Kehewà 24:3 - Udél Dwata: Gna Kesfasad ne Lomi Kesfasad

³ Tahu se. Lemwót mosol Musis, gotu tulónen yóm kdê tau yó kem hlau Dwata kul ne yóm kdê hloloen kul. Ne yó balà le ke Musis yó kem tau, mon le, “Tódô nmò me yóm kdê deng mon Dwata mò kum.”

Kehewà 24:3 Referans Kwoze

Kehewà 19:8

Omin le gotu malà du yó kem tau, mon le, “Gotu nmò me yóm deng mon Dwata yó, yóm sana kum Dwata hol gónó mogot.” Omin Musis bud mneged nan e hgefet bè Dwata yóm balà le yó.

Kehewà 24:7

Ominen ma yóm bok gónóhen smulat du yóm deng senfasad le Dwata yó kem tau, ne gónóhen nô yó kem hlau Dwata kul ne hgelen udélen semfala du bè yó kem tau. Ne yó fasad le ke Dwata yó kem tau, mon le, “Nimón me yóm sana kum Dwata hol gónó mogot ne gotu nmò me yóm deng hlauhen kum.”

Juswa 24:22

Yó bud udél Juswa ebélê le, monen, “Yu se temksì du yóm deng kélék ye yóm klolò ye ke Dwata yóm sana Dwata hol gónó tekuy mogot.” “Tahu se,” mon le, “mi se temksì du.”

Dwata 6:1

Yó bud mon Musis mò kul, “Ni se yó kem hlau htugod Dwata dou ebélê ye, yóm sana kuy Dwata hol gónó mogot. Yó gónón htugod du do ebélê ye ni kem hlau ni mò hol tendo nimón ye bè yóm knô ye ta yóm tonok mò gónó ye henek nô.

Dwata 5:1

Omin Musis gotu htaba yó kem tau Israél ne monen mò kul, “Ó kem tau Israél, hol hnungol ye yó kem hlau Dwata tulónu kuy kemdaw ni. Hol dnalang ye ne hol nimón ye.

Dwata 4:5

Deng gotu toloku yóm kdê hlau Dwata kuy, lómón yóm deng monen mò dou yóm sana Dwata hol gónóhu mogot. Hol nimón ye ke deng ye kól ta yóm tonok móyón hfun Dwata kuy.

Dwata 4:1

Yó udél Musis ebè yó kem tau Israél, monen, “Hol nimón ye yó kem hlau Dwata toloku kuy ni anì mowil ye ne anì menwu ye ta yóm tonok deng blay Dwata kuy, yóm sana kul Dwata hol gónó mogot yó kem tehe fù ye.

Dwata 5:31

Okóm kóm, budi mulék ebéléu bè ni, naw na gotu tulón kóm yóm kdê hlauhu kul ne yó kem hlolou kul. Tolokem yóm kdéen tau Israél anì yó, nimón le sok le nô ta yóm tonok blayu kul.’ Tu se,” mon Musis, “yóm tehe udél Dwata ebéléu.

Kehewà 24:2

Tek són uu, Musis, hloni ebéléu, là yó kem dumuhem. Ne yó kem dumu tau nô bè but bulul, hol bê le abay mneged.”

Juswa 24:24

Yó bud mon yó kem tau mò ke Juswa, “Tódô lolò me yóm sana kut Dwata hol gónó mogot. Ne nimón me yóm kdê hlauhen kum.”

Jirimaya 11:4

Yó tehe senfasad me yó kem tehe fù ye bè yóm kwitu kul hewà gu bè Idyip, yóm benwu gónó le ghesek,’ monu, ‘Ke nimón ye ou ne ke gotu lolò ye yóm kdê hlolou kuy, baling ye mò dou tau ne ou se mò Dwata ye.

Malakay 2:10

Là tek sotu du kô yóm Mà tekuy kem tau Juda? Là tek sotu du kô yóm Dwata tehe mifil tekuy? Na ke lómón yó, moen de ke deng mom nulé tekuy yóm deng senfasad tekuy? Moen de ke deng mom genbà tekuy yóm tehe kesfasad le Dwata yó kem tehe fù tekuy?

Juswa 24:21

Okóm yó balà le ke Juswa yó kem tau, mon le, “Là. Là kô nmò me du yó. Dwata se hol kum lolò yóm sana Dwata hol gónó tekuy mogot.”

2 Tutul Israél 15:14

Smafà le ebè Dwata, hgel le udél le, mung du hensag le, ne tey wen yó kem féw huni le.

2 Tutul Israél 15:15

Tódô kdê yó kem tau Juda, gotu le hligal bè yóm ksafà le yó, abay se hol lemwót lem but blutut le yóm ksafà le, ne hol lemwót bè nawa le yóm kebel le ke Dwata, ne henmóyóen lu. Ne benlay Dwata lu kenek kbenwu.

Kem Lingón 50:5

Yó udélen, monen, “Sentifun ye lu ebéléu yó kem dou tau là monol nawa le mimón do, yó kem tau deng dumuhu sfasad mlan bè kedsù le.”

Hagay 2:5

Bè yóm tehe kehewà yó kem fù ye gu bè Idyip, tehe fasadu kul yóm tendo eles knóu bélê le. Senged se nim kmoen ni, elese tendo gel nô bélê ye. Yó gónóm mon, hol bê ye abay hlikò. Là buden legen ne yóm angat ksinsigu longit ne tonok ne mohin.