Kehewà 24:7 - Udél Dwata: Gna Kesfasad ne Lomi Kesfasad

⁷ Ominen ma yóm bok gónóhen smulat du yóm deng senfasad le Dwata yó kem tau, ne gónóhen nô yó kem hlau Dwata kul ne hgelen udélen semfala du bè yó kem tau. Ne yó fasad le ke Dwata yó kem tau, mon le, “Nimón me yóm sana kum Dwata hol gónó mogot ne gotu nmò me yóm deng hlauhen kum.”

Kehewà 24:7 Referans Kwoze

1 Tisalunika 5:27

Hesfalahu kuy nim sulat ni lem blóng yóm kdéen tau hemtahu dyó. Nim hmou kuy ni, hlanu bè yóm kwalis blayen dou yóm gónó tekuy mogot.

Kulasi 4:16

Sok deng kesfala ye du se kuy nim sulat hwitu ebélê ye ni, bud heflós ye do ebè yó kem dumu tekuy hemtahu bè Ludisya anì senfala le se kul. Dalang se yóm sulat hwitu ebélê le, hol senfala ye se kuy.

Kul Nmò 13:15

Wen senfala yó kem tau malak bè yó lemwót bè yóm hlau Musis ne bè yóm snulat yó kem gna tugod Dwata ekni. Tikóng deng kesfala le, wen udél hgefet le bè le Pol, mon le, “Ó kem dumu me setwoli, móyô me ke wen tulón ye mò gónó ye gemduf kum.”

Kehewà 19:8

Omin le gotu malà du yó kem tau, mon le, “Gotu nmò me yóm deng mon Dwata yó, yóm sana kum Dwata hol gónó mogot.” Omin Musis bud mneged nan e hgefet bè Dwata yóm balà le yó.

Juswa 24:24

Yó bud mon yó kem tau mò ke Juswa, “Tódô lolò me yóm sana kut Dwata hol gónó mogot. Ne nimón me yóm kdê hlauhen kum.”

1 Bok Kem Tau Hol Geta 8:9

Laen kô dumu nô lemen yóm Slungan Dwata yó, tek són yóm lewu kem botu kufil tehe sù Musis lemen bè Bulul Sinay bè yóm tehe kesfasad le Dwata yó kem tau Israél bè yóm kehewà le gu bè Idyip.

Kem Lingón 50:5

Yó udélen, monen, “Sentifun ye lu ebéléu yó kem dou tau là monol nawa le mimón do, yó kem tau deng dumuhu sfasad mlan bè kedsù le.”

Kem Lingón 78:36

Okóm són te kulit le néen yóm klolò le du, mò le kéng béléen.

Jirimaya 42:6

Ke móyô me du yóm tulónen kóm, duhen ke là móyô me du, nimón me yóm sana kut Dwata hol gónó mogot yóm Dwata gónó me hefni kóm. Ke hol nimón me angat baling hyu kógów klowil me.”

Malakay 2:10

Là tek sotu du kô yóm Mà tekuy kem tau Juda? Là tek sotu du kô yóm Dwata tehe mifil tekuy? Na ke lómón yó, moen de ke deng mom nulé tekuy yóm deng senfasad tekuy? Moen de ke deng mom genbà tekuy yóm tehe kesfasad le Dwata yó kem tehe fù tekuy?

2 Tutul Israél 15:14

Smafà le ebè Dwata, hgel le udél le, mung du hensag le, ne tey wen yó kem féw huni le.