Kehewà 3:12 - Udél Dwata: Gna Kesfasad ne Lomi Kesfasad

¹² Bnalà Dwata se, monen, “Elese tendo nô béléem ne bè yóm kwitem kul hewà gu bè Idyip yó kem tau, angat ye tmaba ebéléu bè nim bulul ni. Yó se ilóen yóm khógówu kóm.”

Kehewà 3:12 Referans Kwoze

Juswa 1:5

Bè yóm klawihem mowil, Juswa, laen kô gembek gemmò béléem, yakà tódô senflósu du nô béléem lómón yóm tehe knóu bè Musis. Là kô naw e tnagak kóm ne là se kô naw e tódô bayà kóm.

Sulat Pol Ebè Yó Kem Tau Hemtahu Bè Rom 8:31

Tedu se kmon tekuy du ni kem deng monu ni koni? Yó hol gwa tekuy du yóm klaen dù gembek hemsidek tekuy ke deng gfi bélê tekuy Dwata.

Isaya 41:10

Hol bê ye abay hlikò, tendohe gel nô bélê ye. Ou se yóm kuy Dwata, laen kô dù knikò ye. Tendo gel benlayu yu kgis ne tendo tnóbóngu yu. Sónmou mofin kuy ne lenwau yu.

Dwata 31:23

Omin Dwata bud mudél ebè Juswa yóm ngà Nun, monen mò du, “Eles hfólem nawam ne elesi htigel. Uu se mò fen bud tles malak kul yó kem tau Israél ebè yóm tonok fasadu kul ne ou se tendo nô béléem.”

Tekang Kbuten 31:3

Omin Dwata mon du, “Ó Jakub, budi mulék ebè benwu yó kem fuem ne ebè yó kem dumuhem setwoli. Elese tendo nô béléem.”

Kehewà 4:15

Gbekem fen htugod du yóm nóyô monem. Tendo tnóbóngu yu lewu ye bè yóm kudél ye ne tulónu kuy yóm bang nmò ye.

Kehewà 4:12

Yó ne lemwóti, tendo tnóbóngu u he mudél ne tulónu kóm yóm angat monem.”

Matyu 28:20

Ne yóm kdê deng hlauhu kuy, hol tolok ye kul anì hol nimón le se kul. Ne laen kô mtukul sónen yóm knóu bélê ye efet kól bè yóm hol són kdaw.”

Isaya 43:2

Ke nifal ye yóm él nelem, elese gel mung kuy. Là kô ye limes bè yó kem mgel sut bélê ye. Ke mlan ye gu lem ofi, là kô ye na a mlób. Yó kem tilów mgel gel sut bélê ye, là kô nan e gehsidek kuy.

Kul Nmò 11:21

Ne nô bélê le yóm kun kfasang yóm gónó le mogot, ne tey dê bè yó kem tau bè yó hemtahu du yóm tulón le, ne baling le tau lemolò ke Jisas.

Mark 16:20

Kewót le se kul yó kem tau gel lemolò du, hetngón le bè klamangen yóm Tulón Hyu gbak ebè Jisas. Tey tendo gel któbóng Jisas kul yóm gónó le mogot, hlanen bè yó kem hentaw ton gel nmò le mò gónón hegfan yóm hol ktahu yóm tulón gel nwit le.]

Hibru 13:5

Béen són bè filak gónón nô nawa tekuy. Yake tódô gsengel nawa tekuy bè kihu nô bélê tekuy. Yakà deng wen tehe mon Dwata, monen, “Là kô naw e tnagak kóm. Là kô naw e tódô bayà kóm.”

Isaya 7:14

Duhen yó, Dwata ne tódô mò béléem ilô. Yó ilô nmoen, wen sotu sawang libun angat mlutut ne angat mngà logi ne angat boluyen du Imanyuwél.

Kem Lingón 86:17

Hegfanem dou kun ilóen yóm kehyu nawahem ebéléu, anì ton yó kem tau kmutó nawa dou, ne angat le bud mulék myak. Abay se uu, Dwata, yóm gel tmóbóng dou ne gel hemyu nawahu.

Isaya 37:30

Omin Isaya bud mon du mò ke Hisikaya, “Yó mò ilô yóm angat kdohoen yó kem tulónu kóm yó koni, lenwóten bè halay ni efet kól bè halay hulin, són olo ken ye són ken tabag. Okóm kogolen bè yó, bud wen halay hulu ye ne nuta ye ne bud wen grép hulu ye ne ken ye bunguhen.

Kmukum 7:11

Ke kóli bè yó, hol hnungolem yóm sentulón le ne bè yó gónón mfól nawahem mundug kul.” Tahu se, lemwót Gidyun lewu le Pura mosol le edlem bè kilil yóm gónó le kmamfù yó kem hohon le.

Kmukum 6:21

Omin yóm hógów Dwata mdù du bè yóm utón yó ne yóm mambang yóm tukô tugeden. Tódô sen-gengen se yóm tey dilóf ofi hesut gu lem yóm botu yó, gotu mkekeb yóm utón ne yóm mambang. Ne sen-gengen se tódô lana yóm hógów Dwata yó koni.

Kmukum 6:17

Bnalà Gidyun se, monen, “Ke tahu yóm któbóngem do, moi do ilô kun mò gónóhu temngón du ke tahu uu yóm sana kum Dwata yóm mudél ebéléu ni.

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Tekang Kbuten 15:8

Okóm yó snólók Abram bè Dwata, monen, “Ó Dwata yóm hol dandónen geta, tedu kmò ketngónu du ke dou se funen nim tonok ni?”

Kul Nmò 7:7

Okóm angat tnafaku yó kem tau hmayam kmifen kul yó, ne kogolen bè yó, angat wen lanu hefewà yó kem lugodem bè yóm benwu yó, ne bè nim benwu deng fasadu kóm ni angat gónó le tmaba dou.’Ne wen hlolò Dwata ke Abraham, duhen yóm kehtulì mò ilô yóm deng kesfasad le. Ne tahu se, mngà Abraham, duhen Isak. Timbow deng wolu kdawen sut,” mon Stéfén, “tnulì Abraham yóm ngaen. Ne timbow mngà se ke Isak, duhen Jakub, ne bud tnulì Isak se kun. Timbow mngà se ke Jakub, duhen yó kem sfolò lewu logi, ne bud gotu tnulì Jakub lu. Lu se yó kem tehe fù tekuy alì tótól.

Kehewà 3:1

Sotu kdaw bè yó, bnentey Musis yó kem ubiha ne kem kambing tuónen Jitru yóm tau gel demsù ebè Dwata bè Midyan. Yó nmò Musis, nalaken yó kem ógóf mifal yóm benwu laen hol wen tauhen ne mógów ebè Sinay yóm bulul bnoluy le bulul Dwata.

Kehewà 3:13

Okóm yó bud mon Musis, “Ke mógówe ebè yó kem tau Israél ne monu mò kul, ‘Hógówen o ebélê ye yóm sana Dwata yó kem tehe fù ye,’ mò kmoen se ke snólók le boluyem? Tedu se tulónu kul?”

Kehewà 18:5

Bè yóm kauy Jitru ke Musis yó, mung du yehen Musis ne yó kem lewu ngaen logi, sut le bè yóm gónó le kmamfù le Musis bè yóm benwu laen hol wen tauhen bè yó bè bulul Dwata.

Kehewà 33:14

Mon Dwata se, “Yó ne bude mung kuy ne bud tendo gel hegmou yu.”

Lista 16:28

Yó mon Musis mò yó kem tau, “Ni wen mò gónó ye temngón du yóm deng kdók Dwata do mò fen mò du yóm kun kóyô lem blóng ye ne là kóen lemwót bè yóm dou kóyô.

Lista 23:21

Yó kem tau Israél, deng eles tonu yóm angat tey kehyuhen yóm kul klowil elem hulin kdaw ne laen dù sidek angat glumfak le. Tendo seflós nô bélê le yóm sana Dwata hol kul gónó mogot. Ne deng gel heglalag le se kul, Dwata yóm geta bélê le.

Kmukum 6:16

Bnalà Dwata se, monen, “Kaem gbekem hewà kul abay se ou tmóbóng kóm. Yóm klahilem gemlà kul hol lómón ke tek sotu tau gnidahem.”

2 Bok Kem Tau Hol Geta 19:29

Omin Isaya mon du mò ke Hisikaya, “Ni mò ilóem du yóm kofin Dwata yóm syudad Jirusalim bè yóm tau hol geta bè Asirya. Bè nim halay ni, són ken ye yóm hulu tódô tmowok. Ominen halay hulin, són ken ye yóm hulu bud huli tmowok bè yó. Okóm bè yóm getluhen halay, angat wen hulu ye, ne angat wen nuta ye. Mulu ye grép, ne angat gken ye bunguhen.

Jirimaya 1:8

Béi abay hlikò bè yó kem tau, yakà tendohe nô béléem mò kemlung kóm. Ou se Dwata nim mudél ni.”

Tekang Kbuten 26:3

Hluni nô bè ni ne elese tendo nô béléem ne tnóbóngu uu. Yóm klamang yóm benwu Kanan angat blayu kóm ne yó kem lugodem. Là kô klifótu du yóm deng tehe kfasadu ke maem Abraham bè yóm tonok ni.

Kehewà 8:27

Là gbek me mò du ke là tlu kdaw me du mógów elem yóm benwu laen hol wen tauhen anì ne me e demsù bè yó bè yóm sana kum Dwata hol gónó mogot, lómón yóm deng monen mò kum.”

Kmukum 6:12

Bè yó bè gónón kmusu gónón hegfan béléen yóm hógów Dwata yó koni ne tódô monen mò du, “Ó tau lóbô hulung gmida, tendo nô béléem Dwata.”

1 Samwél 14:10

Okóm ke mon le, ‘Hlós ye mneged edini’ omin te yó hlós, yakà yó du ilóen yóm deng keblay Dwata kul elem hólól te.”