Kehewà 3:11 - Udél Dwata: Gna Kesfasad ne Lomi Kesfasad

¹¹ Okóm yó balà Musis ke Dwata, monen, “Ê, blaem olohu tau hkawang he dou. Là kô gbeku du dou mógów ebè Faro anì naw e nwit lu hewà bè Idyip yó kem tau Israél.”

Kehewà 3:11 Referans Kwoze

1 Samwél 18:18

Yó balà Dabid ke Sol, monen, “Tmau do de ne tedu de hol kmò yó kem dou fes lówó bè Israél ke tô towu yóm tau hol geta?”

2 Kurin 3:5

Bè ni kem deng nmò me lem blóng ye ni, là kô gbek me mon du lemwót bè kum kegbek, abay se là kô gbek me mò du se kum yóm yó. Kaem tódô lemwót bè yóm kenhulung blay Dwata kum.

Kehewà 6:12

Okóm yó balà Musis du, monen, “Sélét mom tô Faro ne hmungol dou anien se yó du kem tau Israél, là kô hnungol le dou. Abay se là hulunge mudél lem blóng kem tau.”

Jirimaya 1:6

Yó balau ke Dwata, monu, “Adéy Dwata yóm hol dandónen geta, là gbeku du ke ou mò hudélem. Yakà hanae lomi tau.”

2 Kurin 2:16

Bè tu kem tau tolo golu elem hatay, lómó kul kungef du, hol lómón ke boo sidek mò gónó le matay. Okóm bè yó kem tau deng gewà, lómón kul kungef du, hol lómón ke boo alì minggel mò gónó le mowil. Nim nmò me ni, laen kô dù tau gembek mò du ke tódô óyóen.

1 Bok Kem Tau Hol Geta 3:9

Yó gónóm mon, hol benlayem ou khulung hedem anì hyu kwitu kul ni kem tauhem, ne anì hol dilóu yóm hyu bélê le ne yóm là hyuhen bélê le. Laen kô dù tau gembek mogot kul ni kem tey tau wen ni ke tek sotuhen?”

1 Bok Kem Tau Hol Geta 3:7

Ó Dwata, yóm sana do Dwata hol gónó mogot, deng tlesem ou ke mà mò tau hol geta, okóm lómón ke hanae tolo ngà he, là denge hulung mogot benwu.

2 Samwél 7:18

Omin Dabid yóm tau hol geta husek elem yóm gónón nô yóm Slungan Dwata, ne myón bè yó bè solu Dwata, ne mni monen, “Ó Dwata yóm Dwata hol dandónen geta, tmau do de dalang se yó kem fes lówóhu ke lómón ni yóm deng nmoem béléu?

Kmukum 6:15

Bnalà Gidyun se, monen, “Okóm, Dwata, tedu se tô kmò kehewau kul du yó kem tau Israél? Blaem yóm dou tbong hono kem tau lunog bè ból Manasi. Ne ou se yóm alì glaan bè kdê yó kem fes lówó me.”

1 Tutul Israél 29:14

Okóm tmau dou de ne tmau kul de yó kem dou tau ke mi bemlay kóm? Igoen uu se gónón lemwót yóm kdê nô bélê me. Yóm blay me kóm ni, hono tehe lemwót béléem.