Kehewà 3:17 - Udél Dwata: Gna Kesfasad ne Lomi Kesfasad

¹⁷ Deng eles natulu ne yóm kwitu kul hewà gu bè Idyip, yóm benwu alì gónó le glayam. Nitu lu ebè yóm tonok alì hyu mò du hulu, yóm benwu yó kem tau Kanan ne kem tau Hitayt ne yó kem tau Amurayt ne yó kem tau Pirisayt ne yó kem tau Hibayt ne yó kem tau Jibusayt.

Kehewà 3:17 Referans Kwoze

Tekang Kbuten 50:24

Yó mon Jusif bè yó kem dumuhen setwoli, “Ni móyóne matay lem blóng ye, okóm Dwata he mò semgyok kuy ne angat bud niten yu ebè yóm benwu deng tehe hol fasaden ke fù Abraham ne témê Isak ne mà tekuy Jakub snéen.”

Juswa 24:11

Kogolen bè yó, nifal ye yóm Él Jurdan ne gefet ye bè Jiriku. Yó kem sendalù bè Jiriku, tey kwit le kuy sfatay. Senged se yó kem tau Amurayt ne yó kem tau Pirisayt ne yó kem tau Kanan ne yó kem tau Hitayt ne yó kem tau Girgasayt ne yó kem tau Hibayt ne yó kem tau Jibusayt, okóm hegmou yu bélê le yóm kdê le.

Tekang Kbuten 46:4

Munge kóm etu ne angat bud nitu lu semfulék ebè yóm tonok ni yó kem semfu gu béléem. Okóm kóm du, angati matay bè yó bè Idyip ne bè yóm angat kilot nawahem eles nô klohokem Jusif.”

Tekang Kbuten 50:25

Omin Jusif hsafà kul, monen, “Safà ye dou yóm hol bud kwit ye lówóhu ke deng bang Dwata bud mit kuy mulék ebè yóm benwu tu.”

Kehewà 6:6

Duhen ni, tulónem yó kem tau Israél, nim udélu ebélê le ni, ‘Ou se yóm sana Dwata hol gónó mogot. Lenwau yu lem tdok yó kem tau Idyip. Hewau yu bè yóm gónó ye alì ghesek. Angat tayalu eta sigelu mò tmafak yó kem tau Idyip, okóm fen hewau yu yó dum kuy.

Kehewà 32:34

Lemwóti ne, nalakem yó kem tau ebè yóm benwu deng tulónu kóm. Hentulónem nawa wen hógówu gu bè longit mò tukô gna kóm. Okóm angat kól yóm kdawu tmafak kul ni kem tau ni lemwót bè yóm salà deng nmò le.”

Kehewà 33:3

Yóm benwu gónó ye e solu ni, tey hyu tonoken ne tey mabù huluhen. Okóm là munge kuy dou, abay se tey mgel kulu ye ne déke mom genlau yu bè lan.”

Lista 13:27

Yó tulón le ke Musis, mon le, “Deng gotu bniwel me yóm klamang benwu Kanan gónóm e hógów kum, ton me tey tilob tonoken ne tey mabù kem huluhen. Ni dé yó kem dumu bungu koyu nwit me gu ditu.

Dwata 6:3

Yó gónóm mon, yu kem tau Israél, hol gel hnungol ye yó kem hlau Dwata kuy ne hol nimón ye. Ke ni se nmò ye angat hyu kógów klowil ye ne angat tey kból ye bè yóm knô ye ta yóm tonok alì hyu ne wen tey tebasen lómón yóm deng fasad Dwata kuy, yóm sana Dwata yó kem tehe fù tekuy.

Dwata 26:9

Yó nmoen, nwiten mi edini ne blayen kum nim tey tonok hyu ne tonok alì tembas.

Juswa 9:1

Yóm gel kegmò yó kem tau Israél tey glalag bè yó kem hohon le, botong gefet bè yóm kdê tau hol geta nô fi desdef Él Jurdan. Lu se yó kem tau hol geta bè yó kem tau Hitayt ne bè tau Amurayt ne bè tau Kanan ne bè tau Pirisayt ne bè tau Hibayt ne bè tau Jibusayt. Ni kem tau ni, wen se bélê le nô lem bulul ne wen se bélê le nô gu lem but henfek ne wen se nô hilol Mohin Miditiranyan efet kól ditu senbwak Bulul Libanun.

Jirimaya 32:22

Deng blayem yó kem tau Israél yóm tonok tehe fasadem yó kem tehe fù le, yóm tonok tilob ne tonok tembas.

Kem Lingón 102:21

Duhen yó, angat hnigal dóyón le yóm boluy Dwata bè Sayun, dóyón le bè Jirusalim,

Jirimaya 11:5

Yó gónóhu tehe mon du nim ni anì dohò yóm deng fasadu yó kem fù ye, duhen yóm keblayu du kul yóm tey tonok hyu ne tonok alì tembas, yóm tonok deng nfun ye ni kmoen ni.’ ” Yó balà Jirimaya ke Dwata, monen, “Tahu se, Dwata, yóm monem yó.”