Kehewà 24:4 - Udél Dwata: Gna Kesfasad ne Lomi Kesfasad

⁴ Gotu snulat Musis yó kem kdê hlau Dwata. Hol hlafus hayahen bè yó, wen botu sensodoen mò gónó le demsù ebè Dwata bè yó bè but yóm bulul. Bud wen sfolò lewu botu tmahà hdaen hilolen, ket sotu botu bè ket ból yóm sfolò lewu kem ngà logi yóm tehe Israél.

Kehewà 24:4 Referans Kwoze

Dwata 31:9

Duhen yó, gotu snulat Musis yóm kdê hlau Dwata ne blayen bè yó kem sfu Libay gel blóng le ebè Dwata yóm fen gel mit yóm Slungan Fasad ne bè yó kem tuha gel malak yó kem tau Israél.

Tekang Kbuten 28:18

Timbow hol hlafus bè yó, tódô kendel btik Jakub ne ominen ma yóm botu tehe tdananen ne hdaen eta mò hlós ilóen du bè yóm benwu yó gónón hegfan béléen Dwata. Ominen temwél du hnolo ulib mò ilô yóm kehetfingen du ebè Dwata.

Deng Hegfan 21:14

Wen sfolò lewu kay botu gónó le hemyón du yóm beng hilol yóm syudad yó mò hembegel du. Bè ket kay yóm botu yó, wen boluy snulat le lemwót bè yó kem sfolò lewu tau tehe nélék yóm Ngà Ubiha mò hógówen.

Glasya 2:9

Yó kem tau fen gel malak bè yó, le Jim ne Pitér ne Jan, dilô le se kul yóm deng kwen sigang Dwata tahu. Omin le mkem lem hólól me lewu me Barnabas mò ilô yóm deng kessotu me bè yóm kmò me nmò bè Krays. Ne deng gotu senkotuk me snéen yóm kehlós me tmolok lem blóng yó kem là Ju le lewu me Barnabas, ne lu se fen tmolok lem blóng yó kem Ju.

Kun Snulat Luk 22:30

Ke deng kól bè yóm dou kogot tau, angat ye seyón dou mken, ne angat ye gotu mogot kukum bè yó kem sfolò lewu but tau semfu gu bè tehe fù tekuy Israél.”

Isra 6:17

Bè yóm kehfun le du ebè Dwata yóm Gónóen, tey kedsù le. Yó kwen safì tudu dsù le, botong lematu ne lewu latu se ubiha logihen ne fat latu ngà ubihahen. Ne sfolò lewu kambing logi dsù le mò hkó salà, ket sotu kambing bè ket ból ngà Israél.

1 Bok Kem Tau Hol Geta 11:30

Omin Ahidya mlus du yóm nes lomi lafin ta yóm leseken, ne kenséen bè sfolò lewu.

Juswa 4:20

Bè yó gónó Juswa semsodò du yóm sfolò lewu kem botu deng nwa le lem Él Jurdan.

Tekang Kbuten 31:45

Tahu se, ma sotu botu Jakub ne hdaen eta mò gel heftulón du bè nawa le yóm senfasad le.

Tekang Kbuten 28:22

Nim botu deng hdau eta ni mò gel heftulón du bè nawahu yóm deng kehegfanem béléu bè yóm benwu ni. Ne bè ni se angat gónóhu bud tmaba ebéléem. Ne kdê yó kem blayem dou, bud blayu kóm yóm gesfoloen.”

Kehewà 17:14

Omin Dwata mon du mò ke Musis, “Snulatem bè bok nim kegmò ye ni anì là klifót ye du. Tulónem ke Juswa angat gotu genlau yó kem tau Amélék.”

Kehewà 17:15

Ne wen botu sensodò Musis mò gónón demsù ne yó boluyen du, “Yóm sana kum Dwata hol gónó mogot fen hegmò kum.”

Kehewà 24:7

Ominen ma yóm bok gónóhen smulat du yóm deng senfasad le Dwata yó kem tau, ne gónóhen nô yó kem hlau Dwata kul ne hgelen udélen semfala du bè yó kem tau. Ne yó fasad le ke Dwata yó kem tau, mon le, “Nimón me yóm sana kum Dwata hol gónó mogot ne gotu nmò me yóm deng hlauhen kum.”

Kehewà 34:27

Yó mon Dwata mò ke Musis, “Snulatem ni kem udél ni abay se lemwót bè ni kem hlolou kuy ni gónón mbut yóm deng kesfasad tekuy kem tau Israél.”

Isaya 19:19

Ke sok kól yóm kdaw yó, wen mò gónó le gel demsù ebè Dwata bè yó bè Idyip ne wen botu tmahà hdà le bè kilil yóm tonok Idyip mò ilô yóm deng kehtahu le bè Dwata.

Tekang Kbuten 12:7

Bè yóm kkól Abram bè yó, tódô hegfan béléen Dwata, yó monen mò du, “Ó Abram, ni se yóm benwu angat blayu yó kem tau semfu gu béléem.” Omin Abram semsodò yó kem botu mò gónón demsù ebè Dwata yóm Dwata hol kun gónó mogot, yóm deng hegfan béléen.

Juswa 4:5

ne monen mò kul, “Mógów ye ebè gónón sóól lel yóm Él Jurdan bè solu yóm Slungan Fasad yóm Slungan yóm sana Dwata hol gónó mogot. Ket sotu bélê ye tmihang sotu botu ete kembu, ket sotu botu bè ket ból yóm sfolò lewu kem ngà Jakub.

1 Bok Kem Tau Hol Geta 18:31

Wen sfolò lewu botu nwahen, hningónen yó kem sfolò lewu ngà Jakub logi yóm tau tehe gónó Dwata e mudél, monen mò du, “Israél bud boluyem.”