Kehewà 3:10 - Udél Dwata: Gna Kesfasad ne Lomi Kesfasad

¹⁰ Duhen ni, hógówu u ebè Faro bè Idyip anì nitem lu hewà gu bè yóm kun benwu yó kem dou tau.”

Kehewà 3:10 Referans Kwoze

Mika 6:4

Igou deng mit kuy hewà gu bè Idyip ne deng lenwau yu gu bè yóm gónó ye ghesek. Deng hógówu tukô gna kuy le Musis ne Aron ne Miryam mò malak kuy.

Kem Lingón 105:26

Okóm hógów Dwata Musis ebè Idyip yóm tau tóbóng lówóhen, mò lemwà yó kem tauhen bè yó. Hmungen du Aron yóm sotu tau deng néléken.

1 Samwél 12:6

Yó bud udél Samwél ebè yó kem tau, monen, “Tahu se, Dwata temksì du, yóm Dwata tehe mélék ke Musis lewu le Aron ne tehe hewà yó kem tehe fù ye gu bè Idyip.

Kul Nmò 7:34

Bud mon Dwata mò du, ‘Deng tonu yóm alì keglayam yó kem dou tau bè Idyip, gefet béléu yóm alì tnalaw le. Yó gónóhu mnaul elaan anì lenwau lu. Géhéli ne,’ mon Dwata, ‘angat hógówu uu etu bè Idyip.’Nim Musis ni,” mon Stéfén, “ni se yóm tau tehe kenbê le, tehe mon le mò du, ‘Ilóu uu kô yóm gónó me kmulu? Ilóem uu kô mogot kukum lem blóng me?’ Anì monem du se yóm hógów Dwata mò mogot kul yó kem tauhen, ne mò lemwà kul. Yó tmóbóng du, duhen yóm hógów Dwata gu bè longit hlingu bè dilóf ofi bè yóm ngà koyu lefungu.

Kem Lingón 77:20

Tehe nalakem yó kem kóm tau bè yóm lan yó, hol lómón kalakem kul ubiha, bede hlanem bè le Musis lewu le Aron.

Kul Nmò 7:36

Tahu se, Musis yóm malak kul gu bè Idyip. Tey dê hentaw ton nmoen bè Idyip, dalang se bè yóm kifal le yóm Mohin Hulô efet yóm fat folò halay le tódô hlumbù bè yóm benwu laen dù tau menwu du.

Kul Nmò 7:6

Yó udél Dwata ebéléen, monen, ‘Yó kem angat lugodem, angat fat latu halayen kegen le geklifen bè yóm benwu là kul benwu du, ne tey le meflayam bè yó.

Kul Nmò 7:7

Okóm angat tnafaku yó kem tau hmayam kmifen kul yó, ne kogolen bè yó, angat wen lanu hefewà yó kem lugodem bè yóm benwu yó, ne bè nim benwu deng fasadu kóm ni angat gónó le tmaba dou.’Ne wen hlolò Dwata ke Abraham, duhen yóm kehtulì mò ilô yóm deng kesfasad le. Ne tahu se, mngà Abraham, duhen Isak. Timbow deng wolu kdawen sut,” mon Stéfén, “tnulì Abraham yóm ngaen. Ne timbow mngà se ke Isak, duhen Jakub, ne bud tnulì Isak se kun. Timbow mngà se ke Jakub, duhen yó kem sfolò lewu logi, ne bud gotu tnulì Jakub lu. Lu se yó kem tehe fù tekuy alì tótól.

Tekang Kbuten 15:13

Ne yó mon Dwata mò du, “Yó kem sfuhem, angat le milo ebè tólóng benwu. Botong fat latu halay kegen le ghesek ditu, ne tey sidek kehlayam le kul.

Tekang Kbuten 15:14

Okóm angat tnafaku yóm benwu hmesek kul yó. Ne bè yóm kdaw angat ktebel le yóm benwu yó, angat gotu nwit le yó kem tey kendengen gu ditu.

Kehewà 12:40

Yó kegen le menwu bè Idyip yó kem tau Israél, botong fat latu tlu folò halayen.

Kehewà 12:41

Bè yóm hol són kdaw bè yóm halay yó, tódô kdê yó kem tau Dwata gotu tnagak le yóm benwu Idyip yó.

Kehewà 33:12

Bè yóm ktulón Dwata ke Musis yóm là bud kmungen kul, yó mon Musis mò ke Dwata, “Tahu se yóm tehe kdókem dou anì nitu lu ebè yóm benwu fasadem kul ni kem tau ni, okóm là tulónem du dou ke tau du mung dou. Deng monem tey tilob ketngónem do ne tey kehyu nawahem ebéléu.

Kehewà 33:13

Ke hyu se nawam ebéléu tulónem dou sen yóm atulem anì hol temnù yóm ketngónu kóm ne henlósu mò du yóm gónón hyu nawam ebéléu. Béem klifót snéen, deng nélékem ni kem tau ni mò hol kóm.”

1 Samwél 12:8

Yóm tehe kógów le Jakub ne yó kem fes lówóhen ebè Idyip ekni, tey kehsidek le kul yó kem tau Idyip ne yó gónó le alì hkodu mni tóbóng bè Dwata ne yó gónó Dwata tehe hógów ke Musis lewu le Aron mò lemwà kul gu bè Idyip ne suen lu ta nim tonok ni.

Kmukum 6:14

Omin Dwata mdók ke Gidyun, monen mò du, “Lemwóti ne, hotuhem gelem anì hewaem lu lem hólól yó kem tau Midyan yó kem tau Israél. Ou se nim hol mdók kóm ni.”