Kehewà 32:12 - Udél Dwata: Gna Kesfasad ne Lomi Kesfasad

¹² Kmoen se ke mon yó kem tau Idyip, yó gónóhem mit kul hewà gu bè Idyip yó kem tauhem anì nam e hnatay lu lem bulul ne anì gotu sulék genlaem lu? Tongem yó ne lembut, tenlesem hendemem, béem tô hegfà yó kem tauhem yóm gfà monem yó.

Kehewà 32:12 Referans Kwoze

Dwata 9:28

Ke genlaem lu, ngem kà mon le du yó kem tau Idyip, là gbek Dwata mit kul ebè yóm tonok deng fasaden kul yó kem kun tau. Duhen ke mon le, yó gónó Dwata mit kul ebè yóm benwu laen hol wen tauhen yó kem kun tau anì gotu hnatayen lu bè yó abay se tey kutó nawahen kul.

Juswa 7:9

Ke deng gotu glalag bè kem tau Kanan ne bè yó kem dumu tau bè klamangen benwu nim gfà me ni, angat gotu snibut le mi ne angat gotu hnatay le mi yóm kdê me. Ke yó se nmò le bélê me yó kem hohon me, tedu se tô kmoem du du anì là lanahen yóm klikò le kóm?”

Kehewà 32:14

Tahu se, tenles Dwata hendemen, là dog dohò genlaen kul yó kem tauhen.

Sikaraya 8:14

Yó bud udél yóm Dwata laen dù là gbeken du, monen, Bè yóm tehe alì kehefebut le do yó kem tehe fù ye ekni, deng hol nô bè hendemu yóm angat ktafaku kul. Ne tahu se, là kô tenlesu du hendemu, gotu tnafaku lu.

Juna 3:9

Là tngón te du ke tenles Dwata hendemen, mkó yóm kebuten tekuy ne yó se gónó tekuy là matay.”

Amus 7:6

Tahu se, là hendohò Dwata du, monen, “Là dohoen snéen yóm deng tonem yó,” udél yóm Dwata hol dandónen geta.

Amus 7:3

Tahu se, là hdohò Dwata du, monen, “Là dohoen yóm deng tonem yó.”

Kem Lingón 106:45

Hentulónen nawa yóm tehe senfasad le, lemwót bè yóm là konolen yóm kbong nawahen kul, yó gónón temles hendemen.

Kem Lingón 90:13

Kilón de kkóhen yóm kebutem kum? Hol knoduhem mi sen, Dwata, kem tau tóbóng lówóhem.

Kem Lingón 85:3

Là bud lenbutem kul ne. Laen dù sfuhen yóm tey sidek kebutem.

Kem Lingón 78:38

Okóm balù yó he, tey kkodu Dwata kul, hnifóten salà le, ne là kô genlaen kul. Tey dê duléken ne mafas du yóm kebuten kul, là hesuten du yóm alì sidek kebuten kul.

Kem Lingón 74:18

Hendemem dé, Dwata, yóm alì kehnê le kóm yó kem hohonem. Hono kem tau nungel là madat boluyem.

Juswa 7:26

Tikóng deng gotu hkekeb le lu, tey botu snuduk le ta le ne efet nim kmoen ni sana knóen bè yó, yó kem botu yó. Lemwót bè yóm gfà le Akan bè yó, yó gónó le moluy du Datal Gfà yóm datal yó efet ni kmoen ni. Ominen yó he mkó ta yó kem tau Israél yóm tey kebut Dwata kul.

Dwata 32:36

Angat lenwà Dwata yó kem tauhen ke tonen yóm klaen dù bud kgis le. Knoduhen yó kem tau mimón du ne tonen là holen bud wen dù tebel bélê le. Yakà deng le gotu meglà, kem tau hesek ne kem tau là hesek le.

Tekang Kbuten 6:6

tey keblat nawahen bè yóm tehe kmoen kul ne yóm kehnóen kul talak tonok. Lemwót bè yóm tey kegselen,

Kehewà 33:13

Ke hyu se nawam ebéléu tulónem dou sen yóm atulem anì hol temnù yóm ketngónu kóm ne henlósu mò du yóm gónón hyu nawam ebéléu. Béem klifót snéen, deng nélékem ni kem tau ni mò hol kóm.”

Lista 16:21

“Hlayuk ye bélê le ni kem tau ni anì tódô géhél genlau lu.”

1 Samwél 12:22

Yóm Dwata, là kô nan e tódô bayà kul yó kem kun tau deng nélék. Ke bayaen lu henyaken yóm kun boluy. Tey kehyu nawahen bè yóm kehbalingen kuy mò kun tau.

1 Bok Kem Tau Hol Geta 8:51

yakà lu du yó kem kóm tau, kóm tau deng nfun, kem tau deng hewaem gu bè Idyip, yóm benwu gónó le alì glayam.

Juwél 2:17

Yó kem tau gel blóng ebè Dwata, mdà le lem blóng yó kem tau ne yóm gónó demsù ebè Dwata igò le mkik. Yó hni le, mon le, “Ó Dwata, hol knoduhem mi yó kem tauhem. Béem nmò mi tau mò sendekà yó kem tólóng tau bè dumu benwu ke mon le, ‘Na, nô se Dwata le du? Déke là gbeken tmóbóng kul.’ ”

Lista 14:19

Ne ni, Dwata, lemwót bè yóm là konol yóm tey kbong nawahem kum mnihe béléem, hol hnifótem bélê le salà le ni kem tau ni lómón se yóm deng tendo gel nmoem bélê le lemwót bè yóm tehe kehewà le gu bè Idyip efet nim kmoen ni.”

Isaya 64:7

Laen dù tau tmaba ebéléem ne laen se dù tau htóbóng béléem. Dengi mom hebnos bélê me, deng tódô bayaem mi abay se lemwót bè salà me.

Isaya 64:8

Okóm uu se, Dwata, kum mà. Lómón ke mi yóm tonok gel nmò le kuleng ne uu se yóm mifil kum. Uu se tehe dmimun kum.