Kehewà 24:10 - Udél Dwata: Gna Kesfasad ne Lomi Kesfasad

¹⁰ ne bè yó ton le yóm kul Dwata yó kem tau Israél. Yóm gónóhen mdà tey sminang, lómón kenawen longit bede tey mtataw.

Kehewà 24:10 Referans Kwoze

Kun Snulat Jan 1:18

Yóm Dwata, laen kô tau deng mton du he. Okóm tek són yóm kun Ngà yó deng hetngón du tekuy yóm kmò Maen, abay se hol le senged Maen yóm Ngaen, ne senflósen nô béléen yóm Ngaen yó.

Deng Hegfan 4:3

Yóm ktonu du, tódô sminang lemnaw ne hulô, lómón ksinangen yó kem botu dyaspér ne karnilyan. Ne wen tey léwés sminang lemnaw hilolen, lómón ksinangen yóm botu éméral.

1 Timuti 6:16

Tek són du yóm laen dù tul katayen. Yóm layag alì sminang yóm gónón nô, laen kô dù tau gehloni edu, ne laen kô dù tul kton kem tau du. Du yóm hol megdóyón, ne bud du se yóm hol mfasang laen kô dù tul sónen.

Kehewà 33:23

Ominu yó mkó yóm henmuu ne són kwangu angat tonem, là yóm uyóhu.”

Kehewà 33:20

Là htonu du kóm yóm uyóhu abay se laen dù deng tau mton do ke bud mowil.

Tekang Kbuten 32:30

Yó udél Jakub, monen, “Denge tódô suyó ke Dwata dou, hol là bangen du ke là mataye.” Ne yó boluyen du yóm benwu yó, Pinyél.

Deng Hegfan 21:11

Tódô sminang lemwót bè yóm tey layag Dwata. Lómón keslinangen yóm sotu botu mebtes boluyen dyaspér, yóm botu hol lómón ke sobuy molung ktikawen.

1 Jan 4:12

Laen kô dù tau deng mton ke Dwata. Okóm ke hol tekuy sbong nawa, yó se gónó tekuy ssotu bè Dwata. Ne yóm kessotu tekuy bè Dwata yó, yó se gónón baling gulit yóm kesbong tekuy nawa.

Kun Snulat Jan 14:9

Mon Jisas se mò du, “Deng tey kegenu nô lem blóng ye, Filip, là deng tngón ye do he kô? Yó se tau deng mton do, deng tonen se Mà. Moen de ke monem, ‘Tolokem kum Maem?’

Matyu 17:2

Bè yóm knô le bè yó, tódô sfili kton le ke Jisas. Yóm lem uyóhen hol lómón nóng mata kdaw, ne yóm nesen tódô gotu sminang bukay.

Deng Hegfan 1:16

Ne wen hitu blotik nogoten bè sigel kwananen. Ne wen hesut gu lem baken lómón ke sudeng. Ne lem uyóhen, hol lómón knóngen mata kdaw deng gtungó.

Kun Snulat Jan 6:46

Sundu mon dé ke deng tonen Mà. Tek són mton du, són yóm deng lemwót gu béléen.

1 Bok Kem Tau Hol Geta 22:19

Omin Mikaya bud mon du, “Ni hol hnungol ye yóm udél Dwata. Tonu Dwata myón bè yóm gónón myón kmamal bè longit, mdà klohoken yóm kdê gel hógówen, wen se fi bè kwananen, ne wen se fi bè iwóngen.

Kehewà 3:6

Ou se sana Dwata yó kem tehe fuem, le Abraham ne Isak ne Jakub.” Bè yóm kungol Musis du yóm udél yó, botong nsengen uyóhen bè yóm alì klikoen temngel ebè Dwata.

Kehewà 24:11

Balù yóm deng tódô kton le ke Dwata yó kem tuha gel malak yó, là kô hensideken kul. Tódô ton le Dwata, omin le seyón mken bè yó ne ninum le yóm kul gel ninum.

Lista 12:8

Yó gónóm mon, ke stulón me tódô me suyó ne tey mtukul kestulón me, là hlanu du bè hléd. Deng tódô tonen yóm kmou. Kihol ye kóem mlos mudél etahen, yóm dou tóbóng lówó?”

Isikél 1:1

Bè yóm deng tlu folò ne halayu wen hton Dwata do. Htonen do bè yóm glimuhen kdaw bè yóm gfaten bulón bè yóm halay yó bè yóm knóu lem blóng yó kem dumuhu negef lemwót bè Juda nô bè kilil Él Kibar bè Babilun. Bè yóm kdaw yó tódô tonu hnas longit ne hton Dwata do yóm kun kmò.

Danyél 10:17

Là knóónen béléu ke tóe stulón kóm, Sér, yakà olohu tau tóbóng lówóhem. Là bude mgel, botong tô lana nawahu.”

Tekang Kbuten 32:31

Deng sut mata kdaw ne yóm kewót Jakub bè yó bè Pinyél, bede deng mom tugô lemwót bè yóm deng kesléhé lem hunuken.

2 Tutul Israél 6:17

Ne ni, Dwata yóm kum Dwata yó kem tau Israél, hol dnohoem yóm tehe fasadem ke mà yó yóm tau tóbóng lówóhem.