Kehewà 3:16 - Udél Dwata: Gna Kesfasad ne Lomi Kesfasad

¹⁶ Lemwóti ne, nam e sentifun yó kem tau gónó le mogot yó kem tau Israél ne tulónem kul yóm deng kehegfanu béléem, yóm sana Dwata hol gónó mogot, yóm sana Dwata yó kem tehe fù le Abraham ne Isak ne Jakub. Tulónem kul yóm deng knaulu edini ne yóm deng ktonu du yóm nmò le bélê le yó kem tau Idyip.

Kehewà 3:16 Referans Kwoze

Kem Lingón 8:4

Ke hendemu yóm deng nmoem yó, le hilu he kun yó kem olo tau tonok. Kiholen yóm tey nawahem ebélê le.

Kehewà 4:31

Ne hentahu le. Bè yóm kungol le du yóm deng kton Dwata du yóm tey keglayam le ne yóm deng ksuten lem blóng le mò tmóbóng kul, gotu le mtud bukol ne dóyón le Dwata.

Kehewà 4:29

Tahu se, slomong le Musis Aron mulék ebè Idyip ne gotu sentifun le yó kem tau malak yó kem tau Israél.

Tekang Kbuten 50:24

Yó mon Jusif bè yó kem dumuhen setwoli, “Ni móyóne matay lem blóng ye, okóm Dwata he mò semgyok kuy ne angat bud niten yu ebè yóm benwu deng tehe hol fasaden ke fù Abraham ne témê Isak ne mà tekuy Jakub snéen.”

Kul Nmò 15:14

Deng tulón Simun tekuy koni yóm tanay kehegfan Dwata du yóm tey nawahen ebè yó kem tau là Ju le, deng wen se bélê le henbalingen kem kun tau.

1 Pitér 5:1

Ne ni wen udélu ebélê ye, yu kem tuha gónó le gel galak yó kem tau hemtahu. Ou se sotu dumu ye tuha gel malak snéen. Lelen yó he deng tonu se dou yóm tehe keglayam Krays bélê tekuy, ne gomonge snéen dou bè yóm kdaw angat kegfan yóm kegetahen. Ni se yóm hlauhu kuy.

1 Pitér 2:12

Hol hninggel ye mò kmò ye lem blóng yó kem tau là hemtahuhen. Abay se ke són hyu yóm gel ton le bélê ye, laen kô sfuhen ke wen tô semtulón kuy. Ngem angat gbót dóyón le Dwata bè yóm kdaw kesfuléken edini.

Kul Nmò 20:17

Okóm bè yóm tolo knô me bè Militus, hangay Pol yó kem tuha gel malak yó kem tau hemtahu bè Ifisus anì semlong le bè yó. Tahu se, mógów le ebéléen.

Kul Nmò 11:30

Fen hwit le kul le Barnabas lewu le Sol etu bè yó kem tau malak yó kem tau hemtahu bè yó.

Kun Snulat Luk 19:44

Angat gotu genbà le yó kem gónô ye, ne gomong ye meglà yu kem tau nô lemen. Yó kem beng botu ye, gotu lenusok le. Yó gónó ye angat gmumfak du yóm yó,” monen, “abay se là dog kenmón ye du yóm deng ksut Dwata lem blóng ye mò lemwà kuy.”

Kun Snulat Luk 1:68

“Hol dóyón tekuy Dwata, yóm gónó tekuy mogot yóm kdê tekuy kem tau Israél. Yakà deng bud tnóbóngen tekuy kem kun tau, ne deng lenwaen tekuy.

Matyu 26:3

Bong yó kem geta bè yó kem gel demsù ebè Dwata kkólen bè yó kem tuha gónó le gel galak yó kem Ju, gotu le stifun bè gónô bong Kyafas, yóm tau geta bè yó kem gel demsù ebè Dwata.

Rut 1:6

Timbow legen udì bè yó, gungol Numi yóm tey bud któbóng Dwata yó kem tauhen, yóm tey kehbunguhen yó kem hulu le. Yó gónón htifes mulék ebè yóm kun benwu, mung du yó kem lewu towuhen.

Kehewà 13:19

Bè yóm kewót le gu bè Idyip yó, nwit Musis tiol yóm tehe Jusif abay se yó se yóm deng tehe hfasad Jusif yó kem tau Israél bè yóm hanà tolo klowilen. Yó tehe mon Jusif mò kul, “Bè yóm kdaw angat kehewà Dwata kuy, hol nwit ye do tiolu gu bè nim benwu ni.”

Kehewà 4:5

Bud mon Dwata mò ke Musis, “Nmoem nim ni lem blóng yó kem tau Israél mò gónó le hemtahu du yóm deng kehegfanen béléem yóm sana kul Dwata hol gónó mogot yó kem tehe fù le Abraham ne Isak ne Jakub.”

Kehewà 2:25

Tonen yóm tey keghesek yó kem tau Israél ne yó hol gónón nô bè nawahen yóm któbóngen kul.

Kehewà 24:11

Balù yóm deng tódô kton le ke Dwata yó kem tuha gel malak yó, là kô hensideken kul. Tódô ton le Dwata, omin le seyón mken bè yó ne ninum le yóm kul gel ninum.

Kehewà 18:12

Omin Jitru demsù yóm ógóf hkekeben ebè Dwata ne wen yó kem dumu dsuen ebéléen mò ken le. Ne hyu mung bè yó Aron ne kdê yó kem tau malak yó kem tau Israél mò dumuhen mken du yóm ken dsuen yó mò gónó le dmóyón ke Dwata.

Kehewà 15:14

Nim nmoem ni, Dwata, deng gungol yó kem dumu benwu ne tey klikò le, botong setbol kkel le. Deng gefet bè yó kem tau Flistin yóm klikò yó.

Kehewà 3:2

Bè yóm kkólen bè yó, wen hógów Dwata gu bè longit hegfan béléen bede hlingu bè dilóf ofi, mkal bè yóm sotu ngà koyu lefungu. Ton Musis yóm koyu lefungu tódô tfeng dilóf okóm là se kóen dog mlób.

Tekang Kbuten 21:1

Ne deng nmò Dwata yóm deng fasaden ke Sara

Tekang Kbuten 28:13

Ne knahen Dwata mdà klohoken, yó mon Dwata mò du, “Ó Jakub, ou se yóm Dwata hol gónón mogot yóm téméem Abraham ne yóm maem Isak. Yóm tonok gónóm hlilil ni, blayu kóm ne yó kem angat sfuhem.

Tekang Kbuten 48:15

Ominen molu ke Jusif hlanen bè yó kem ngaen, monen, “Yó hem Dwata tehe lolò téméu Abraham ne mau Isak, hol tmóbóng kul ni kem ngà logi ni. Yó hem Dwata tendo malak dou efet nim kmoen ni hol tmóbóng kul.

Kehewà 3:6

Ou se sana Dwata yó kem tehe fuem, le Abraham ne Isak ne Jakub.” Bè yóm kungol Musis du yóm udél yó, botong nsengen uyóhen bè yóm alì klikoen temngel ebè Dwata.

Kehewà 4:1

Ne yó bud balà Musis ke Dwata, monen, “Mò kmoen se ke là dog hentahu le dou yó kem tau Israél ne ke là hnungol le du yóm angat tulónu kul? Mò kmoen se ke henkéng le yóm deng kehegfanem béléu ni.”

Kehewà 17:5

Ne yó mon Dwata mò ke Musis, “Ni nmoem, miti bè yó kem gel malak yó kem tau Israél mógów ye tukô gna yó kem tau. Nwitem yóm tuged tehe fesem bè él Nayl.

Kem Lingón 33:18

Yóm Dwata, tendo bnenteyen yó kem tau wen klikò le du, yó kem tau gléd nawa le bè yóm là konolen yóm kbong nawahen kul.

Kehewà 1:8

Ngangen ne efet bud wen lomi Faro mogot bè yó. Nim Faro ni, balù udì ke wen tngónen bè yó kem hyu tehe nmò Jusif ekni.

Kem Lingón 102:21

Duhen yó, angat hnigal dóyón le yóm boluy Dwata bè Sayun, dóyón le bè Jirusalim,