Kehewà 24:18 - Udél Dwata: Gna Kesfasad ne Lomi Kesfasad

¹⁸ Omin Musis bud mneged ne tódô husek elem yóm lobun. Botong fat folò butengen nô ditu lemen. Là gomongen bè nili tsaptér 25 efet kól bè tsaptér 30. Hono hlolò Dwata ke Musis bè yóm tehe khuseken elem tum lobun ditu ta tfusù bulul gónó Dwata nô. Yó hlolò Dwata du, yóm kmò kehdà le du yóm kun Gónô ne mò kmò le du yó kem ngom nô lemen. Tulónen snéen yóm kul kmò knes yó kem tau gel blóng le ebè Dwata ne yóm kmò kehetfing le kul ebè Dwata.

Kehewà 24:18 Referans Kwoze

Dwata 9:9

Yó se yóm kdaw tehe knóu ta Bulul Sinay bè yóm naw e kangay yó kem botu kufil gónó Dwata smulat yó kem hlauhen kuy, yóm deng senfasad ye Dwata. Botong fat folò butengu nô bè yó, balù udì ke mkene duhen ke minume.

Dwata 10:10

“Botong fat folò butengu nô lem bulul lómón yóm deng gna nmou. Nahen na bud hnungol o Dwata bè yóm hnihu béléen ne là genlaen kuy.

Kehewà 34:28

Botong fat folò buteng yóm knô Musis bè yó bè Dwata ne là kóen mken bè yóm knóen bè yó ne là se kóen minum. Gotu snulaten bè yó kem botu kufil yó kem sfolò hlau Dwata kul bè yóm kesfasad le. Yó kem hlau yó, deng fasad yó kem tau Israél ke Dwata yóm kimón le du.

Dwata 9:25

Yó gónóm mon, botong tehe fat folò butengu lemfen bè solu Dwata abay se deng tulón Dwata dou, deng eles hendemen ne yóm keglaen kuy.

Dwata 9:18

Ominen yó, bude mneged ebè Dwata ne fat folò butengu lemfen bè soluhen, balù udì ke mkene duhen ke minume. Yó gónóhu mò du yóm yó lemwót bè yóm deng kegsalà ye bè yóm kmò ye du yóm kenbê Dwata ne deng mom hebut ye Dwata.

Kun Snulat Luk 4:2

Botong fat folò butengen yóm knóen ditu, ne là kóen skó yóm tendo tô ktilów Seitan du. Bè yóm knô Jisas ditu yó, là kóen dog mken, ngangen efet deng tey sidek kbitilen bè yóm hol són kdawen bè yó.

Mark 1:13

Botong fat folò butengen nô ditu, ne bè yó gónó Seitan tendo tô tmilów du. Uma kóm yóm benwu yó, tey dê ógóf lem bnes nô du, okóm wen hógów Dwata gu bè longit na a tmóbóng du.

Matyu 4:2

Botong fat folò buteng Jisas là mken, ya tey sidek kbitilen.

1 Bok Kem Tau Hol Geta 19:8

Tahu se, btik Ilaydya, bud mken ne minum. Lemwót bè yóm deng kkenen gónón kemgis mógów lem yóm fat folò butengen etu bè Bulul Sinay yóm bulul Dwata.

Kehewà 19:20

Mnaul elaan Dwata eta yóm Bulul Sinay ne tnabahen eta yóm bulul yó Musis. Tahu se, bud mneged Musis.

Kehewà 9:33

Omin Musis tmagak ke Faro ne hewà bè yóm syudad yó. Hdaen eta sigelen mni bè Dwata. Ne tódô teflok se yóm leték ne yóm tey bulók kulón ne yóm tey kulón.

Kehewà 9:29

Mon Musis se mò du, “Bè yóm kehewau bè nim syudad ni, hdau eta sigelu ne mnihe bè yóm sana kum Dwata hol gónó mogot. Tódô hotok yóm leték ne laen se dù bud bulók kulón anì yó, tngón ye yóm kum Dwata yó, du se funen yóm klamangen benwu.

Kem Udél Hlalak Tehe Selumun 28:1

Tódô mlóy là wen kemtes du yóm tau gel mò sidek, okóm yóm tau tedeng kmoen lómón klóbóen liyun.

Kehewà 32:1

Timbow ton yó kem tau Israél yóm là géhél kosol Musis gu ta yóm bulul gotu le stifun klohok Aron, mon le mò du, “Là kô tngón me du ke tedu gefet bè Musis yóm tau mit tekuy hewà gu bè Idyip. Yó hyu ke moi bélê me yó kem dwata lennged mò malak tekuy.”

1 Bok Kem Tau Hol Geta 19:11

Yó mon Dwata mò du, “Hwai dé ne mdai bè soluhu ta bulul.” Ne igoen mdà bè yó Ilaydya, mius se Dwata, ne tódô sut se yóm tey lenos bong gónón mluy ne tbó yó kem botu. Okóm là kóen nô bè yóm lenos yó Dwata. Kogol yóm lenos, sut se yóm tey linol, okóm bud là nóen bè yóm linol yó Dwata.

Dwata 5:31

Okóm kóm, budi mulék ebéléu bè ni, naw na gotu tulón kóm yóm kdê hlauhu kul ne yó kem hlolou kul. Tolokem yóm kdéen tau Israél anì yó, nimón le sok le nô ta yóm tonok blayu kul.’ Tu se,” mon Musis, “yóm tehe udél Dwata ebéléu.