Kehewà 3:1 - Udél Dwata: Gna Kesfasad ne Lomi Kesfasad

¹ Sotu kdaw bè yó, bnentey Musis yó kem ubiha ne kem kambing tuónen Jitru yóm tau gel demsù ebè Dwata bè Midyan. Yó nmò Musis, nalaken yó kem ógóf mifal yóm benwu laen hol wen tauhen ne mógów ebè Sinay yóm bulul bnoluy le bulul Dwata.

Kehewà 3:1 Referans Kwoze

1 Bok Kem Tau Hol Geta 19:8

Tahu se, btik Ilaydya, bud mken ne minum. Lemwót bè yóm deng kkenen gónón kemgis mógów lem yóm fat folò butengen etu bè Bulul Sinay yóm bulul Dwata.

Kehewà 17:6

Gnahe bélê ye ditu bè Bulul Sinay, tódóe mdà bè yó te botu. Nfesem yóm botu yó, tódô wen él msut gu du mò ninum yó kem tau.” Tahu se, nmò Musis nim ni bè solu yó kem tau gel malak yó kem tau Israél.

Malakay 4:4

“Hol bê ye abay klifót mimón du yó kem tehe hlolò Musis kuy yóm tau tóbóng lówóhu. Ditu bè Bulul Sinay gónóhu tehe bemlay du yó kem dou hlau, ne yó kem dumu hlolou kul mò nimón yóm kdéen tau Israél.

Kmukum 4:11

Bè yóm kdaw yó, lemwót Hébér yóm sotu tau Kinayt semfu gu bè yóm tehe fóg Musis boluyen Hubab, deng hetlas gu bè yó kem dumuhen, deng nilihen yóm gónóhen kmamfù etu klohok yóm koyu ok bè Sananim moni bè Kédés.

Kehewà 19:11

Eles le hol htifes bè yóm kehloni le ebéléu lewu ni abay se mnaule elaan bè Bulul Sinay, bè yó gónó le gotu mton do yó kem tau.

Kun Snulat Luk 2:8

Bè yóm benwu yó, wen kem tau gel semgyok ubiha ditu lem bnes.

Kem Lingón 106:19

Ditu bè Bulul Sinay, wen lennged safì blówón nmò le, ne mtud le bukol bè solu yóm lennged blówón yó.

Dwata 4:10

yóm kdaw tehe kdà ye bè solu yóm sana kuy Dwata hol gónó mogot bè Bulul Sinay, yóm kdaw tehe kmonen du mò dou, ‘Gotu sentifunem lu yó kem tau. Kóyóu ke gungol le yóm udélu ebélê le anì wen klikò le dou bè yóm klawi le mowil ne anì bud tolok le bè yó kem ngà le snéen yóm klikò le dou yó.’ ”

Dwata 1:6

“Bè yóm tehe knô tekuy bè Bulul Sinay, yó udél Dwata ebélê tekuy yóm sana Dwata hol gónó mogot, monen, ‘Geblaen ni ne knô ye bè nim bulul ni.

Kehewà 24:13

Tahu se, omin le htifes le Musis ne Juswa yóm tau tóbóng lówóhen, mneged le eta yóm bulul Dwata yó.

Kehewà 19:3

Omin Musis mneged eta yóm bulul yó nan e senlong Dwata. Tnaba Dwata Musis gu ta yóm bulul yó, tulónen du yóm nóyô monen bè yó kem tau Israél, yó kem tau ból Jakub.

Kehewà 3:5

Bud mon Dwata, “Béi hloni edini. Kóhem tlumfaem abay se dengi mdà bè yóm gónóhu nô.

Amus 1:1

Bè yóm tehe kogot Usiya yóm benwu Juda, yó fen mogot yóm benwu Israél duhen Jirubuam yóm ngà Jihuas logi. Bè yóm kdaw yó, wen hton Dwata ke Amus yóm tau gel semgyok ubiha bè yóm sotu benwu boluyen Tikwa. Yóm hton Dwata du gbak ebè yó kem tau Israél. Yóm kwen htonen du ni, lewu halay he duen gu laanen là deng mbel linol bong bè benwu le.

Kehewà 4:27

Bè yóm tolo knô le bè lan yó, deng eles stulón ke Aron Dwata, monen mò du, “Senlongem Musis bè yóm benwu laen hol wen tauhen.” Tahu se, senlongen bè yóm bulul Dwata. Bè yóm ktonen du tey kligalen, botong neleken.

Kehewà 2:21

Tahu se, mung kul Musis ne bè yó hlun gónóhen nô. Ne hyehen Jitru du yóm sotu ngaen libun boluyen Sipura.

Kehewà 2:18

Bè yóm deng kulék le ebè mà le, snólók mà le lu, monen, “Na, moen ni du ke là legen ye?”

Kul Nmò 7:30

Timbow deng fat folò halay Musis kegenen nô ditu bè Midyan, tódô wen hógów Dwata gu bè longit hegfan béléen, bede hlingu bè dilóf ofi, tódô lemtom lem yóm ngà koyu lefungu ditu bè yóm benwu là hyu menwu du, moni bè yóm Bulul Sinay.

Kehewà 3:12

Bnalà Dwata se, monen, “Elese tendo nô béléem ne bè yóm kwitem kul hewà gu bè Idyip yó kem tau, angat ye tmaba ebéléu bè nim bulul ni. Yó se ilóen yóm khógówu kóm.”

Kehewà 4:18

Omin Musis mulék ebè Jitru, yóm tuónen ne monen mò du, “Ke yóm hyu béléem, Mà, nam hógów ou ebè yó kem dou dumu tau Israél bè Idyip anì naw e hnénég ke sana tolo klowil le.” Tahu se, hlus tuónen ne monen mò du, “Dwata he mung kóm.”

Kehewà 18:12

Omin Jitru demsù yóm ógóf hkekeben ebè Dwata ne wen yó kem dumu dsuen ebéléen mò ken le. Ne hyu mung bè yó Aron ne kdê yó kem tau malak yó kem tau Israél mò dumuhen mken du yóm ken dsuen yó mò gónó le dmóyón ke Dwata.

Kehewà 33:6

Tahu se, bè yóm ktagak le du yóm Bulul Sinay, là bud leket kem tau Israél du ne yó kem ngom blówón le.

Dwata 1:2

Ke tnonokem lemwót bè Bulul Sinay kól bè yóm benwu boluyen Kadis Barniya lanem bè yó kem bulul lemnek bè Idom, olon sfolò sotu kdaw kegenem tmonok du.

Lista 10:33

Timbow tebel yó kem tau Israél yóm bulul Sinay yóm bulul Dwata, tlu kdaw le bud mógów omin le bud kmamfù. Bè yóm kógów le, sal gel tukô gna kul yó kem tau gel mit yóm Slungan Fasad gónón nô yóm deng fasad Dwata kul mò hetngón du kul yóm gónó le bud kmamfù.

1 Samwél 16:11

Omin Samwél smólók ke Jisi, “Tek sónen ni ne kô yó kem ngaem logi?” Bnalà Jisi se, monen, “Wen he duen yóm hol són imot bélê le, okóm tolo hótób kem ubiha.” Mon Samwél se mò ke Jisi, “Yake hangayem, là tagad tekuy mken ke là dengen kól bè ni.”

1 Bok Kem Tau Hol Geta 19:19

Tahu se, lemwót Ilaydya, ominen mton ke Ilaysa yóm ngà Safat tolo hdaduhen yó kem safien. Wen sfolò sotu tau dmadu tukô gna du, bede ket lewu safì bè sotu dadu, ne fen nogot Ilaysa yóm sotu dadu huli. Omin Ilaydya mlus yóm nesen lafin ta, boten eta abal Ilaysa.