Kehewà 32:1 - Udél Dwata: Gna Kesfasad ne Lomi Kesfasad

¹ Timbow ton yó kem tau Israél yóm là géhél kosol Musis gu ta yóm bulul gotu le stifun klohok Aron, mon le mò du, “Là kô tngón me du ke tedu gefet bè Musis yóm tau mit tekuy hewà gu bè Idyip. Yó hyu ke moi bélê me yó kem dwata lennged mò malak tekuy.”

Kehewà 32:1 Referans Kwoze

Kul Nmò 7:40

Bè yóm igò Musis tolo golun te bulul, mon le mò ke Aron, yóm twoguhen, mon le, ‘Moi kum dé kem dwata mò malak tekuy, abay se là bud tngón tekuy du yóm Musis yu, yóm tau malak tekuy gu bè Idyip.’

Dwata 9:9

Yó se yóm kdaw tehe knóu ta Bulul Sinay bè yóm naw e kangay yó kem botu kufil gónó Dwata smulat yó kem hlauhen kuy, yóm deng senfasad ye Dwata. Botong fat folò butengu nô bè yó, balù udì ke mkene duhen ke minume.

2 Pitér 3:4

mon le, “Nô se yóm Jisas Krays du, igoen sem deng fmasad du kuy yóm bud kesfuléken? Là knahem du ne katay le yó kem tehe fù tekuy ekni. Bede efet nim kmoen ni laen kô dù ilihen yóm kebenwu lemwót bè hol kbuten tehe kedlimun Dwata du.”

Kehewà 24:18

Omin Musis bud mneged ne tódô husek elem yóm lobun. Botong fat folò butengen nô ditu lemen. Là gomongen bè nili tsaptér 25 efet kól bè tsaptér 30. Hono hlolò Dwata ke Musis bè yóm tehe khuseken elem tum lobun ditu ta tfusù bulul gónó Dwata nô. Yó hlolò Dwata du, yóm kmò kehdà le du yóm kun Gónô ne mò kmò le du yó kem ngom nô lemen. Tulónen snéen yóm kul kmò knes yó kem tau gel blóng le ebè Dwata ne yóm kmò kehetfing le kul ebè Dwata.

Matyu 24:48

Là, ke yó mefet bè nawahen yóm tau mò nmò yó, ke mom monen, ‘A, legen he ni kkólen yóm gónóhu mogot.’

Kul Nmò 17:29

Ne tahu se yó,” mon Pol, “kaem mkél tekuy béléen. Yó gónóhem mon, bê tekuy tô hendem yóm Dwata ke mkél bè yóm lennged nmò tau lemwót bè blówón mélél duhen ke bè blówón bukay duhen ke bè botu, yóm olo nmò tdok tau.

Kul Nmò 19:26

Deng ton ye se, ne deng gungol ye yóm kun nmò yóm tau boluyen Pol. Yó gel monen, yóm dwata lenbù nmò tau, sundu tahu Dwata du. Deng tey dê tau hemtahu du yóm toloken yó, là olon bè ni du bè Ifisus, deng dô lengeben klamang prubinsya Asya.

Mika 6:4

Igou deng mit kuy hewà gu bè Idyip ne deng lenwau yu gu bè yóm gónó ye ghesek. Deng hógówu tukô gna kuy le Musis ne Aron ne Miryam mò malak kuy.

Kehewà 32:11

Okóm tey kehkodu Musis bè Dwata yóm hol gónón mogot, monen mò du, “Ó Dwata, moen du ke alì gedlug kebutem kul yó kem tauhem deng hewaem gu bè Idyip? Yóm kegewà le yó mlan bè yóm alì kegbekem ne tey kgisem.

Kehewà 32:7

Ne ditu ta yóm bulul bud mudél ebè Musis Dwata, monen, “Géhéli mosol, Musis, abay se yó kem tau nalakem gu bè Idyip, deng le gemsalà ne deng kenbê le o.

Kehewà 14:11

Yó mon le mò ke Musis, “Ni kô gónóm mit kum ebè nim benwu laen hol wen tauhen anì bè ni gónó me matay abay se laen dù gónó me lebeng bè Idyip? Hnénégem dé yóm nmoem bélê me bè yóm deng kwitem kum hewà gu bè Idyip.

Kehewà 13:21

Nim kógów le ni, ke kemdaw wen lobun tmahà gónón nô Dwata tendo tukô gna kul mò gónó le temngón du yóm lan lolò le. Ne ke kifu, baling ofi yóm lobun yó. Yó se gónón nô Dwata tendo tukô gna kul mò layag le anì gbek le mógów kifu ne kemdaw.

Kehewà 16:3

yó mon le mò kul, “Mom hyu he ke tódô tehe hnatay Dwata mi ditu bè Idyip. Tey gengón ken me ditu. Okóm kuy, deng mom nwit ye mi ebè nim benwu laen hol wen tauhen nii anì gotu me matay lemnus bè ni.”

Tekang Kbuten 44:15

Ne mudél ebélê le Jusif, monen, “Moen de ke lómón yó nmò ye béléu? Là tngón ye du kô lemwót bè yóm kegetahu, sal gel wen gónóhu temngel mò gónóhu temngón du yóm deng nmò ye yó?”

Juswa 7:13

Yó ne Juswa, hfólós ye lu yó kem tau anì mógów le ebéléu haya. Tulónem kul eles le htifes abay se ou se yóm kul Dwata hol gónó mogot yó kem tau Israél ne wen monu mò kul. Yó monu, ‘Ó kem tau Israél, deng wen kem kimu nwa ye bè yó kem kimu hetfingu kuy mò dou. Ke là na ye kó du ni kem kimu deng hennagaw ye ni, là kô ye na a gemmò bè yó kem hohon ye.’

Kehewà 33:3

Yóm benwu gónó ye e solu ni, tey hyu tonoken ne tey mabù huluhen. Okóm là munge kuy dou, abay se tey mgel kulu ye ne déke mom genlau yu bè lan.”

Tekang Kbuten 44:4

Timbow là deng le hol mayuk he bè yóm syudad yó, yó mon Jusif bè yóm tau snaligen bè gónóen, “Hetlasiki, ktesem lu tu kem tau tu koni. Sok gafitem lu, snólókem lu, monem, ‘Moen ke bnalà ye sidek yóm tey kehyu nmoen bélê ye yóm gónóhu mogot?

Tekang Kbuten 39:8

Okóm là kóen móyô Jusif, monen mò du, “Hendemem dé, là bud wen tnafa nawa amohu du bè ni lem gónóen abay se nóe bè ni. Gotu hogoten dou kdéen.

Tekang Kbuten 19:14

Omin Lat mógów ebè yó kem logi deng leminti yóm lewu kem ngaen libun, monen mò kul, “Géhél tekuy lemwót ne, hewà tekuy bè ni abay se móyón genlà Dwata nim benwu ni.” Okóm ofo kul ke hlowon Lat yóm monen yó.

Matyu 24:43

Ke eles tngón yóm tau fun gónô yóm kifu nan e knagaw lem gónóen yóm tau mnagaw, eles mabung anì là guseken yóm tau mnagaw.

Tekang Kbuten 21:26

Yó balà Abimélék du, monen, “Là tngónu du ke tau du mò du yóm yó. Moem là géhél tmulón du dou du? Ni he ketngónu du.”

Kehewà 32:23

Yó mon le mò do, ‘Là kô tngón me du ke tedu deng gefet bè Musis yóm tau mit kum hewà gu bè Idyip. Yó hyu ke moi bélê me dwata lennged mò malak kum.’

Lista 14:22

Bud tahu snéen nim monu ni, balù sotu bè ni kem tau là mimón ni ke gehlós edu tum benwu deng fasadu kul. Igò le deng hónô mton du yóm tey keslinangu bè yóm knóu lem blóng le ne deng hónô ton le snéen yó kem hentaw ton tehe nmou bè Idyip dalang se bè ni bè nim benwu laen hol wen tauhen. Okóm deng mom sónmò le tendo gel htakas do ne là kô nimón le do.

Kehewà 24:12

Sotu kdaw, yó bud mon Dwata mò ke Musis, “Budi mneged edini béléu ta bulul, nahem na legen bè ni. Bè yóm igoem nô bè ni wen lewu botu kufil blayu kóm, botu gónóhu deng smulat yó kem hlolou yó kem tau Israél.”

Kehewà 32:22

Mon Aron se, “Béem tô lenbut ou, deng tngónem se yóm hónô kmò le sidek ni kem tau ni.

Dwata 9:1

Ó kem tau Israél, ni hol hnungol ye. Kemdaw ni ne bang kifal ye du yóm Él Jurdan ne bang knô ye ta yóm tonok nfun yó kem tau alì wen ne wen genbek le senta ye. Tey lamang yó kem syudad le ne yó kem beng hmilol kul botong tô gefet bè longit.

Dwata 31:8

Dwata he fen tukô gna kóm ne tendo nô béléem. Là kô tnagaken kóm ne là kô bayaen kóm. Yó gónóm mon, hol hfólem nawam ne béi abay hlikò.”

Kem Lingón 106:19

Ditu bè Bulul Sinay, wen lennged safì blówón nmò le, ne mtud le bukol bè solu yóm lennged blówón yó.