Kehewà 31:2 - Udél Dwata: Gna Kesfasad ne Lomi Kesfasad

² “Deng néléku Bisalil yóm ngà Uri, yóm Uri témê Hur tau lemwót bè ból Juda.

Kehewà 31:2 Referans Kwoze

Kehewà 36:1

Duhen yó, deng wen kenhulung ne ketngón blay Dwata kul le Bisalil ne Uhuliyab ne yó kem dumu tau anì hulung le mò du yóm kdê wen muhen bè yóm kmò le du yóm Gónô Dwata gel nit le mógów. Bè yóm kmò le du yóm kdéen, tódô ulit le bè yóm deng hlolò Dwata kul.

Kehewà 35:30

Yó mon Musis bè yó kem tau Israél, “Deng nélék Dwata Bisalil yóm ngà Uri, yóm Uri témê Hur tau lemwót bè ból Juda.

Kun Snulat Jan 3:27

Bnalà Jan lu, monen, “Là kô wen tódô nmò yóm tau ke là lemwóten bè Dwata.

Kehewà 33:17

Mon Dwata mò ke Musis, “Lemwót bè yóm tey tilob ketngónu kóm ne kehyu nawahu ebéléem, nmou yóm hnihem béléu yó.”

Kehewà 33:12

Bè yóm ktulón Dwata ke Musis yóm là bud kmungen kul, yó mon Musis mò ke Dwata, “Tahu se yóm tehe kdókem dou anì nitu lu ebè yóm benwu fasadem kul ni kem tau ni, okóm là tulónem du dou ke tau du mung dou. Deng monem tey tilob ketngónem do ne tey kehyu nawahem ebéléu.

Kehewà 17:10

Tahu se, nmò Juswa yóm deng mon Musis mò du. Hayahen bè yó lemwót nan e mit sfatay bè yó kem tau Amélék. Lemwót kul le Musis ne Aron ne Hur mneged le eta tfusù yóm bulul.

2 Tutul Israél 1:5

Okóm yóm gónó demsù tembaga tehe hdà Bisalil yóm ngà Uri témê Hur, tolo nô bè yó ta bulul Gibyun bè solu yóm Gónô Dwata yó. Omin le gotu stifun bè yó bè solu yóm Gónô Dwata le Selumun ne yó kem tau mung du, wen snólók le bè Dwata bè yó.