Biblia Todo Logo
Bib sou entènèt

- Piblisite -




Kehewà 3:20 - Udél Dwata: Gna Kesfasad ne Lomi Kesfasad

20 Okóm lemwót bè kfasangu angat tnafaku Idyip mlan bè yó kem alì dê knikò nmou lem blóng le. Ominen yó he hewót kuy Faro.

Gade chapit la Kopi




Kehewà 3:20
30 Referans Kwoze  

Tahu se, Musis yóm malak kul gu bè Idyip. Tey dê hentaw ton nmoen bè Idyip, dalang se bè yóm kifal le yóm Mohin Hulô efet yóm fat folò halay le tódô hlumbù bè yóm benwu laen dù tau menwu du.


Wen kem tey knikò tehe nmoem bè yóm tau hol geta bè Idyip ne bè yó kem genlalen dalang se bè yó kem tauhen abay se deng eles tngónem yóm tey kehegnok le yó kem tauhem yó kem tau Idyip. Lemwót bè yóm kegmoem, Dwata, yó se gónóm tótól efet yóm kmoen ni.


Tehe tódô kum mata mton du yó kem hentaw ton nmoen bélê me ne yó kem knikò ton nmoen bè yó kem tau Idyip ne bè Faro yóm tau hol geta bélê le ne bè yóm kdê genlalen.


Ke deng tehe tayalu eta sigelu deng genlau u ne dalang se yó kem tauhem mlan bè des mekto.


Duhen ni, tulónem yó kem tau Israél, nim udélu ebélê le ni, ‘Ou se yóm sana Dwata hol gónó mogot. Lenwau yu lem tdok yó kem tau Idyip. Hewau yu bè yóm gónó ye alì ghesek. Angat tayalu eta sigelu mò tmafak yó kem tau Idyip, okóm fen hewau yu yó dum kuy.


Wen tey hentaw ton hmò Dwata kul bè yó kem tau bè Idyip mò gónón gdilô yóm khógówen kul.


Gotu tnógó le bè lan yó kem mambang laen dù bulung henoken nwit le gu bè Idyip. Yó gónón laen dù bulung henoken abay se tey meslò yóm kehewót le kul, laen dù uras le na mangat du kenok yóm mambang. Ne laen se dù uras le hemtifes du yóm dumu ken le.


Là kô tngón kem hohonem du yóm angat ktafakem kul. Hol henyakem lu dé, Dwata, ne hol hnayamem lu. Hol hlayamem kul yóm tafak deng eles tgamahem bélê le. Ne hegfanem bè yó kem kóm tau yóm tey kbong nawahem kul.


Tahu se, angat tnafak Dwata yó kem tau Idyip, okóm kogolen bè yó bud tnóbóngen lu. Ne beklil le ebè Dwata ne hnungol Dwata se yó kem hni le ne tnóbóngen lu.


yóm mò yó kem alì tennga bè tonok Ham ne bè Mohin Hulô.


Botong le likò kul yó kem tau Idyip, song hyu nawa le deng le hewà bè yó.


Omin Gidyun hwa yó kem tey semnual bè yóm benwu laen hol wen tauhen ne hendlà fesen yó kem tau malak bè yó bè Sukut.


Yó nmò Dwata, wen tugoden hwiten elem blóng le. Yó udél yóm tugoden, monen, “Ni se udél Dwata ebélê ye, yóm sana kuy Dwata hol gónó mogot kem tau Israél, ‘Deng hewau yu bè yóm keghesek ye bè Idyip


Wen dumu dwata lennged kô gbek hewà yóm sotu but tau deng nô lem tdok yó kem tólóng but tau bè dumu benwu, ne nmoen lu mò hol kun tau lómón yóm deng nmò Dwata bélê ye ditu bè Idyip, yóm sana kuy Dwata hol gónó mogot? Kaem hol kuy mata se deng mton du yóm tey kegbeken ne yóm tey kekgisen bè yóm nmoen yó. Tehe hwiten yó kem des mekto ne gida bè yó kem tau Idyip ne tehe nmoen yó kem tey dê hentaw ton ne yó kem tey dê knikò sut.


Deng eles wen udél Dwata ebè Musis, monen, “Olon sotu ne duen tafak hwitu ebè Faro ne klamangen Idyip ne bè yó kem tauhen. Kogol yóm tafak yó hewóten yu ne. Bè ktahuhen, gotu tódô hdóhen yu bè ni.


Omin Dwata mon du mò ke Musis, “Ni hol hnénégem yóm angat nmou bè Faro yó. Angat gnagahu anì hewaen lu yó kem dou tau. Bè ktahuhen, angat hdóhen lu bè yó bè kun benwu.”


Okóm angat tnafaku yóm benwu hmesek kul yó. Ne bè yóm kdaw angat ktebel le yóm benwu yó, angat gotu nwit le yó kem tey kendengen gu ditu.


Yó bud mon Dwata mò ke Musis, “Bè nim kulékem ebè Idyip ni, hol nmoem bè yóm lomi Faro yóm hentaw ton deng hmou kóm mlan bè yóm kfasang deng suu béléem. Okóm angat hgelu kulu Faro ne là kô nan e hlus kul hewà yó kem tau.


Yóm sigel kwananem, Dwata, tey knikò yóm kgisen, gotu genlaen yó kem hohonem.


Uu se yóm sana kum Dwata hol gónó mogot, dwata du de tô semnged kóm? Tau du de tô mkél kóm bè yóm tey klinggelen yóm kmoem, yóm klaen kô dù belenem? Tau du de tô gembek mò kul yó kem hentaw ton ne yó kem tey deng genbek nmoem?


Swiv nou:

Piblisite


Piblisite