Kehewà 3:7 - Udél Dwata: Gna Kesfasad ne Lomi Kesfasad

⁷ Omin Dwata bud mudél ebéléen, monen, “Deng tonu yóm alì keglayam yó kem dou tau bè Idyip. Gungolu yóm tey ktaba le ebéléu anì wen lemwà kul bè yóm gónó le ghesek. Gotu tngónu yóm kdê gónó le glayam.

Kehewà 3:7 Referans Kwoze

Kem Lingón 145:19

Gel blayen bè yó kem tau wen klikò le du yóm wen mu le du. Hnungolen yóm alì kni le béléen, ne lenwaen lu.

Kem Lingón 106:44

Baluen ke lómón yó deng nmò le, sana tolo kkoduhen kul, ne hnungolen yóm kehtóbóng le béléen.

Kem Lingón 34:6

Gel le mni tóbóng béléen yó kem tau laen dù tmóbóng kul, ne bnalaen lu. Hewaen lu gu lem yóm kdê gónó le glayam.

Nihimaya 9:9

Tonem se, Dwata, yóm tehe tey keglayam le bè Idyip yó kem tehe fù me ekni. Gungolem se yóm tey kni le tóbóng béléem bè yóm knô le bè Mohin Hulô.

Isaya 63:9

bè yóm kdê gónó le glayam. Sundu hógów Dwata gu bè longit du yóm lemwà kul, kaem tódô Dwata. Yó gónón mò du, lemwót bè yóm kbong nawahen kul ne yóm kkoduhen kul. Tey tendo gel kesegyoken kul lemwót bè kbuten,

Kem Lingón 34:4

Bè yóm tehe knihu bè Dwata, bnalaen ou se. Gotu kóhen béléu yóm kdê gel knikou.

Kehewà 1:11

Tahu se, yó nmò yó kem tau Idyip, wen tau snigang le mò fen gel dmanda mdók kul yó kem tau Israél, ne tey sidek keblaten yóm gel hmò le kul, anì laen dù bud gónóhen e mefet nawa le. Hefdà le kul yóm syudad Pitum ne syudad Ramisis mò gónóhen gel semtifun ken yó kem tau Faro bè Idyip.

Tekang Kbuten 29:32

Mlutut Liya ne mngà logi. Yó monen, “Deng ton Dwata yóm gfau ne mlan bè nim ngau ni angat kenbong nawahen ou yóm tuha logihu.” Ne yó boluyen yóm ngaen sut yó, Rubén.

Kem Lingón 22:24

Là kô tódô bayaen kul yó kem tau élél, sal gel kenmónen lu ke wen gónó le glayam. Là kô knogolen kul, mom bnalaen lu ke tmaba le ebéléen.”

1 Samwél 9:16

“Haya lómón ni uras, wen tau hógówu ebéléem lemwót bè tonok Bindyamin. Tenwélem hnolo ta kuluhen anì du mò malak yó kem tauhu Israél. Du angat lemwà kul lem tdok yó kem Flistin, yakà deng tonu du yóm alì keglayam le yó kem dou tau ne deng gungolu yóm kni le tóbóng béléu.”

Hibru 4:15

Yóm gel blóng tekuy ebè Dwata yó, deng gotu tngónen yóm gónó tekuy gel lunog, ne tey kkoduhen tekuy. Abay se bè yóm tehe knóen te tonok, deng gnómen se kun yóm kdéen sindil lómón yóm tekuy, okóm là gemsalaen yó yóm kun.

Kem Lingón 142:3

Bè yóm gónóhu là bud gbala, tódô tngón Dwata yóm lan mò lolou. Bè ket tô lanu, wen sù le du yó kem hohonu mò tô alu le dou.

Tekang Kbuten 18:21

Na mosol etu dé na hnénég ke tahu yó kem tifù le kul yó.”

Kul Nmò 7:34

Bud mon Dwata mò du, ‘Deng tonu yóm alì keglayam yó kem dou tau bè Idyip, gefet béléu yóm alì tnalaw le. Yó gónóhu mnaul elaan anì lenwau lu. Géhéli ne,’ mon Dwata, ‘angat hógówu uu etu bè Idyip.’Nim Musis ni,” mon Stéfén, “ni se yóm tau tehe kenbê le, tehe mon le mò du, ‘Ilóu uu kô yóm gónó me kmulu? Ilóem uu kô mogot kukum lem blóng me?’ Anì monem du se yóm hógów Dwata mò mogot kul yó kem tauhen, ne mò lemwà kul. Yó tmóbóng du, duhen yóm hógów Dwata gu bè longit hlingu bè dilóf ofi bè yóm ngà koyu lefungu.

Tekang Kbuten 16:11

Angat wen ngaem logi ne boluyem du Ismaél abay se deng gungol Dwata yóm kkikem lemwót bè yóm alì ksidek kegnómem du.

Tekang Kbuten 21:17

Ne bud mkik se kun yóm ngaen ne gungol Dwata. Ne wen hógów Dwata mudél ebè Hagar gu bè longit, monen, “Ó Hagar, moen de ke sbeweg kehedemem? Béi hlikò. Deng gungol Dwata yóm kkik ngaem.

Tekang Kbuten 31:12

Bud monen mò dou yóm hógów Dwata yó, ‘Ngem, tódô kdéen kambing logi móyô hembô hono leglis ne kabang ne buling. Ou se mò du yóm yó, abay se deng gotu tonu yóm kdê gel nmò Laban béléem.

Tekang Kbuten 31:42

Ke là elesen tendo mung dou yóm Dwata téméu Abraham ne mau Isak, déke tódô gbekem hulék dou hkawang dilóu. Okóm deng ton Dwata yóm kgelen béléu ne tonen snéen yóm alì kmou nmò béléem ne ebuteng heknahen kóm yóm kfihen dou.”

Kehewà 5:6

Bè yóm kdaw yó, gotu htaba Faro yó kem tau Idyip dmanda mdók kul yó kem tau Israél hesek le ne yó kem tau Israél gel malak kul mò nmò yó kem dumu le Israél. Yó monen mò kul,

Kehewà 5:10

Tahu se, gotu le lemwót yó kem tau htaba Faro yó koni, yó kem tau Idyip gel dmanda mdók yó kem tau Israél ne yó kem tau Israél fen gel malak yó kem dumu le Israél mò nmò. Bè yóm kkól le bè yó kem tau Israél, yó mon le mò kul, “Deng mon Faro, là bud benlayen kuy lami ne kun.

Kehewà 33:13

Ke hyu se nawam ebéléu tulónem dou sen yóm atulem anì hol temnù yóm ketngónu kóm ne henlósu mò du yóm gónón hyu nawam ebéléu. Béem klifót snéen, deng nélékem ni kem tau ni mò hol kóm.”

Lista 20:16

Ne yó nmò me, tey kehkodu me bè Dwata anì tnóbóngen mi. Ne tahu se, gungolen yóm kehkodu me yó, yó gónón wen hógówen gu bè longit hwiten ebélê me mò malak kum hewà gu bè Idyip. Ne ni kmoen ni, deng me kól bè Kadis, yóm ngà benwu gkilil bè yóm benwu nogotem.

2 Samwél 22:28

Sal gel hewaem yó kem tau hulung heglaan, okóm gel tonem yó kem tau hegeta knô ne heglaanem.

Kem Lingón 35:22

Ó Dwata, deng gotu tngónem ni kem ni. Béi tódô yem. Béem bayà ou, Dwata.

Kehewà 1:8

Ngangen ne efet bud wen lomi Faro mogot bè yó. Nim Faro ni, balù udì ke wen tngónen bè yó kem hyu tehe nmò Jusif ekni.

2 Bok Kem Tau Hol Geta 20:5

“Budi semfulék ebè Hisikaya, yóm tau malak yó kem dou tau. Tulónem du, ‘Ni se udél Dwata ebéléem yóm Dwata tehe fuem Dabid. Deng gungolu yóm hnihem, ne deng tonu yóm lewokem. Hkóhu yóm desem. Tlu ni angati btik ne budi mógów ebè Gónô Dwata.

Kem Lingón 9:14

anì bud dóyónu uu bè gónón wen bè bak tikeb Jirusalim, anì hligale dmóyón kóm bè yó lemwót bè yóm deng kehewaem dou.

Kem Lingón 12:6

Yóm fasad Dwata, laen kô dù belenen. Lómón blówón bukay deng hitu dulék le tmógó du bè ofi anì laen kô dù bolen.