Kehewà 3:8 - Udél Dwata: Gna Kesfasad ne Lomi Kesfasad

⁸ Ne ni, denge mnaul elaan anì naw e lenwà lu lem tdok yó kem tau Idyip, nitu lu hewà gu bè yó. Nitu lu ebè yóm tonok hyu ne lamang, yóm tonok alì hyu mò du hulu ne angat tey wen tbasen. Ni kmoen ni, hanà le tolo menwu tahen yó kem tau Kanan ne kem tau Hitayt ne yó kem tau Amurayt ne kem tau Pirisayt ne kem tau Hibayt ne yó kem tau Jibusayt.Gungolu yóm alì ktaba le ebéléu yó kem dou tau ne tonu se yóm tendo kehdes le kul yó kem tau Idyip.

Kehewà 3:8 Referans Kwoze

Tekang Kbuten 50:24

Yó mon Jusif bè yó kem dumuhen setwoli, “Ni móyóne matay lem blóng ye, okóm Dwata he mò semgyok kuy ne angat bud niten yu ebè yóm benwu deng tehe hol fasaden ke fù Abraham ne témê Isak ne mà tekuy Jakub snéen.”

Kehewà 3:17

Deng eles natulu ne yóm kwitu kul hewà gu bè Idyip, yóm benwu alì gónó le glayam. Nitu lu ebè yóm tonok alì hyu mò du hulu, yóm benwu yó kem tau Kanan ne kem tau Hitayt ne yó kem tau Amurayt ne yó kem tau Pirisayt ne yó kem tau Hibayt ne yó kem tau Jibusayt.

Jirimaya 11:5

Yó gónóhu tehe mon du nim ni anì dohò yóm deng fasadu yó kem fù ye, duhen yóm keblayu du kul yóm tey tonok hyu ne tonok alì tembas, yóm tonok deng nfun ye ni kmoen ni.’ ” Yó balà Jirimaya ke Dwata, monen, “Tahu se, Dwata, yóm monem yó.”

Lista 13:27

Yó tulón le ke Musis, mon le, “Deng gotu bniwel me yóm klamang benwu Kanan gónóm e hógów kum, ton me tey tilob tonoken ne tey mabù kem huluhen. Ni dé yó kem dumu bungu koyu nwit me gu ditu.

Kun Snulat Jan 6:38

Là kô yó du lewótu gu bè longit ke naw e nmò yóm dou knóyô. Okóm yó hol dou nógów anì nmou yóm kun kóyô yóm hógów dou.

Kem Lingón 91:15

Ke tmaba le ebéléu, bnalau lu. Ke wen gfà le, elese nô bélê le. Tendo gel lenwau lu, ne tey kadatu kul.

Kem Lingón 34:8

Tilów nimónem Dwata dé anì gnómem yóm tey kehyuhen. Bong kligal le kul yó kem tau gel hofin béléen.

Jirimaya 32:22

Deng blayem yó kem tau Israél yóm tonok tehe fasadem yó kem tehe fù le, yóm tonok tilob ne tonok tembas.

Kem Lingón 12:5

Yó balà Dwata kul, monen, “Deng tonu yóm alì klunog le yó kem tau laen dù gmò le. Deng gungolu dolong yó kem tau élél hnayam le. Duhen yó, lemwóte naw e lenwà lu, ni se yóm tendo hendeen le béléu.”

Dwata 27:3

Omin ye smulat du tahen yóm kdê hlau Dwata ne yó kem toloken kuy. Bud sensulitu bélê ye. Ke deng ye husek ebè yóm tey tonok hyu ne mabù huluhen yóm deng tehe fasad Dwata kuy yóm Dwata yó kem tehe fù ye

Dwata 7:1

Yó bud mon Musis, “Ke deng nwiten yu yóm sana kuy Dwata hol gónó mogot ebè yóm tonok hfunen kuy mò gónó ye henek nô, tey angat dê but tau lohen gu tahen, yó kem tau Hitayt ne yó kem tau Girgasayt ne yó kem tau Amurayt ne yó kem tau Kanan ne yó kem tau Pirisayt ne yó kem tau Hibayt ne yó kem tau Jibusayt. Nim hitu kem but tau lohen gu tahen ni, hono kem but tau alì wen ne tey le gembek senta ye.

Tekang Kbuten 11:5

Omin Dwata yó mnaul elaan nan e hnénég yóm syudad ne yóm gónô geta nbut hdà yó kem tau.

Kun Snulat Jan 3:13

Laen kô dù tau ke deng mógów ebè longit, tek són yóm Ngà Tau, ne ditu se kun gónó gu lemwót.

Isaya 64:1

Ó Dwata, moen de ke là tódô kenséem du yóm longit anì mnauli elaan? Ke yó se nmoem, gotu ton le u yó kem bulul ne tódô le megsinsig lemwót bè klikò le.

Kehewà 34:11

Yó kuy fasad do, hol nimón ye yó kem hlauhu kuy kemdaw ni. Bè yóm kógów ye elem yóm benwu deng tehe fasadu kuy angat gotu hdóhu lu yó kem tau Amurayt ne yó kem tau Kananayt ne yó kem tau Hitayt ne yó kem tau Pirisayt ne yó kem tau Hibayt ne yó kem tau Jibusayt.

Tekang Kbuten 18:21

Na mosol etu dé na hnénég ke tahu yó kem tifù le kul yó.”

Tekang Kbuten 15:14

Okóm angat tnafaku yóm benwu hmesek kul yó. Ne bè yóm kdaw angat ktebel le yóm benwu yó, angat gotu nwit le yó kem tey kendengen gu ditu.

Nihimaya 9:8

Bè yóm deng ktonem yóm tey kteneben béléem, yó gónón wen senfasad ye. Yó fasadem du, blayem du yóm kul tonok yó kem tau Kanan ne yóm tonok yó kem tau Hitayt ne tau Amurayt ne tau Pirisayt ne tau Jibusayt ne tau Girgasayt. Yóm tonok fasadem du ni mò gónó le menwu yó kem angat semfu gu béléen. Ne là kô klifótem du yóm deng fasadem du yó abay se là kóen mili nawahem.

Dwata 28:11

Tey angat kehból Dwata kuy, angat hwenen safì ye ne tey angat kwen tebas ye ta yóm tonok deng tehe fasaden yó kem tehe fù ye mò blayen kuy.

Tekang Kbuten 11:7

Hyu ke mnaul tekuy ebélê le,” mon Dwata, “na tekuy sentólóng udél le anì là bud le setngón.”

Jirimaya 2:7

Bè yóm tehe kwitu kuy eta yóm tey tonok tembas gónó ye hligal mken du yó kem hyu tmowok tahen, deng mom nmò ye yóm sidek ta nim tonok ni, yóm tonok deng tehe fasadu kuy.

Juswa 9:1

Yóm gel kegmò yó kem tau Israél tey glalag bè yó kem hohon le, botong gefet bè yóm kdê tau hol geta nô fi desdef Él Jurdan. Lu se yó kem tau hol geta bè yó kem tau Hitayt ne bè tau Amurayt ne bè tau Kanan ne bè tau Pirisayt ne bè tau Hibayt ne bè tau Jibusayt. Ni kem tau ni, wen se bélê le nô lem bulul ne wen se bélê le nô gu lem but henfek ne wen se nô hilol Mohin Miditiranyan efet kól ditu senbwak Bulul Libanun.

Dwata 1:7

Lenkas ye kamfù ye ne bud ye lemwót. Mógów ye etu bè tu kem bulul lemnek bè benwu yó kem tau Amurayt ne etu bè tu kem benwu hmilol kul, bè Datal Jurdan ne bè yó kem bulul lemnek bè yóm benwu yó ne bè yó kem datalen. Mógów ye etu fi legeden ne etu bè kilil Mohin Miditiranyan. Mógów ye etu bè klamang benwu Kanan efet kól ditu sentu yó kem bulul bè Libanun, efet ye kól ditu bè yóm él bong boluyen Yufratis.

Lista 13:19

Hnénég ye mò kmoen yóm benwu yó ke hyu duhen ke sidek. Ne hnénég ye gónó le nô yó kem tauhen, ke nô le bè yó kem syudad wen beng hilolen duhen ke là.

Tekang Kbuten 15:13

Ne yó mon Dwata mò du, “Yó kem sfuhem, angat le milo ebè tólóng benwu. Botong fat latu halay kegen le ghesek ditu, ne tey sidek kehlayam le kul.

Tekang Kbuten 46:4

Munge kóm etu ne angat bud nitu lu semfulék ebè yóm tonok ni yó kem semfu gu béléem. Okóm kóm du, angati matay bè yó bè Idyip ne bè yóm angat kilot nawahem eles nô klohokem Jusif.”

Kehewà 5:23

Lemwót bè yóm kógówu ebè Faro na a tmulón du yóm udélem, yó se but gónóhen alì hmayam kul. Ne là kô dog tnóbóngem kul.”

Kehewà 12:41

Bè yóm hol són kdaw bè yóm halay yó, tódô kdê yó kem tau Dwata gotu tnagak le yóm benwu Idyip yó.

Dwata 6:3

Yó gónóm mon, yu kem tau Israél, hol gel hnungol ye yó kem hlau Dwata kuy ne hol nimón ye. Ke ni se nmò ye angat hyu kógów klowil ye ne angat tey kból ye bè yóm knô ye ta yóm tonok alì hyu ne wen tey tebasen lómón yóm deng fasad Dwata kuy, yóm sana Dwata yó kem tehe fù tekuy.

Amus 2:10

Ou se tehe hewà kuy gu bè Idyip ne fat folò halayu malak kuy gu lem yóm benwu laen hol wen tauhen ne hfunu kuy yóm tonok yó kem tau Amurayt.

Tekang Kbuten 43:11

Ne mon mà le se mò kul, “Ke lómón se yó kmoen, lemwót ye sen. Bede mit ye yó kem hyu bélê tekuy bè ni mò basa ye tum gubérnor tu. Mit ye béléen yóm litok koyu alì tilob boohen ne wen tneben ne wen yó kem dê kay som ne wen kem bungu koyu ken lemen lemwót bè yó kem koyu pistasyu ne koyu almun.

Lista 13:18

Hnénég ye mò kmoen yóm benwu yó ne ke hilu tau menwu bè yó, ke tey le wen duhen ke là ne ke tedu yóm kmò kbegel le.

Juswa 9:7

Okóm yó mon yó kem tau Israél, “Déke menwu ye moni bè ni. Ke menwu ye moni bè ni, là gbek me du mit sbilà bélê ye.”

Kem Lingón 12:6

Yóm fasad Dwata, laen kô dù belenen. Lómón blówón bukay deng hitu dulék le tmógó du bè ofi anì laen kô dù bolen.

Isaya 36:17

efet niten yu ebè yóm dumu benwu mò gónó ye nô, yóm benwu hol mkél bè yóm kuy benwu ni, yóm hol gónón nô yóm grép alì tmifas ne halay mò ken ye.