Kehewà 24:13 - Udél Dwata: Gna Kesfasad ne Lomi Kesfasad

¹³ Tahu se, omin le htifes le Musis ne Juswa yóm tau tóbóng lówóhen, mneged le eta yóm bulul Dwata yó.

Kehewà 24:13 Referans Kwoze

Kehewà 33:11

Bè yóm gel kestulón le Dwata ne Musis, tódô le suyó lómón ke stulón yóm tau swè. Ke deng deng kestulón le, omin Musis mulék ebè kamfù le, fen tebel bè Gónô Dwata yóm tau lomi lemnok tóbóng lówóhen boluyen Juswa ngà Nun.

Lista 11:28

Omin Juswa hebkó mudél yóm ngà Nun. Du se yóm gel tóbóng lówó Musis nbuten bè yóm hanà klomihen tau. Yó udélen ebè Musis, monen, “Tenflokem lu, Sér.”

Kehewà 3:1

Sotu kdaw bè yó, bnentey Musis yó kem ubiha ne kem kambing tuónen Jitru yóm tau gel demsù ebè Dwata bè Midyan. Yó nmò Musis, nalaken yó kem ógóf mifal yóm benwu laen hol wen tauhen ne mógów ebè Sinay yóm bulul bnoluy le bulul Dwata.

Kehewà 32:17

Bè yóm igò le Musis ne Juswa tolo mosol, gungol Juswa se yóm tey hensag yó kem tau ne yó monen mò ke Musis, “Wen tey hensag tau sgida gungolu bè kamfù.”

Kehewà 4:27

Bè yóm tolo knô le bè lan yó, deng eles stulón ke Aron Dwata, monen mò du, “Senlongem Musis bè yóm benwu laen hol wen tauhen.” Tahu se, senlongen bè yóm bulul Dwata. Bè yóm ktonen du tey kligalen, botong neleken.

Kehewà 18:5

Bè yóm kauy Jitru ke Musis yó, mung du yehen Musis ne yó kem lewu ngaen logi, sut le bè yóm gónó le kmamfù le Musis bè yóm benwu laen hol wen tauhen bè yó bè bulul Dwata.

Kehewà 19:3

Omin Musis mneged eta yóm bulul yó nan e senlong Dwata. Tnaba Dwata Musis gu ta yóm bulul yó, tulónen du yóm nóyô monen bè yó kem tau Israél, yó kem tau ból Jakub.

Juswa 1:1

Kogol yóm katay Musis yóm tau tóbóng lówó Dwata, yó udél Dwata ebè Juswa yóm ngà Nun tehe tóbóng lówó Musis, monen,