Kehewà 3:2 - Udél Dwata: Gna Kesfasad ne Lomi Kesfasad

² Bè yóm kkólen bè yó, wen hógów Dwata gu bè longit hegfan béléen bede hlingu bè dilóf ofi, mkal bè yóm sotu ngà koyu lefungu. Ton Musis yóm koyu lefungu tódô tfeng dilóf okóm là se kóen dog mlób.

Kehewà 3:2 Referans Kwoze

Isaya 43:2

Ke nifal ye yóm él nelem, elese gel mung kuy. Là kô ye limes bè yó kem mgel sut bélê ye. Ke mlan ye gu lem ofi, là kô ye na a mlób. Yó kem tilów mgel gel sut bélê ye, là kô nan e gehsidek kuy.

Mark 12:26

Ne bè yóm snólók ye bè yóm angat bud klowil tau gu lem hatay,” mon Jisas, “là deng gesfala ye du kô yóm tehe hsulat Dwata ke Musis, yóm tehe kehlingu Dwata béléen bè dilóf ofi bè yóm sotu ngà koyu lefungu? Yó udél Dwata ebéléen gu lem tum dilóf, monen, ‘Ou se sana kul Dwata le Abraham ne Isak ne Jakub.’ Bè yóm udél Dwata yó,” mon Jisas, “gónó ye temngón du yóm deng bud klowil Dwata kul. Abay se yóm Dwata, du se Dwata yó kem mowil, là bè yó du kem là mowilen. Tey salà kehedem ye du.

Dwata 33:16

Lemwót bè yóm tey tóbóng Dwata angat tódô tfeng he ta yóm tonok le yó kem alì hyu. Yóm Dwata yó, du se yóm sana Dwata hol gónó mogot tehe mudél gu lem yóm ngà koyu lefungu hono dilóf. Hol dohò eta yó kem sfu Jusif he ni kem tóbóng ni, yakà du se tehe gónó le galak yó kem twoguhen.

Kun Snulat Luk 20:37

Ne bè yóm snólók ye bè yóm angat klowil Dwata tau,” mon Jisas, “balù sem Musis ekni, tey mtukul ktulónen du se kun yóm yó. Bè yóm tehe kehlingu Dwata béléen bè dilóf ofi bè yóm sotu ngà koyu lefungu, yó kboluy Musis du yóm gónóhen mogot yó, monen, ‘Du se yóm sana kul Dwata le Abraham, ne Isak ne Jakub.’Bè yóm udélen yó,” mon Jisas, “gónó tekuy temngón du yóm deng bud klowil Dwata kul. Abay se yóm Dwata, du se Dwata bè yó kem mowil, là bè yó kem matay du. Anien ke matay yó kem tau, bè kton Dwata kul, tolo le mowil.

Kem Lingón 66:12

Deng hlusem yó kem hohon me anì hol ndà le mi elaan. Hol lómón ke deng me mlan lem ofi ne lem dunuk. Okóm deng mom nwitem mi ebè yóm benwu là élélen.

Malakay 3:1

Yó balaen kul yóm Dwata laen dù là gbeken du, monen, “Ngem, angat wen hógówu elem blóng ye mò eles hemtifes yóm angat lanu. Ominen yó tódô mekto sut elem yóm kun Gónô yóm tendo nangat ye, duhen yóm Dwata hol gónó mogot. Yóm hógówu tendo gel nangat ye yó, dohò sut se kun mò hetngón du kuy yóm deng senfasad tekuy.”

Isaya 63:9

bè yóm kdê gónó le glayam. Sundu hógów Dwata gu bè longit du yóm lemwà kul, kaem tódô Dwata. Yó gónón mò du, lemwót bè yóm kbong nawahen kul ne yóm kkoduhen kul. Tey tendo gel kesegyoken kul lemwót bè kbuten,

Kehewà 3:16

Lemwóti ne, nam e sentifun yó kem tau gónó le mogot yó kem tau Israél ne tulónem kul yóm deng kehegfanu béléem, yóm sana Dwata hol gónó mogot, yóm sana Dwata yó kem tehe fù le Abraham ne Isak ne Jakub. Tulónem kul yóm deng knaulu edini ne yóm deng ktonu du yóm nmò le bélê le yó kem tau Idyip.

Danyél 3:27

Mung kton le kul yó kem tau genlal ne yó kem genlal bè sendalù ne yó kem gubérnor ne yó kem fen gel hemlan udél bè yóm tau hol geta, ya tey ketnga le yóm klaen dù hemen le. Balù sbalu wek le ke mlób ne là se mlób nes le. Balù boo kebel, là kô gungef le du bélê le.

Tekang Kbuten 48:16

Yó hem hógów Dwata tehe gel lemwà dou bè yó kem gónón mgel hol tmóbóng kul. Hol mlan bè ni kem ngà ni gónóhen là lana yóm dou boluy ne boluy yóm téméu Abraham ne mau Isak. Dwata he hol hwen yó kem ngà le ne yó kem angat ból le.”

Dwata 4:20

Okóm yu se yó kem tau deng hewaen gu bè Idyip, bè yóm benwu gónó ye alì glayam. Yó gónón hewà kuy, nmoen yu mò hol kun tau lómón yóm deng kfunen kuy kemdaw ni.

Sulat Pol Ebè Yó Kem Tau Hemtahu Bè Rom 8:3

Yóm hlau, là kô gbeken mkó du yóm kfasang yóm salà bè klowil tekuy abay se laen dù tau tódô gembek lemolò du lemwót bè yóm tey klunog tekuy. Okóm wen kun atul Dwata, hógówen yóm Ngaen na a hbaling bè lówó tau, lómón yóm lówó tekuy kem tau gemsalà na a matay mò lanen tmuled yóm salà.

Kun Snulat Jan 1:14

Yóm Udél yó koni, deng baling tau, ne mnô bélê tekuy. Laen kô dù sónen yóm klinggel nawahen ebè tau, ne hono tahu yóm gel tulónen kul. Deng hyu na me ton se yóm kegeta deng blay Maen du, yóm kegeta hol knóón bè yóm Ngaen tek sotu.

Sikaraya 13:7

Yó bud udél yóm Dwata laen dù là gbeken du, monen, “Yó ne, sudeng, hnatayem yóm tau semgyok yó kem dou ubiha, yóm tau hol fi béléu. Hnatayem yóm tau semgyok ubiha anì gotu le sekla yóm kdê ubiha le. Ne fen ou tmafak yó kem hanà lemnek.

2 Tisalunika 1:7

ne kóhen ta ye yóm gel keglayam ye, dalang se yóm kum gel keglayam. Yó he kmò Dwata du nim ni sok kól yóm gónó tekuy mogot Jisas gu bè longit, mung du yó kem gel hógówen alì mfasang.

Tekang Kbuten 21:17

Ne bud mkik se kun yóm ngaen ne gungol Dwata. Ne wen hógów Dwata mudél ebè Hagar gu bè longit, monen, “Ó Hagar, moen de ke sbeweg kehedemem? Béi hlikò. Deng gungol Dwata yóm kkik ngaem.

Tekang Kbuten 22:11

sen-gengen se wen hógów Dwata tmaba ebéléen gu bè longit, monen, “Ó Abraham, Abraham.” Mon Abraham se, “Hó. Ni ou.”

Kehewà 19:18

Yóm Bulul Sinay, tódô tfeng kebel abay se mnaul elaan Dwata mung bè ofi. Yóm kebel yó, hol lómón ke kebel ofi alì hitem kmò kboben etta ne ya tey sidek kegsinsigen yóm bulul yó.

Kehewà 23:20

Bè yóm knô Musis bè Dwata ditu ta bulul, wen udél htulón Dwata ke Musis bè yó kem tau Israél, monen, “Ngem, bè yóm kógów ye ebè yóm benwu Kanan deng hentifesu mò kuy, angat wen hógówu gu bè longit mò eles tukô gna kuy mò mofin kuy bè lan ne mò mit kuy etu.

Kmukum 13:13

Yó balaen du yóm hógów Dwata, monen, “Hyu ke hol nmò yehenem yóm deng hlolou du.