Kehewà 24:16 - Udél Dwata: Gna Kesfasad ne Lomi Kesfasad

^16-17 Mnaul elaan ta tfusù yóm bulul yó yóm tey layag Dwata tódô sminang. Bè kton yó kem tau Israél du yóm layag yó lómón kmoen lómón yóm ofi lemtom nô ta tfusù bulul. Botong nem kdawen tendo lemobun ta yóm bulul yó ne bè yóm ghituhen kdaw tnaba Dwata Musis gu lem yóm lobun yó.

Kehewà 24:16 Referans Kwoze

Kehewà 16:10

Tahu se, gotu sentifun Aron lu yóm kdê le. Bè yóm igoen tolo mudél ebélê le, gotu le temngel ebè yóm benwu laen hol wen tauhen ne tódô henmung ton le yóm tey layag Dwata mung bè yóm lobun tódô sminang.

Lista 16:42

Bè yóm deng kestifun yó kem tau msel kul le Musis ne Aron yó, gotu le beklil smolu ebè yóm Gónô Dwata ne tódô ton le yóm lobun lememek etahen, mung du yóm tey slinang Dwata.

Isikél 1:28

Yóm gu hilolen lómón ke wen léwés mnóng du, hol lómón yóm léwés gel gfan gu lem lobun ke kmulón. Yó se kmoen yóm klóón Dwata hono sminang deng hegfan béléu. Bè yóm ktonu du, botonge gefen bè tonok ne ominu mungol yóm mudél ebéléu.

Kem Lingón 99:7

Mudél ebélê le gu lem yóm lobun tmahà, ne nimón le yó kem kóm hlau kul dalang se yó kem kóm hlolò kul.

Lista 14:10

Okóm yó kem tau, mom tô hnatay sentudà le lu botu le Juswa ne Kalib okóm tódô kendel ton le se yóm tey layag Dwata alì sminang ta yóm Gónóen.

Deng Hegfan 1:10

Bè yóm sotu Akad, tódô sut béléu yóm Tulus Dwata, ne tódô gungolu se yóm tey mudél te kwangu, hol lómón ke uni féw bong.

2 Kurin 4:6

Bè yóm tehe kedlimun Dwata yóm klamangen, yó udélen, monen, “Dlimunu layag mò lemayag lem kifu.” Tahu se, tódô lemayag. Yóm Dwata mò du nim ni, ni se yóm Dwata deng hlayag lem hendem me anì hol dilô me yóm tey klinggel nawa Dwata gfan lem uyó Jisas.

Kehewà 20:10

okóm yóm kdaw ghituhen yó se yóm Kdaw Kehegnô hetfing ye ebéléu. Bè yóm kdaw yó, béen abay wen bélê ye mò nmò, balù uu ne yó kem ngaem ne yó kem hesekem ne yó kem ógófem, duhen ke kem tau milo nô bè yóm kuy benwu, hol bê le abay mò nmò.

Kehewà 19:11

Eles le hol htifes bè yóm kehloni le ebéléu lewu ni abay se mnaule elaan bè Bulul Sinay, bè yó gónó le gotu mton do yó kem tau.

Kehewà 19:9

Bè yóm kkól Musis bè yó, yó bud mon Dwata mò du, “Mógówe ebéléem mlan bè lobun mfól anì gungol yó kem tau yóm kudélu ebéléem ne lenwóten bè yó tódô henlel le smalig kóm.” Ominen yó, gotu tulón Musis ke Dwata yóm balà le du yó kem tau.