Kehewà 3:21 - Udél Dwata: Gna Kesfasad ne Lomi Kesfasad

²¹ Angat wen hefedemu yó kem tau Idyip anì wen nawa le kuy. Duhe kóm, bè yóm angat kewót yó kem dou tau, là kô le na a lemwót hkawang.

Kehewà 3:21 Referans Kwoze

Kehewà 12:36

Lemwót bè yóm deng hefedem Dwata yó kem tau Idyip, yó gónón wen nawa le ebè yó kem tau Israél, tódô blay le kul kihu nóyô hni le bélê le. Bè nim ni, tey wen nwit kem tau Israél yóm kul kendengen yó kem tau Idyip.

Kem Lingón 105:37

Omin Dwata malak kul hewà gu bè Idyip yó kem tau Israél. Wen kem tahu blówón ne blówón bukay nit le. Tódô kdê le sal hyu klówó le, ne tey le kemgis.

Kehewà 11:3

Bè yóm kdaw yó, deng eles wen hefedem Dwata yó kem tau Idyip anì wen nawa le ebè yó kem tau Israél. Bè ktahuhen, tey kadat le ke Musis yó kem genlal Faro dalang se yó kem kdéen tau bè Idyip.

Kem Udél Hlalak Tehe Selumun 16:7

Yóm tau ke sok hefligalen Dwata bè kmoen balù yó kem hohonen bud senfyu Dwata lu.

Kem Lingón 106:46

Lemwót bè kun nmò Dwata, bud mulék kodu le kul yó kem tau tehe megef kul.

Tekang Kbuten 39:21

Bede là kô tnagak Dwata ke Jusif, tendo tnóbóngen. Ne yó gónón hyu nawan ebè Jusif yóm tau mentey gónô blanggù.

Kul Nmò 7:10

ne lenwaen bè yó kem tey dê gónón glayam bè yó. Bè yóm kdaw kehdà le ke Jusif bè solu yóm tau hol geta bè Idyip, wen tey kehyu nawa blay Dwata du, ne yóm khulung hedem. Lemwót yóm tau hol geta yó, tódô nmoen Jusif gubérnor bè klamangen Idyip, ne hogoten du yóm kdéen tau mò nmò bè gónóen.

Nihimaya 1:11

Hol hnungolem do yóm hnihu béléem, Dwata. Bud hnungolem snéen yóm kul hni yó kem dumu tau tóbóng lówóhem, yóm wen óyô le madat kóm. Hol tnóbóngem o kemdaw ni ke wen hnihu bè yóm tau hol geta anì knoduhen ou.” Bè yó kem kdaw yó, yó dou nmò, ou fen gel mkay du bè yóm tau hol geta yóm gel ninumen.

Kehewà 12:35

Blaem yó kem tau Israél, deng le eles mni kem ngom libun nmò le bè tahu blówón ne bè blówón bukay bè yó kem tau Idyip, ne wen se kem nes deng eles hni le lómón yóm deng mon Musis mò kul.

1 Bok Kem Tau Hol Geta 8:50

Hol hnifótem kdê yó kem salà deng nmò le béléem, ne kdê yó kem gónó le matù kóm. Henbalingem lu tau knodu yó kem hohon le,

Tekang Kbuten 15:14

Okóm angat tnafaku yóm benwu hmesek kul yó. Ne bè yóm kdaw angat ktebel le yóm benwu yó, angat gotu nwit le yó kem tey kendengen gu ditu.

Kehewà 11:2

Ne ni, mudéli ebè yó kem tau Israél anì eles le mni bè yó kem tau Idyip dumu le sebét yó kem ngom libun nmò le bè tahu blówón ne bè blówón bukay.”