Kehewà 3:4 - Udél Dwata: Gna Kesfasad ne Lomi Kesfasad

⁴ Timbow ton Dwata yóm tô kehloni Musis edu, yó gónón mudél ebéléen gu lem yóm ngà koyu yó, monen, “Ó Musis! Ó Musis!” Bnalà Musis se, “Ni ou.”

Kehewà 3:4 Referans Kwoze

Dwata 33:16

Lemwót bè yóm tey tóbóng Dwata angat tódô tfeng he ta yóm tonok le yó kem alì hyu. Yóm Dwata yó, du se yóm sana Dwata hol gónó mogot tehe mudél gu lem yóm ngà koyu lefungu hono dilóf. Hol dohò eta yó kem sfu Jusif he ni kem tóbóng ni, yakà du se tehe gónó le galak yó kem twoguhen.

Kul Nmò 9:4

Tódô gdouf bè tonok, sen-geng gungolen se yóm mudél, monen, “Ó Sol, Sole. Moen ni du ke sónmoem hmayam dou?”

1 Samwél 3:8

Omin Dwata bud tmaba ke Samwél bè getluhen dulék. Bud btik Samwél ne mógów ebè Ili ne monen mò du, “Ni ou, gungolu yóm ktabahem do.” Omin Ili yó he temngón du Dwata tmaba du yóm ngà yó.

1 Samwél 3:6

Omin Dwata bud tmaba ke Samwél, monen, “Ó Samwél.” Ne bud btik Samwél bud mógów ebè Ili, monen, “Ni ou, gungolu yóm ktabahem do.” Okóm bnalà Ili, monen, “Là, ngà, là kô naw e tmaba kóm. Budi mulék ebè gónóm tungô.”

1 Samwél 3:4

Omin Dwata tmaba ke Samwél, monen, “Ó Samwél, ó Samwél.” Bnalà Samwél se, monen, “Boluyen de?”

Tekang Kbuten 46:2

Timbow kifu bè yó, mudél ebè Jakub Dwata, monen, “Ó Jakub, Jakub.” Mon Jakub se, “Hó. Ni ou.”

Tekang Kbuten 22:11

sen-gengen se wen hógów Dwata tmaba ebéléen gu bè longit, monen, “Ó Abraham, Abraham.” Mon Abraham se, “Hó. Ni ou.”

Tekang Kbuten 22:1

Kogolen bè yó, tnilów Dwata Abraham ke tahu yóm kimónen du, tnabahen, monen, “Ó Abraham.” Mon Abraham se, “Hó. Ni ou.”

Kem Lingón 62:11

Tey mtukul kmon Dwata du, ne deng tey dê duléku mungol du, Dwata se funen yóm kfasang.

Kul Nmò 10:13

Ne wen yóm gungol Pitér, monen, “Ni Pitér, nam e hmatay mò utónem.”

Kul Nmò 10:3

Sotu kdaw bè yó, deng dô tlu uras kimel, wen hógów Dwata gu bè longit tódô hegfan béléen, tey mdengen ktonen du. Mudél ebéléen yóm hógów Dwata yó, monen, “Ó Kurnilyus.”

1 Samwél 3:10

Bud sut Dwata, bud tmaba lómón yóm gnan, monen, “Ó Samwél, Samwél.” Bnalà Samwél se, monen, “Yó ne, Dwata, mudéli. Hnungolen uu yóm tóbóng lówóhem.”

Tekang Kbuten 28:16

Omin Jakub btik. Yó udélen, monen, “Deng duhen bè ni gónóhen nô Dwata ne là kô tngónu du.”

Kehewà 3:2

Bè yóm kkólen bè yó, wen hógów Dwata gu bè longit hegfan béléen bede hlingu bè dilóf ofi, mkal bè yóm sotu ngà koyu lefungu. Ton Musis yóm koyu lefungu tódô tfeng dilóf okóm là se kóen dog mlób.

Kehewà 4:5

Bud mon Dwata mò ke Musis, “Nmoem nim ni lem blóng yó kem tau Israél mò gónó le hemtahu du yóm deng kehegfanen béléem yóm sana kul Dwata hol gónó mogot yó kem tehe fù le Abraham ne Isak ne Jakub.”

Kehewà 19:3

Omin Musis mneged eta yóm bulul yó nan e senlong Dwata. Tnaba Dwata Musis gu ta yóm bulul yó, tulónen du yóm nóyô monen bè yó kem tau Israél, yó kem tau ból Jakub.

Kehewà 33:12

Bè yóm ktulón Dwata ke Musis yóm là bud kmungen kul, yó mon Musis mò ke Dwata, “Tahu se yóm tehe kdókem dou anì nitu lu ebè yóm benwu fasadem kul ni kem tau ni, okóm là tulónem du dou ke tau du mung dou. Deng monem tey tilob ketngónem do ne tey kehyu nawahem ebéléu.