Kehewà 3:18 - Udél Dwata: Gna Kesfasad ne Lomi Kesfasad

¹⁸ Angat hnungol le u yó kem tau malak bè yó kem tau Israél. Ne ominem mógów ebè Faro bè Idyip, mung kóm yó kem tau gónó le mogot yó kem tau Israél ne yó udélem ebéléen, monem, ‘Deng hegfan bélê me yóm sana kum Dwata mi kem tau Hibru, yóm sana kum Dwata hol gónó mogot. Ke yó dum hyu béléem, hógówem mi tlu kdaw elem yóm benwu laen hol wen tauhen anì ne me e demsù ebéléen bè yó, yóm sana kum Dwata hol gónó mogot.’ ”

Kehewà 3:18 Referans Kwoze

Kehewà 9:1

Yó bud mon Dwata mò ke Musis, “Budi mógów ebè Faro tulónem du, monem, ‘Yó udél yóm sana Dwata yó kem tau Hibru yóm hol gónó mogot, hol hewótem lu ne yó kem dou tau anì na le e tmaba ebéléu.

Kehewà 7:16

Ke sok kól bè yó, monem mò du, ‘Dók Dwata mi ebéléem, yóm sana Dwata yó kem tau Hibru, yóm hol gónó mogot, anì tulónu kóm hol hewótem lu ne kun yó kem kun tau anì na le e tmaba ebéléen bè yóm benwu laen hol wen tauhen. Okóm efet ni là kô dog hnungolem du.

Kehewà 10:3

Tahu se, bud le mógów ebè Faro le Musis ne Aron, mon le mò du, “Yó udél yóm sana Dwata yó kem tau Hibru, yóm hol gónó mogot, monen, ‘Deng tey kegenen ne yóm là keheglaanem béléu. Hol hewótem lu ne yó kem dou tau anì na le e tmaba ebéléu.

Kehewà 9:13

Yó bud mon Dwata mò ke Musis, “Hol hlafus haya budi mógów ebè Faro, bud tulónem du, monem, ‘Yó udél yóm sana kul Dwata yó kem tau Hibru yóm hol gónó mogot, monen, Hol hewótem lu ne yó kem dou tau anì na le e tmaba ebéléu.

Kem Lingón 110:3

Bè yóm kdaw angat kwitem sgida, wen tey óyô le tmóbóng kóm yó kem tauhem. Yó kem ngà logi sendaluem alì mólós nes le, angat le sut béléem ket hlafus, hol lómón kmò le, lómón ke amù gel sut hlafus.

2 Tutul Israél 30:12

Bè yóm kdaw yó, wen nmò Dwata bè yó kem tau bè Juda, benlayen lu kessotu nawa mimón du yóm udél yóm tau hol geta ne yó kem genlalen kem tau deng lemolò yó kem hlolò Dwata.

Juswa 1:17

Nimón me uu lómón yóm tehe kimón me ke Musis. Yó hem kóm sana Dwata hol gónó mogot tendo nô béléem lómón yóm tehe knóen bè Musis.

Lista 17:4

Gotu nwitem yó kem tuged le yó ebè yóm dou Gónô ne suem lu bè solu yóm Slungan Fasad bè yóm gónóhu gel stulón kóm.

Kehewà 19:1

Bud tnagak yó kem tau Israél yóm benwu Rifidim. Bè yóm tanay kdaw bè yóm getluhen bulón kogol yóm kehewà le gu bè Idyip, bud le kól bè yóm benwu laen hol wen tauhen boluyen Sinay. Bè yó gónó le na bud kmamfù bè but yóm Bulul Sinay.

Kehewà 4:31

Ne hentahu le. Bè yóm kungol le du yóm deng kton Dwata du yóm tey keglayam le ne yóm deng ksuten lem blóng le mò tmóbóng kul, gotu le mtud bukol ne dóyón le Dwata.

Kehewà 4:24

Sotu kifu, yóm igò le hegnô bè lan le Musis bè yóm kógów le ebè Idyip yó, bud ston ke Musis Dwata anì nan e tô hnatay.Yó nmò Sipura yóm tuha libun Musis, ma botu telem mò tulien yóm ngaen logi. Timbow deng ktulien du, ominen kemlé du bè ti Musis yóm kuliten. Bè yóm deng kloloen yóm adat bè kehtulì, yó monen mò ke Musis, “Uu se yóm tuha logihu mlan bè litô.” Lemwót bè yóm nmò Sipura yó gónó Dwata hlowil ke Musis.

Kehewà 3:16

Lemwóti ne, nam e sentifun yó kem tau gónó le mogot yó kem tau Israél ne tulónem kul yóm deng kehegfanu béléem, yóm sana Dwata hol gónó mogot, yóm sana Dwata yó kem tehe fù le Abraham ne Isak ne Jakub. Tulónem kul yóm deng knaulu edini ne yóm deng ktonu du yóm nmò le bélê le yó kem tau Idyip.

Kehewà 3:12

Bnalà Dwata se, monen, “Elese tendo nô béléem ne bè yóm kwitem kul hewà gu bè Idyip yó kem tau, angat ye tmaba ebéléu bè nim bulul ni. Yó se ilóen yóm khógówu kóm.”

Tekang Kbuten 48:3

Yó monen mò ke Jusif, “Ó Ngà, yóm tehe knóu bè Lus bè benwu Kanan, hegfan béléu yóm Dwata laen dù là gbeken du ne wen oluhen dou.

Tekang Kbuten 17:1

Timbow deng syóm folò syóm ne halay Abram, bud hegfan béléen Dwata ne monen mò du, “Ou se yóm Dwata laen dù là gbeken du. Hol tendo nimónem ou ne hol nmoem yóm tedeng.

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Tekang Kbuten 12:1

Yó mon Dwata mò ke Abram, monen, “Ó Abram, lemwóti ne. Tebelem nim benwu gónóhem nô ni ne yó kem dumuhem ne yó kem fes lówó maem, mógówi ebè yóm benwu naw e tolok kóm.

Jirimaya 26:5

ne ke là hnungol ye yóm udél yó kem tau tóbóng lówóhu, duhen yó kem tugodu yakà deng dê duléku du hetgama du kuy, okóm là kô dog hnungol ye kul,

Jirimaya 2:6

Balù udì se ke tô mon le, ‘Nô se yóm Dwata tehe mit tekuy hewà gu bè Idyip ne laen kô dù hemen tekuy? Nô se yóm tehe malak tekuy lem yóm benwu là hyu menwu du? Yó se yóm benwu balù udì ke wen mowil du tódô hono helek, hono sol ne tey sidek kkinien, benwu gónó matay. Balù sotu ke wen tau menwu lemen ne balù sotu tau ke wen mlan lemen.’

Jirimaya 2:2

“Lemwóti ne, hol heglalagem bè kdéen tau lem Jirusalim, monem mò kul, ‘Ni se udélen ebélê ye yóm sana Dwata hol gónó mogot, monen, Gtulón nawaw yóm tey tehe kteneb ye béléu bè yóm hanà klomi ye tau. Tey kbong nawa ye dou, lómón yóm libun lomi myehen, tey kbong nawahen yóm tuha logihen. Balù elem yóm benwu là hyu menwu du, yóm benwu balù udì ke wen mowil du, ewenem sana klolò ye dou.

Isaya 64:5

Tey któbóngem kul yó kem tau hligal mò du yóm tedeng ne là klifót le du yóm hloloem kul bè klowil le. Tehe tey kebutem kum, okóm tódô senflós me mò du yóm sidek. Igò yóm tey kebutem kum mom henlel me mò du yóm sigol lemwót bè kbuten.

Tekang Kbuten 14:13

Okóm wen sotu tau lemwót bè yó mlóy etu bè Abram ne gotu tulónen du yóm kdéen. Yóm Abram ni tau Hibru, yóm menwu moni bè yó kem koyu lembang nfun Mamri yóm tau Amurayt. Yóm Mamri ni, wen lewu dumuhen setwoli logi boluy le Iskol ne Anér, hono kem kun dumu sofin Abram.

Kehewà 4:1

Ne yó bud balà Musis ke Dwata, monen, “Mò kmoen se ke là dog hentahu le dou yó kem tau Israél ne ke là hnungol le du yóm angat tulónu kul? Mò kmoen se ke henkéng le yóm deng kehegfanem béléu ni.”

Kehewà 5:1

Omin Musis ne Aron mógów ebè Faro bè Idyip ne mon le mò du, “Yó udélen ebéléem yóm sana kum Dwata yóm hol gónó me mogot kem tau Israél, monen, ‘Hol hewótem lu yó kem dou tau anì na le e mò ken bong bè yóm benwu laen hol wen tauhen mò gónó le madat dou.’ ”

Kehewà 5:3

Omin le Musis ne Aron mon du mò du, “Deng hegfan bélê me yóm sana kum Dwata kem tau Hibru. Ke yóm hyu béléem nam hewót mi, tlu kdaw me mógów elem yóm benwu laen hol wen tauhen anì na me e demsù ebè yóm kum Dwata. Ke là nmò me du nim ni tódô hnatayen mi yóm kum Dwata mlan bè des duhen ke bè gida.”

Kehewà 8:1

Omin Dwata bud mon du mò ke Musis, “Budi mógów dou ebè Faro ne monem mò du, ‘Yó udél yóm sana Dwata hol gónó mogot, monen, Hol hewótem lu ne yó kem dou tau anì na le e tmaba ebéléu.

Kehewà 8:20

Yó bud mon Dwata mò ke Musis, “Holi hlafus haya anì nam e senlong Faro bè yóm kógówen ebè él. Tulónem du, ‘Yó udél yóm sana Dwata hol gónó mogot, monen, Hol hewótem lu ne yó kem dou tau anì na le e tmaba ebéléu.

Kehewà 17:5

Ne yó mon Dwata mò ke Musis, “Ni nmoem, miti bè yó kem gel malak yó kem tau Israél mógów ye tukô gna yó kem tau. Nwitem yóm tuged tehe fesem bè él Nayl.

Kehewà 4:23

Deng monu mò kóm, hol hewótem yóm dou ngà anì tmaba ebéléu. Okóm là kói dog móyô. Mlan bè nim nmoem ni, gónóhu hmatay yóm ngaem logi twogu.’ ”

Kehewà 8:23

Bè nim angat nmou ni, mò gónón gfan yóm kestólóngu yó kem dou tau bè yó kem tau Idyip. Haya ksuten nim tey hentaw ni.’ ”