Kehewà 3:13 - Udél Dwata: Gna Kesfasad ne Lomi Kesfasad

¹³ Okóm yó bud mon Musis, “Ke mógówe ebè yó kem tau Israél ne monu mò kul, ‘Hógówen o ebélê ye yóm sana Dwata yó kem tehe fù ye,’ mò kmoen se ke snólók le boluyem? Tedu se tulónu kul?”

Kehewà 3:13 Referans Kwoze

Isaya 9:6

Yakà wen yóm ngà sut lem blóng tekuy, logi yóm ngà sut yó. Du se hol angat gónó tekuy kmulu. Ne yó angat taba tekuy du yóm alì hulung hmau, yóm Dwata laen dù là gbeken du, yóm Mà tekuy laen dù tul sónen, Ngà yóm Tau Hol Dandónen Geta mit kenek nawa.

Matyu 1:21

Angat logi yóm ngaen, ne yó boluyem du Jisas, yakà du yóm lemwà yó kem kun tau gu lem salà le.”

Jirimaya 23:6

Bè yóm angat kogoten benwu, angat le gotu gewà yó kem tau bè Juda ne laen kô dù hemen le yó kem tau Israél. Yó angat taba le du, ‘Yóm Dwata mit kut tedeng.’

Isaya 7:14

Duhen yó, Dwata ne tódô mò béléem ilô. Yó ilô nmoen, wen sotu sawang libun angat mlutut ne angat mngà logi ne angat boluyen du Imanyuwél.

Kem Udél Hlalak Tehe Selumun 30:4

Tau du de deng gu bè longit bè yóm gónó Dwata nô? Tau du de deng semtifun yóm lenos lem hólólen? Tau du de deng hmunges nes yóm él? Tau du de deng mò gónón gkilil yóm benwu? Tedu de boluyen ne boluy yóm ngaen logi? Tulón ye do ke tngón ye?

Kehewà 3:14

Mon Dwata se, “Yó monem mò kul, ‘Ou se yóm sana Dwata laen kô dù buten ne laen se kô dù tul sónen.’ Hol tulónem kul ou se yóm sana Dwata, yóm hógów kóm ebélê le ni.

Tekang Kbuten 32:29

Mon Jakub se mò du, “Tulónem dou se kóm boluy.” Okóm mom yó balaen du yóm tau yó, monen, “Béem abay snólók boluyu.” Ominen yó wen oluhen ke Jakub.

Matyu 1:23

“Angat wen sawang libun tódô mlutut, ne mngà logi, ne boluy le du Imanyuwél (yó lanen yóm boluyen yó, tendo nô bélê tekuy Dwata).”

Kmukum 13:17

Mon Manu se, “Ó Wè, tulónem kum boluyem dé. Ke tahu se yóm tulónem kum, móyô me ke wen gónó me hegfan du yóm kadat me kóm.”

Kmukum 13:6

Ominen lemwót yóm libun yó nan e tnulón tuha logihen, monen, “Wen tau Dwata gu béléu, hol lómón kmoen lómón ke hógów Dwata gu bè longit, ya tey sidek klikou. Là kóe mlos smólók du gónón gu lemwót, ne là se tulónen du dou boluyen.

Kehewà 15:3

Hol tahu sendalù hulung mit sfatay yóm Dwata. Yó boluyen, duhen yóm Dwata hol gónó mogot.

Kul Nmò 3:13

Ni se nmò yóm Dwata gónó le hemtahu yó kem tehe fù tekuy ekni, le Abraham ne Isak ne Jakub. Hlanen bè Jisas yóm kmoen du, yóm tau tehe hógówen, yóm deng alì hegetahen ni kmoen ni. Okóm du se yóm deng eted ye elem tdok yó kem tau mogot kukum. Tey kesekbê ye du bè solu Paylét, igò Paylét tô móyô hefewà du.

Kehewà 3:12

Bnalà Dwata se, monen, “Elese tendo nô béléem ne bè yóm kwitem kul hewà gu bè Idyip yó kem tau, angat ye tmaba ebéléu bè nim bulul ni. Yó se ilóen yóm khógówu kóm.”

Kehewà 3:15

Tulónem yó kem tau Israél ou se yóm sana Dwata hol gónó mogot, yóm sana Dwata yó kem tehe fù le Abraham ne Isak ne Jakub. Ou se yóm hógów kóm ebélê le. Yó se yóm dou boluy efet kól bè laen dù tul sónen. Yó se yóm angat bud gel taba le do yó kem lugod le elem hulin kdaw.

Kehewà 7:16

Ke sok kól bè yó, monem mò du, ‘Dók Dwata mi ebéléem, yóm sana Dwata yó kem tau Hibru, yóm hol gónó mogot, anì tulónu kóm hol hewótem lu ne kun yó kem kun tau anì na le e tmaba ebéléen bè yóm benwu laen hol wen tauhen. Okóm efet ni là kô dog hnungolem du.

Isaya 52:6

Okóm angat wen kdawen, ketngón ye du ou se Dwata yóm deng mudél ebélê ye ni.”