Kehewà 32:11 - Udél Dwata: Gna Kesfasad ne Lomi Kesfasad

¹¹ Okóm tey kehkodu Musis bè Dwata yóm hol gónón mogot, monen mò du, “Ó Dwata, moen du ke alì gedlug kebutem kul yó kem tauhem deng hewaem gu bè Idyip? Yóm kegewà le yó mlan bè yóm alì kegbekem ne tey kgisem.

Kehewà 32:11 Referans Kwoze

Kem Lingón 106:23

Yó gónóm mon, tô genlà Dwata lu. Okóm kendel hsóól Musis yóm tau nélék Dwata. Hkodu Musis bè Dwata anì knogolen yóm alì kebuten kul, ne là genlaen kul.

Isaya 63:17

Moen de ke hlusem mi tabag? Moen de ke alì hgelem kulu me efet knogol me u? Géhél bud senfulékem mi, Dwata, igoen tolo wen kem tau bélê me he mimón kóm, igoen sem mi du yó kem kóm tau lemwót bè hol kbuten.

Lista 16:22

Okóm tódô le lemfen bè tonok le Musis ne Aron ne yó mon Musis mò ke Dwata, “Ó Dwata, uu se hlowil yóm kdéen mowil. Ke olohen tek sotu tau yóm mò sidek gotu homong lenbutem kô yóm kdéen tau?”

Lista 11:11

ne yó monen mò ke Dwata, “Moen ni du, Dwata, ke alì sidek kmoem ebéléu? Moen ni du ke là hligali ebéléu? Moen du ke sigangem tahu ni kem tey tau wen nii?

Kehewà 32:7

Ne ditu ta yóm bulul bud mudél ebè Musis Dwata, monen, “Géhéli mosol, Musis, abay se yó kem tau nalakem gu bè Idyip, deng le gemsalà ne deng kenbê le o.

Lista 14:13

Okóm yó balà Musis ke Dwata, monen, “Ó Dwata, lemwót bè kegbekem se gónóm mit kul hewà gu bè Idyip ni kem tau ni. Mò kmoen se ke gungol yó kem tau Idyip yóm tô nmoem bè ni kem tauhem ni?

1 Samwél 15:11

“Tey kegselu yóm kmou ke Sol tau hol geta bélê ye. Deng knogolen o ne là bud nimónen du yó kem hlolou du.” Tey sidek kegnóm Samwél du ne tódô suloyen buteng hkodu mni bè Dwata.

1 Bok Kem Tau Hol Geta 8:51

yakà lu du yó kem kóm tau, kóm tau deng nfun, kem tau deng hewaem gu bè Idyip, yóm benwu gónó le alì glayam.

Nihimaya 1:10

Ó Dwata, hono kem tau tóbóng lówóhem se yó kem tau Israél monem yó, hono kem kóm tau. Deng tehe hewaem lu mlan bè yóm tey kfasangem ne bè yóm tey kgisem.

Jirimaya 15:1

Omin Dwata bud mudél ebè Jirimaya, monen, “Baluen he ke mdà bè ni Musis lewu le Samwél tô na a hkodu béléu bè ni kem tau bè Juda ni, là kô naw e knodu kul. Lohem lu mayuk. Hdóhem lu bè soluhu.

Juwél 2:17

Yó kem tau gel blóng ebè Dwata, mdà le lem blóng yó kem tau ne yóm gónó demsù ebè Dwata igò le mkik. Yó hni le, mon le, “Ó Dwata, hol knoduhem mi yó kem tauhem. Béem nmò mi tau mò sendekà yó kem tólóng tau bè dumu benwu ke mon le, ‘Na, nô se Dwata le du? Déke là gbeken tmóbóng kul.’ ”

Tekang Kbuten 18:27

Bud mon Abraham, “Olohe tau tonok se do, laen kô dù kwalisu alì smólók kóm.

Kehewà 6:6

Duhen ni, tulónem yó kem tau Israél, nim udélu ebélê le ni, ‘Ou se yóm sana Dwata hol gónó mogot. Lenwau yu lem tdok yó kem tau Idyip. Hewau yu bè yóm gónó ye alì ghesek. Angat tayalu eta sigelu mò tmafak yó kem tau Idyip, okóm fen hewau yu yó dum kuy.

Kehewà 8:8

Lemwót Faro, htabahen le Musis ne Aron ne monen mò ke Musis, “Mnihi kut bè Dwata yóm gónóm mogot anì kóhen lu ni kem tey fak wen nii. Ke yó nmoen, hewótu lu ne yó kem kuy tau anì na le e demsù ebéléen.”

Lista 21:7

Ne bud le mógów ebè Musis yó kem tau ne mon le mò du, “Deng me gemsalà bè Dwata ne béléem lemwót bè yó kem tey dê udél me eta ye. Bede holi mni kum bè Dwata anì kóhen lu ni kem ulal ni.” Tahu se, mni bélê le bè Dwata Musis.

Danyél 9:15

Ne ni Dwata, uu se yóm sana kum Dwata hol gónó mogot deng me gemsalà béléem, hono sidek yóm gel nmò me igoen tey tótól yóm boluyem efet yóm kmoen ni lanem tehe lemwà yó kem tauhem gu bè Idyip, botong kóm kegbek.