Kehewà 24:6 - Udél Dwata: Gna Kesfasad ne Lomi Kesfasad

⁶ Nwa Musis yóm litô yó kem safì yó, sóól suen lem yó kem tukung ne yóm sóólen gotu hetsiken ebè yóm gónô demsù deng hdaen.

Kehewà 24:6 Referans Kwoze

1 Pitér 1:19

Okóm yó soken tekuy, duhen yóm litô Krays, yóm litô laen dù gembek mayad du. Yóm Krays, hol lómón yóm ubiha gel hnatay le mò dsù le ebè Dwata, yóm ubiha alì hyu, bà udì ke wen gónón sidek.

Kehewà 24:8

Omin Musis ma yóm litô nô lem yó kem tukung ne hetsiken ebè yó kem tau. Yó monen, “Ni se yóm litô mò hemget du yóm deng kesfasad ye Dwata bè yóm deng keblayen du kuy yóm kdê hlauhen kuy.”

Hibru 9:18

Senged se bè yóm gna lan hlolò Dwata kul tganay. Là kóen hyu ke là wen yóm litô yóm ógóf fen matay.

1 Pitér 1:2

Deng tehe eles tngónen kuy Dwata, yóm Mà tekuy bè longit. Ne deng néléken yu ne nmoen yu hol kun tau mlan bè yóm kun Tulus. Yó gónón mò du yóm yó anì hol nimón ye Jisas Krays ne anì gotu hnifóten yó kem salà ye mlan bè yóm deng khamà Jisas litóen. Dwata he hol tendo tmóbóng kuy ne hol tendo henek nawa ye.

Hibru 12:24

Hol lómón ke deng tekuy hloni ebè Jisas. Du se mò du yóm lomi lan mò gónó tekuy hloni ebè Dwata lanen hamà litóen bélê tekuy. Hol lómón ke deng hentsiken tekuy yóm kun litô. Ne yóm litóen yó, tey hyu nefeten senta yóm litô tehe Abél ekni.

Kulasi 1:20

Duhen yó, deng hlan Dwata bè Ngaen yóm kesefyuhen yóm kdéen deng tehe dlimunen. Mlan bè yóm deng tehe kgamà litô yóm Ngaen bè yóm tehe katayen bè kros, yó se yóm lan nmò Dwata anì gbek le bud mit sefyu béléen yóm kdéen nô talak tonok ne yóm kdéen nô bè longit.

Kehewà 12:22

Ma ye ngà hanga yóm hulu boluyen hisop ne dù ye lem yóm tukung gónó ye hemsù yóm litô yóm ógóf tnétê ye yó, omin ye lemumang du bè hehek bak dól ye ne bè yóm hlekel ta yóm bak dól ye. Hol béen wen bélê ye hewà bè gónóen efet hlafus.

Kehewà 12:7

Omin le ma dumu yóm litô yóm ubiha hnatay le ne lumang le bè hehek yóm bak dól le ne bè yóm hlekel ta yóm bak dól yóm gónô gónó le mken du yóm ubiha yó.

1 Kurin 11:25

Timbow deng kken le, ominen ma yóm tgayan gónón nô yóm ninum le, ne monen mò kul, “Nim ninum ni, hol hnigaden yóm lomi fasad nmò Dwata mò lan ye ebéléen, dou litô mò hemget du. Bè ket kinum ye du nim ni, hol gel hentulón ye ou nawa.”

Hibru 8:9

Yóm lomi hlolou kul ni, là mkélen bè yóm tehe hlolou yó kem tehe fù le bè yóm tehe kalaku kul gu bè Idyip. Yóm tehe hlolou kul yó, là kô dog lolò le du. Yó gónóhu tódô mayà kul.

Hibru 9:19

Yóm tanay nmò Musis ekni, gotu senfalahen yó kem hlau Dwata bè yó kem tau. Ne ominen ma yóm litô yó kem safì ne yó kem kambing deng eles hnatay le, ne nbolen él. Ne wen sotu kay hulu nwahen boluyen hisop, benkesen yóm tnikel hulô nmò le gu bè bul ubiha, ominen mdù du lem yóm litô. Gna hentsiken ta yóm bok gónóhen nô yóm hlau Dwata, ominen hetsik du ebè kdéen tau.

Hibru 9:21

Omin Musis bud lemakit hetsik du ebè yóm gónô Dwata. Kólen bè yó kem kimu wen mu le du bè yóm gel kehloni le ebè Dwata, gotu hentsiken litô snéen.

2 Bok Kem Tau Hol Geta 17:15

Mom kenbê le yóm hlolò Dwata kul, dalang se yóm deng tehe senfasad le Dwata yó kem tehe fù le, ne yó kem eles hetgamahen kul. Deng mom lolò le yó kem dwata lennged laen dù mu le, ne baling le tau laen dù mu se kul. Mom lolò le yóm kul gel nmò yó kem benwu hmilol kul igò Dwata deng mon du mò kul hol bê le abay lolò lu.

Kem Lingón 99:6

Lewu le Musis Aron yó kem tau gel blóng ebéléen. Samwél snéen sotu gel tmaba ebéléen. Tey kni le tóbóng bè Dwata, ne bnalà Dwata se yóm hni le.

Jirimaya 31:32

Yóm senfasad me ni, là mkélen bè yóm tehe kesfasad me yó kem tehe fù le bè yóm tehe kalaku kul hewà gu bè Idyip. Yóm tey kbong nawahu kul bè yóm kdaw yó hol lómón yóm tau syehen, ewenem mom nulé le yóm deng senfasad me.