Kehewà 24:8 - Udél Dwata: Gna Kesfasad ne Lomi Kesfasad

⁸ Omin Musis ma yóm litô nô lem yó kem tukung ne hetsiken ebè yó kem tau. Yó monen, “Ni se yóm litô mò hemget du yóm deng kesfasad ye Dwata bè yóm deng keblayen du kuy yóm kdê hlauhen kuy.”

Kehewà 24:8 Referans Kwoze

Kehewà 24:6

Nwa Musis yóm litô yó kem safì yó, sóól suen lem yó kem tukung ne yóm sóólen gotu hetsiken ebè yóm gónô demsù deng hdaen.

Isikél 36:25

Angat wen él mólós hetsiku ebélê ye anì baling ye mólós. Nolobu yó kem using ye ne là bud ye tmaba ebè yó kem dwata kéng.

Matyu 26:28

Ni se dou litô mò hemget du yóm deng fasad Dwata bè kem kun tau. Ne tey dê tau gónón gamà nim litóu ni mò lan Dwata hmifót salà le.

Hibru 13:20

Deng hlowil Dwata yóm gónó tekuy mogot Jisas. Lemwót bè yóm katayen bélê tekuy yó, hol lómón ke du yóm hol geta bè yó kem semgyok ubiha, ne tekuy se yóm hol sen-gyoken. Yóm litô hamaen bélê tekuy, yó se hol hemget du yóm lomi lan nmò Dwata mò lan tau ebéléen, ne laen kô sónen yóm lan nmoen yó. Yó hem Dwata gónón lemwót yóm kenek nawa tekuy hol tmóbóng kuy anì gbek ye mò du yóm kun kóyô. Ne bud du se hembaling tekuy kem tau mò hol hefligal du hlanen bè Jisas Krays. Hol bê tekuy abay nmò sónen yóm kdóyón tekuy ke Krays.

1 Kurin 11:25

Timbow deng kken le, ominen ma yóm tgayan gónón nô yóm ninum le, ne monen mò kul, “Nim ninum ni, hol hnigaden yóm lomi fasad nmò Dwata mò lan ye ebéléen, dou litô mò hemget du. Bè ket kinum ye du nim ni, hol gel hentulón ye ou nawa.”

Mark 14:24

Yó monen, “Ni se dou litô mò hemget du yóm fasad nmò Dwata mò lan tau mógów ebéléen. Ne tey tau wen gónóhen gamà nim litóu ni.

1 Pitér 1:2

Deng tehe eles tngónen kuy Dwata, yóm Mà tekuy bè longit. Ne deng néléken yu ne nmoen yu hol kun tau mlan bè yóm kun Tulus. Yó gónón mò du yóm yó anì hol nimón ye Jisas Krays ne anì gotu hnifóten yó kem salà ye mlan bè yóm deng khamà Jisas litóen. Dwata he hol tendo tmóbóng kuy ne hol tendo henek nawa ye.

Kun Snulat Luk 22:20

Timbow deng kken le, ominen bud ma yóm ninum le, monen mò kul, “Nim bud hinumu kuy ni, hnigaden yóm lomi fasad nmò Dwata bélê ye. Yó hemget du, duhen yóm dou litô angat gamà bélê ye.

Sikaraya 9:11

Lemwót bè yóm deng tehe fasadu kuy bè yóm tehe kesfasad tekuy ne lemwót bè yóm litô yóm dsù ye fen hemget du, angat gotu hewau yó kem tau bélê ye deng negef le, lómón kmoen bélê le lómón ke nô le lem tum sol laen dù élen.

Ifisus 1:7

Lemwót bè yóm tehe fen katay Krays bélê tekuy, yó se gónó Dwata lemwà tekuy, duhen yó se yóm kmò kehlifóten yóm salà tekuy. Tey bong yóm któbóngen tekuy yó.

Isaya 52:15

Okóm ni, tey kehtaw le du yó kem tau bè dumu benwu. Tódô le teneng yó kem tau hol geta bélê le, sidek ketnga le. Tódô ton le ne tngón le yóm tehe là deng hnikót tngón le du.”

Hibru 10:29

Milud he kegtafaken yóm tau ke deng kenbéen yóm Ngà Dwata, ne ke deng kenféen yóm litóen tehe hamaen béléen mò hkó salaen, ne ke sendekaen yóm Tulus Dwata, yóm tmóbóng du. Wen hol mdengen duón Dwata du yóm tau yó, ne tey sidek ktafaken du.

Juswa 24:25

Duhen yó, bè yóm kdaw yó snulat Juswa yóm deng senfasad le Dwata yó kem tau Israél. Ne bè yó bè Sékém wen kem hlau Dwata blayen kul mò lolò le.

1 Bok Kem Tau Hol Geta 8:9

Laen kô dumu nô lemen yóm Slungan Dwata yó, tek són yóm lewu kem botu kufil tehe sù Musis lemen bè Bulul Sinay bè yóm tehe kesfasad le Dwata yó kem tau Israél bè yóm kehewà le gu bè Idyip.

Kem Lingón 78:36

Okóm són te kulit le néen yóm klolò le du, mò le kéng béléen.

Dwata 5:2

Ditu bè Bulul Sinay, deng wen kesfasad le Dwata yó kem tuha tekuy

1 Bok Kem Tau Hol Geta 8:21

Deng eles hetfingu se yóm mò gónón nô yóm Slungan Dwata, yóm Slungan gónón nô yóm tehe senfasad le Dwata yó kem tehe fù tekuy bè yóm kehewaen kul gu bè Idyip.”

Jirimaya 31:32

Yóm senfasad me ni, là mkélen bè yóm tehe kesfasad me yó kem tehe fù le bè yóm tehe kalaku kul hewà gu bè Idyip. Yóm tey kbong nawahu kul bè yóm kdaw yó hol lómón yóm tau syehen, ewenem mom nulé le yóm deng senfasad me.

Hagay 2:5

Bè yóm tehe kehewà yó kem fù ye gu bè Idyip, tehe fasadu kul yóm tendo eles knóu bélê le. Senged se nim kmoen ni, elese tendo gel nô bélê ye. Yó gónóm mon, hol bê ye abay hlikò. Là buden legen ne yóm angat ksinsigu longit ne tonok ne mohin.