kem hlau hlolò Dwata kuy bè yóm tehe kesbung ye bè bulul Sinay. Tódô mudél ebélê ye gu lem yóm dilóf ofi ne lobun mfól ne tey mfasang yóm kudélen yó. Ni se yóm hlau hloloen kuy, laen dù dumuhen. Ominen smulat du ta yóm lewu kem botu kufil yóm hlauhen yó ne oguhen dou.

Kehewà 40:20

Ominen ma yóm lewu botu kufil gónóhen nô yóm sfolò kem hlau Dwata kul, yóm deng senfasad le ne suen lem yóm Slungan Fasad. Wen nmò le lómón tô tising sù le bè sfatà kilil yóm slungan yó mò gónó Musis hfusek yóm koyu gónó le tmihang du. Ne ominen hemsù du tahen yóm sefeng hono tahu blówón mò gónó Dwata mkó salà.

Kehewà 31:18

Timbow deng kudél Dwata ebè Musis ditu ta tfusù yóm Bulul Sinay, ominen bemlay du ke Musis yóm lewu botu kufil gónóhen deng smulat yó kem sfolò hlauhen kul. Tódô Dwata smulat du yó kem hlau yó.

Kehewà 24:18

Omin Musis bud mneged ne tódô husek elem yóm lobun. Botong fat folò butengen nô ditu lemen. Là gomongen bè nili tsaptér 25 efet kól bè tsaptér 30. Hono hlolò Dwata ke Musis bè yóm tehe khuseken elem tum lobun ditu ta tfusù bulul gónó Dwata nô. Yó hlolò Dwata du, yóm kmò kehdà le du yóm kun Gónô ne mò kmò le du yó kem ngom nô lemen. Tulónen snéen yóm kul kmò knes yó kem tau gel blóng le ebè Dwata ne yóm kmò kehetfing le kul ebè Dwata.

Kehewà 16:34

Tahu se, nmò Aron yóm deng hlolò Dwata ke Musis yó. Suen lem yóm ngà lebwón yóm mana yó mò angat henyuhen lem yóm Slungan Fasad hmò Dwata kul.Botong fat folò halay kegen le mken mana yó kem tau Israél efet le kól bè Kanan, yóm benwu hlós gónó le henek nô.

2 Kurin 3:3

Nim sulat monu ni, mahil dmilô du ke Krays fen smulat du, ne olon heted du kum. Bede là kô lan tdok du, kaem Tulus Dwata mò du, yóm Dwata laen dù tul katayen. Ne là se kô snulaten du bè botu kufil, kaem lem hendem ye gónón smulat du.

2 Kurin 3:7

Bè yóm tehe kehsulat Dwata du ke Musis bè botu kufil yóm hlau gnan, tey keslinang lem uyó Musis, lemwót bè yóm kloni Dwata béléen. Balù yóm konol yóm keslinang lem uyó Musis, ewenem sana là kegbek le temngel ebéléen yó kem tau Israél, bà mon yóm tey keslinang lem uyóhen. Ke yó se kmoen bè yóm tehe keblay Dwata yóm hlau mit hatay,

Hibru 9:4

Wen lemisa lenafin blówón nô lemen mò gónó le gel mtem ebè Dwata yóm alì minggel boohen boluyen insinsu. Ne wen slungan bong lenafin blówón nô lemen snéen. Yó boluy le du, slungan gónón nô yóm fasad Dwata. Wen sotu sobuy blówón nô lemen gónó le hemyu du yóm tehe ken le ekni boluyen mana. Ne sotu bud nô lemen, yóm tehe tuged Aron, yóm tuged tehe tódô dmoun. Ne bud nô lemen snéen yóm lewu botu kufil gónó Dwata tehe smulat du yó kem hlauhen kul.

Kehewà 24:12

Sotu kdaw, yó bud mon Dwata mò ke Musis, “Budi mneged edini béléu ta bulul, nahem na legen bè ni. Bè yóm igoem nô bè ni wen lewu botu kufil blayu kóm, botu gónóhu deng smulat yó kem hlolou yó kem tau Israél.”

Kehewà 32:16

Dwata se hol mò du nim botu kufil ni ne hol du smulat du yó kem hlauhen nô du.

Kehewà 34:29

Bè yóm kosol Musis gu ta yóm Bulul Sinay nwiten yóm Sfolò Hlau Dwata. Tódô sminang lem uyóhen lemwót bè yóm deng kestulónen ke Dwata okóm là kô tngónen du yóm keslinang lem uyóhen yó.Timbow temngel ebè Musis Aron ne kdê yó kem tau, ton le tódô sminang lem uyóhen ne deng le mom likò hloni ebéléen.